ಬೆಂಗಳೂರು: ದೇಶಾದ್ಯಂತ ಹೊಸ ಕ್ರಿಮಿನಲ್ ಅಪರಾಧ ಕಾನೂನು ಜಾರಿಯಾದ ಮೊದಲ ದಿನವೇ ರಾಜ್ಯದಲ್ಲಿ 63 ಪ್ರಕರಣ ದಾಖಲಾಗಿವೆ.
ಜುಲೈ 1ರ ಸೋಮವಾರದಿಂದ ದೇಶಾದ್ಯಂತ ಮೂರು ಹೊಸ ಕ್ರಿಮಿನಲ್ ಅಪರಾಧ ಕಾನೂನುಗಳು ಜಾರಿಯಾಗಿದ್ದು, ಮೊದಲ ದಿನ ರಾಜ್ಯದ ವಿವಿಧ ಪೊಲೀಸ್ ಠಾಣೆಗಳಲ್ಲಿ ಸೋಮವಾರ ರಾತ್ರಿ 8 ಗಂಟೆವರೆಗೆ 63 ಪ್ರಕರಣ ದಾಖಲಾಗಿವೆ.
ಬೆಂಗಳೂರಿನ ಹೆಚ್‌ಎಸ್‌ಆರ್ ಲೇಔಟ್ ಪೊಲೀಸ್ ಠಾಣೆಯಲ್ಲಿ ಭಾರತೀಯ ನ್ಯಾಯ ಸಂಹಿತೆ ಕಾನೂನಿನಡಿ ಮೊದಲ ಪ್ರಕರಣ ಸೋಮವಾರ ರಾತ್ರಿ ಜಾವಾ 1:30ರ ಸುಮಾರಿಗೆ ಯುಡಿಆರ್ ದಾಖಲಾಗಿದೆ.
ದೇಶಾದ್ಯಂತ ಸೋಮವಾರದಿಂದ ಭಾರತೀಯ ನ್ಯಾಯ ಸಂಹಿತೆ(BNS), ಭಾರತಿಯ ನಾಗರಿಕ ಸುರಕ್ಷತಾ ಸಂಹಿತೆ(BNSS), ಭಾರತೀಯ ಸಾಕ್ಷ್ಯ ಅಧಿನಿಯಮ(BSA) ಹೊಸ ಕಾನೂನು ಜಾರಿಯಾಗಿವೆ. ಈ ಕಾನೂನುಗಳಡಿ ಕೇಸ್ ದಾಖಲಿಸಲಾಗುವುದು.
