ಬೇಸಿಗೆಗೆ ತಂಪಾದ ಹಸಿ ಮಜ್ಜಿಗೆ ಹುಳಿ ಮಾಡುವ ಸರಳ ವಿಧಾನ ಇಲ್ಲಿದೆ. ಮೊಸರು, ತೆಂಗಿನ ತುರಿ ಮತ್ತು ಮಸಾಲೆ ಪದಾರ್ಥಗಳನ್ನು ಬಳಸಿ ರುಚಿಕರವಾದ ಮಜ್ಜಿಗೆ ಹುಳಿಯನ್ನು ತಯಾರಿಸಿ.
ಬೇಸಿಗೆಯ ಹೊತ್ತಿನಲ್ಲಿ, ಊಟದ ಜೊತೆಗೆ ಹಸಿ ಮಜ್ಜಿಗೆ ಹುಳಿ ಇದ್ದರೆ ತುಂಬಾ ರುಚಿಯಾಗಿರುತ್ತದೆ. ಆಹಾರವನ್ನು ತಿಂದಾಗ ಅದರ ಮೂಲಕ ಒಳ್ಳೆಯ ತೃಪ್ತಿ ಅನ್ನಿಸಲಿದೆ. ಮಜ್ಜಿಗೆ ಹುಳಿ ಮಾಡುವ ವಿಧಾನ ತುಂಬಾ ಸರಳವಾಗಿದ್ದು, ತಪ್ಪದೆ ಈ ವಿಧಾನವನ್ನು ಪಾಲಿಸಿಯೇ ನೋಡಿ.
ಬೇಕಾಗುವ ಸಾಮಗ್ರಿ:
ಅರ್ಧ ಲೀಟರ್ ಮೊಸರು
1 ಕಪ್ ನೀರು
1 ಚಮಚ ಎಣ್ಣೆ
5-6 ಎಸಳು ಬೆಳ್ಳುಳ್ಳಿ
4-5 ಹಸಿ ಮೆಣಸು (ಖಾರಕ್ಕೆ ತಕ್ಕಂತೆ)
ಅರ್ಧ ಚಮಚ ಕಾಳು ಮೆಣಸು
1 ಕಪ್ ತೆಂಗಿನ ತುರಿ (ಫ್ರೆಷ್, ಫ್ರಿಡ್ಜ್‌ನಲ್ಲಿಟ್ಟದ್ದು ಬಳಸಬೇಡಿ)
1 ಮುಷ್ಠಿಯಷ್ಟು ಕೊತ್ತಂಬರಿ ಸೊಪ್ಪು
1 ಚಮಚ ಜೀರಿಗೆ
ಒಗ್ಗರಣೆಗಾಗಿ:
1 ಚಮಚ ಎಣ್ಣೆ
ಸ್ವಲ್ಪ ಸಾಸಿವೆ
ಸ್ವಲ್ಪ ಜೀರಿಗೆ
1 ಚಿಕ್ಕ ಈರುಳ್ಳಿ
2 ಒಣ ಮೆಣಸು
ಸ್ವಲ್ಪ ಕರಿಬೇವು
ಚಿಟಿಕೆಯಲ್ಲಿ ಇಂಗು
ರುಚಿಗೆ ತಕ್ಕ ಉಪ್ಪು
ಮಾಡುವ ವಿಧಾನ:
ಮಜ್ಜಿಗೆ ತಯಾರಿಸಲು: ಮೊಸರಿನಲ್ಲಿ 1 ಕಪ್ ನೀರು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ, ಹಸಿ ಮಜ್ಜಿಗೆ ತಯಾರಿಸಿ.
ತೆಂಗಿನ ತುರಿ ಮಸಾಲೆ: ತೆಂಗಿನ ತುರಿ, ಬೆಳ್ಳುಳ್ಳಿ, ಶುಂಠಿ, ಹಸಿ ಮೆಣಸು, ಕೊತ್ತಂಬರಿ ಸೊಪ್ಪು ಹಾಕಿ, ಪೇಸ್ಟ್ ಮಾಡಿ. ಈ ಪೇಸ್ಟು ನುಣ್ಣಗೆ ಮಾಡಬಹುದು ಅಥವಾ ಸ್ವಲ್ಪ ತುರಿ ತುರಿಯಾಗಿಯೂ ಮಾಡಿಕೊಳ್ಳಬಹುದು.
ಒಗ್ಗರಣೆ: ಒಂದು ಪಾತ್ರೆಗೆ ಎಣ್ಣೆ ಹಾಕಿ, ಬಿಸಿ ಆದ ಮೇಲೆ ಸ್ವಲ್ಪ ಜೀರಿಗೆ ಹಾಕಿ, ಅದು ಚಟ್‌ಪಟ ಶಬ್ದ ಮಾಡಬಹುದಾದಾಗ ರುಬ್ಬಿಕೊಂಡ ಕಾಯಿ ತುರಿ ಮಸಾಲೆ ಹಾಕಿ, ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಬೇಯಿಸಿದ ನಂತರ ಕೆಳಗೆ ಇಳಿಸಿ.
ಮಜ್ಜಿಗೆ ಸೇರಿಸಿ: ಬಿಸಿ ಸ್ವಲ್ಪ ಕಡಿಮೆಯಾದ ಮೇಲೆ (ಸಂಪೂರ್ಣ ತಣ್ಣಗಾಗಬಾರದು), ಈಗಾಗಲೇ ತಯಾರಿಸಿದ್ದ ಹಸಿ ಮಜ್ಜಿಗೆಯನ್ನು ಹಾಕಿ. ಅದಕ್ಕೆ ಒಗ್ಗರಣೆ ಹಾಕಿದ್ದನ್ನು ಚೆನ್ನಾಗಿ ಮಿಕ್ಸ್ ಮಾಡಿ.
ಒಗ್ಗರಣೆ: ಒಂದು ಪಾತ್ರೆಗೆ ಎಣ್ಣೆ ಹಾಕಿ, ಸಾಸಿವೆ ಹಾಕಿ, ಸಾಸಿವೆ ಚಟ್‌ಪಟ ಶಬ್ದ ಮಾಡಬಹುದಾದಾಗ, ಕರಿಬೇವು, ಇಂಗು, ಒಣ ಮೆಣಸು ಮುರಿದು ಹಾಕಿ. ಈ ಒಗ್ಗರಣೆಯನ್ನು ಹಸಿ ಮಜ್ಜಿಗೆ ಹುಳಿಗೆ ಸೇರಿಸಿ, ಅನ್ನದ ಜೊತೆಗೆ ಊಟ ಮಾಡಬಹುದು. ಬೇಸಿಗೆಯಲ್ಲೇ ತಿನ್ನಲು ತುಂಬಾ ಚೆನ್ನಾಗಿರುತ್ತದೆ.
