ಅತಿಯಾಗಿ ಚಹಾ ಕುಡಿದರೇ ತಲೆ ಬೋಲಾಗುವುದು ಗ್ಯಾರಂಟಿ : ಅಧ್ಯಯನದಿಂದ ಬಹಿರಂಗ

ಇತ್ತೀಚಿನ ದಿನಗಳಲ್ಲಿ ಬೋಳುತನ ಬಹಳ ದೊಡ್ಡ ಸಮಸ್ಯೆಯಾಗಿದ್ದು, 20 ರಿಂದ 30 ವರ್ಷದೊಳಗಿನ ಪುರುಷರು ಸಹ ಬೋಳುತನಕ್ಕೆ ಬಲಿಯಾಗುತ್ತಿದ್ದಾರೆ.

ಕೆಲವು ಜನರು ಕೇವಲ 30 ವರ್ಷ ವಯಸ್ಸಿನೊಳಗೆ ತಮ್ಮ ಎಲ್ಲಾ ಕೂದಲನ್ನ ಕಳೆದುಕೊಂಡು ಬಿಡ್ತಾರೆ.
ಹಾರ್ಮೋನುಗಳ ಬದಲಾವಣೆಗಳು, ಕಳಪೆ ಆಹಾರ, ಮಾನಸಿಕ ಒತ್ತಡ ಮತ್ತು ಆನುವಂಶಿಕ ಕಾರಣಗಳಿಂದಾಗಿ ಬೋಳುತನದ ಸಮಸ್ಯೆ ಹೆಚ್ಚುತ್ತಿದೆ.

ಆದ್ರೆ, ಸೋಡಾ, ಚಹಾ, ತಂಪು ಪಾನೀಯಗಳು ಮತ್ತು ಇತರ ಸಿಹಿ ಆಹಾರಗಳನ್ನ ಕುಡಿಯುವುದರಿಂದ ಪುರುಷರು ಬೋಳಾಗಬಹುದು ಎಂದು ನಿಮಗೆ ತಿಳಿದಿದೆಯೇ.? ಪ್ರತಿದಿನ ಈ ವಸ್ತುಗಳನ್ನು ಕುಡಿಯುವ ಜನರು ಇತರ ಜನರಿಗಿಂತ ಬೋಳುತನದ ಅಪಾಯವನ್ನ ಶೇಕಡಾ 60ರಷ್ಟು ಹೆಚ್ಚು ಹೊಂದಿರುತ್ತಾರೆ. ಚೀನಾದಲ್ಲಿ ನಡೆಸಿದ ಸಂಶೋಧನೆಯಲ್ಲಿ ಇದು ಬಹಿರಂಗವಾಗಿದೆ.

ಚೀನಾದ ತ್ಸಿಂಗ್ಹುವಾ ವಿಶ್ವವಿದ್ಯಾಲಯದ ವಿಜ್ಞಾನಿಗಳು ಈ ಅಧ್ಯಯನವನ್ನು ಮಾಡಿದ್ದಾರೆ. ಜನರ ಆಹಾರ ಪದ್ಧತಿಯ ಡೇಟಾವನ್ನ ಅನುಸರಿಸಿ ಈ ಅಧ್ಯಯನ ಮಾಡಲಾಗಿದೆ. ಇನ್ನು ಈ ಅಧ್ಯಯನದಲ್ಲಿ ಸುಮಾರು 1,000 ಪುರುಷರನ್ನ ಸೇರಿಸಲಾಯಿತು.

ಅವರ ಆಹಾರದಲ್ಲಿ ತಂಪು ಪಾನೀಯಗಳು ಮತ್ತು ಚಹಾದ ಸೇವನೆಯೂ ಸೇರಿತ್ತು. ಅವರು ಚಹಾದಲ್ಲಿ ಹೆಚ್ಚು ಸಿಹಿತಿಂಡಿಗಳನ್ನ ತಿನ್ನುವ ಅಭ್ಯಾಸವನ್ನ ಹೊಂದಿದ್ದರು ಮತ್ತು ಹೆಚ್ಚು ತಂಪು ಪಾನೀಯಗಳನ್ನ ಸಹ ಕುಡಿಯುತ್ತಿದ್ದರು.

ಈ ಪುರುಷರಲ್ಲಿ ಹೆಚ್ಚಿನವರು 50 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರು. ಬೋಳುತನವು ಸಾಮಾನ್ಯವಾಗಿ ಪುರುಷರಲ್ಲಿ 50 ವರ್ಷದ ನಂತರ ಪ್ರಾರಂಭವಾಗುತ್ತದೆ, ಆದರೆ ಹೆಚ್ಚು ಸಕ್ಕರೆ ಪಾನೀಯಗಳನ್ನು ಒಳಗೊಂಡಿರುವ ಆಹಾರದಲ್ಲಿ, ಈ ಅಪಾಯವು 40 ವರ್ಷಕ್ಕಿಂತ ಮೊದಲೇ ಪ್ರಾರಂಭವಾಗಿದೆ. ಅವರು ಚಿಕ್ಕ ವಯಸ್ಸಿನಲ್ಲಿಯೇ ಕೂದಲನ್ನ ಕಳೆದುಕೊಳ್ಳಲು ಪ್ರಾರಂಭಿಸಿದರು.