ನಿಪ್ಪಾಣಿ : ಗುರುವಾರ ಪ್ರಕಟವಾದ ಪಿಯುಸಿ ದ್ವಿತೀಯ ವರ್ಷದ ಪರೀಕ್ಷಾ ಫಲಿತಾಂಶದಲ್ಲಿ ನಿಪ್ಪಾಣಿ ತಾಲೂಕಿನ ಬೇಡಕಿಹಾಳ ಗ್ರಾಮದ ಬಿ.ಎಸ್.ಸಂಯುಕ್ತ ಪದವಿ ಪೂರ್ವ ಕಾಲೇಜಿಗೆ ಪ್ರತಿಶತ 86.73ರಷ್ಟು ಫಲಿತಾಂಶ ಬಂದಿದ್ದು ಸಾಧನೆ ಮಾಡಿದ ವಿಧ್ಯಾರ್ಥಿಗಳಿಗೆ, ಬೋಧಕರಿಗೆ ಹಾಗೂ ಪಾಲಕರಿಗೆ ಲಟ್ಟೆ ಶಿಕ್ಷಣ ಸಂಸ್ಥೆಯ ಬಿ.ಎಸ್ ಸಂಯುಕ್ತ ಪದವಿ ಪೂರ್ವ ಕಾಲೇಜಿನ ಅಧ್ಯಕ್ಷ ತಾತ್ಯಾಸಾಹೇಬ ಖೋತ ಆಡಳಿತ ಮಂಡಳಿಯ ಪರವಾಗಿ ಅಭಿನಂದನೆ ಸಲ್ಲಿಸಿದರು.
ಶಿಕ್ಷಣ ಸಂಸ್ಥೆಯ ಕಾರ್ಯಾಲಯದಲ್ಲಿ ಶುಕ್ರವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು ಫಲಿತಾಂಶದ ಸಂಪೂರ್ಣ ವಿವರ ತಿಳಿಸಿದರು. ಕೇಂದ್ರಕ್ಕೆ ಶಾಲೆಯ ವಿದ್ಯಾರ್ಥಿನಿ ಅಂಕಿತಾ ಸುತಳೆ ಶೇ 94.50ರಷ್ಟು ಅಂಕ ಪಡೆದು ಪ್ರಥಮ ಸಂಕಲ್ಪ ಕಳಂತ್ರೆ ಶೇ 94.16 ದ್ವಿತೀಯ ಹಾಗೂ ಸಂಜನಾ ಮಡಿವಾಳ ಶೇ 93.83 ತೃತೀಯ ಕ್ರಮಾಂಕ ಪಡೆದು ಶಾಲೆಗೆ ಟಾಪರ್ ಅದೇ ರೀತಿ ಕಲಾ ವಿಭಾಗದಲ್ಲಿ ಕ್ರಮವಾಗಿ ಅಂಕಿತಾ ಸುತಳೆ ಪ್ರಥಮ ಭೂಮಿಕಾ ಶಾಹಮಾನೆ ದ್ವಿತೀಯ ಹಾಗೂ ರಕ್ಷಿತಾ ರಾಣೋಡೆ ತೃತೀಯ ವಾಣಿಜ್ಯ ವಿಭಾಗದಲ್ಲಿ ಸಂಕಲ್ಪ ಕಳಂತ್ರೆ ಪ್ರಥಮ ಸಂಜನಾ ಮಡಿವಾಳ ದ್ವಿತೀಯ ಹಾಗೂ ರೇಣುಕಾ ಮಾಳಿ ತೃತೀಯ ವಿಜ್ಞಾನ ವಿಭಾಗದಲ್ಲಿ ಮಧು ಕಮತೆ ಪ್ರಥಮ ಪ್ರತೀಕ್ಷಾ ಬಡಿಗೇರ ದ್ವಿತೀಯ ಹಾಗೂ ಅಮೃತಾ ಕಾಂಬಳೆ ತೃತೀಯ ಕ್ರಮಾಂಕ ಪಡೆದು ಶಾಲೆಗೆ ಕೀರ್ತಿ ತಂದಿದ್ದಾರೆ ಎಂದರು. ಇದೇ ವೇಳೆ ಪ್ರಾಚಾರ್ಯ ಎಂ ಎಸ್ ಕಟ್ಟಿ ಮಾತನಾಡಿ ಉತ್ತಮ ಬೋಧನೆ, ಪಾಲಕರ ಪರಿಶ್ರಮ, ವಿದ್ಯಾರ್ಥಿಗಳ ಅವಿರತ ಪ್ರಯತ್ನದಿಂದಲೇ ಉತ್ತಮ ಫಲಿತಾಂಶ ಬಂದಿದ್ದು ಶಾಲೆಯ ಕೀರ್ತಿ ಹೆಚ್ಚಾಗಿದೆ ಎಂದರು.
ವರದಿ : ಮಹಾವೀರ ಚಿಂಚಣೆ
