ವಿದೇಶಗಳಿಗೆ ಪ್ರಯಾಣಿಸಲು ಪಾಸ್ ಪೋರ್ಟ್ ಮತ್ತು ವೀಸಾ ಅಗತ್ಯ. ಆದರೆ ಕೆಲವು ದೇಶಗಳಿಗೆ ವೀಸಾ ಇಲ್ಲದೆ ಪ್ರಯಾಣಿಸಬಹುದು. ಭಾರತ ಸರ್ಕಾರವು ನಾಗರಿಕರಿಗೆ ವೀಸಾ ಇಲ್ಲದೆ ಇತರ ದೇಶಗಳಿಗೆ ಪ್ರಯಾಣಿಸಲು ಅನುವು ಮಾಡಿಕೊಡುವ ಹಲವಾರು ಒಪ್ಪಂದಗಳಿಗೆ ಸಹಿ ಹಾಕಿದೆ.
ವೀಸಾ ಅರ್ಜಿಗಳಿಗಾಗಿ ಹಣ, ಸಮಯವನ್ನು ವ್ಯರ್ಥ ಮಾಡಬೇಕಾಗುತ್ತೆ ಜೊತೆಗೆ ಕೆಲವೊಮ್ಮೆ ಹೆಚ್ಚು ತೆರಿಗೆ ವಿಧಿಸಬಹುದು.ಆದ್ದರಿಂದ 2024 ರಲ್ಲಿ ನಿಮ್ಮ ಪ್ರವಾಸವನ್ನು ಯೋಜಿಸುವ ಮೊದಲು ವೀಸಾ ಇಲ್ಲದೆ ಪ್ರಯಾಣಿಸಬಹುದಾದ ದೇಶಗಳ ಪಟ್ಟಿ ಇಲ್ಲಿದೆ ತಿಳಿದುಕೊಳ್ಳಿ.
ಭಾರತೀಯ ಪಾಸ್‌ಪೋರ್ಟ್ ಹೊಂದಿರುವವರಿಗೆ ಟಾಪ್ 8 ವೀಸಾ ಮುಕ್ತ ದೇಶಗಳು:
1. ಕತಾರ್
ಕತಾರ್ ಒಂದು ಸುಂದರವಾದ ಮಧ್ಯಪ್ರಾಚ್ಯ ದೇಶವಾಗಿದ್ದು ಅದು ಗಮನಾರ್ಹವಾದ ಮೂಲಸೌಕರ್ಯಕ್ಕೆ ಹೆಸರುವಾಸಿಯಾಗಿದೆ. ಶ್ರೀಮಂತ ರಾಷ್ಟ್ರಗಳಲ್ಲಿ ಇದು ಕೂಡ ಒಂದು. ಇದರ ರಾಜಧಾನಿ ದೋಹಾ, ಗಗನಚುಂಬಿ ಕಟ್ಟಡಗಳನ್ನು ಹೊಂದಿರುವ ಭವಿಷ್ಯದ ನಗರ ಎಂದು ಖ್ಯಾತಿ. ಕತಾರ್‌ಗೆ ಭೇಟಿ ನೀಡುವಾಗ, ನೀವು ಸಾಮಾನ್ಯವಾಗಿ ಒಳನಾಡಿನ ಸಮುದ್ರ ಎಂದು ಕರೆಯಲ್ಪಡುವ ಖೋರ್ ಅಲ್ ಅಡೈದ್ ವೀಕ್ಷಣೆ ಮೀಸ್ ಮಾಡಿಕೊಳ್ಳಬೇಡಿ.
ಇದು ಮರುಭೂಮಿಯು ಸಮುದ್ರವನ್ನು ಸಂಧಿಸುವ ಸ್ಥಳವಾಗಿದೆ ಮತ್ತು ಪ್ರತಿಯೊಬ್ಬರೂ ತಮ್ಮ ಜೀವಿತಾವಧಿಯಲ್ಲಿ ಒಮ್ಮೆಯಾದರೂ ನೋಡಬೇಕಾದ ರುದ್ರರಮಣೀಯ ದೃಶ್ಯವಾಗಿದೆ. ಕತಾರ್ ಭಾರತೀಯ ಪ್ರಜೆಗಳಿಗೆ 30 ದಿನಗಳ ವೀಸಾ ಮನ್ನಾವನ್ನು ನೀಡುತ್ತದೆ.
2. ಮಾರಿಷಸ್
ಮಾರಿಷಸ್ ಹಿಂದೂ ಮಹಾಸಾಗರದಿಂದ ಸುತ್ತುವರೆದಿರುವ ಒಂದು ಸುಂದರವಾದ ಉಷ್ಣವಲಯದ ಸ್ವರ್ಗವಾಗಿದೆ. ಇದು ಪೂರ್ವ ಆಫ್ರಿಕಾದ ಒಂದು ಸುಂದರವಾದ ದ್ವೀಪ ದೇಶವಾಗಿದ್ದು, ಅದರ ಸುಂದರವಾದ ಸ್ಪಷ್ಟ ನೀರಿನ ಕಡಲತೀರಗಳು ಮತ್ತು ಹವಳದ ಬಂಡೆಗಳಿಗೆ ಹೆಸರುವಾಸಿಯಾಗಿದೆ.
ಮಾರಿಷಸ್ ತನ್ನ ಸುಂದರವಾದ ದೃಶ್ಯಾವಳಿ ಮತ್ತು ಸಾಹಸ ಚಟುವಟಿಕೆಗಳಿಂದಾಗಿ ಜನಪ್ರಿಯ ಪ್ರವಾಸಿ ತಾಣವಾಗಿದೆ. ಯು ಇದು ಸಿಂಗಲ್ಸ್, ಗುಂಪುಗಳು ಮತ್ತು ದಂಪತಿಗಳಿಗೆ ಉತ್ತಮ ರಜಾ ತಾಣವಾಗಿದೆ. ಇದು ರುಚಿಕರವಾದ ಸ್ಥಳೀಯ ತಿನಿಸುಗಳನ್ನು ಸಹ ನೀಡುತ್ತದೆ. ಭಾರತೀಯ ಪಾಸ್‌ಪೋರ್ಟ್ ಹೊಂದಿರುವವರು ವೀಸಾ ಇಲ್ಲದೆ 90 ದಿನಗಳವರೆಗೆ ಮಾರಿಷಸ್‌ನಲ್ಲಿ ಉಳಿಯಬಹುದು.
3. ಮಲೇಷ್ಯಾ
ಮಲೇಷ್ಯಾ ಪ್ರಯಾಣಿಸಲು ಒಂದು ಭವ್ಯವಾದ ದೇಶವಾಗಿದೆ. ಇದು ಪ್ರಾಚೀನ ಮಳೆಕಾಡುಗಳು ಮತ್ತು ಬಹುಸಂಸ್ಕೃತಿಯ ನಗರಜೀವನದ ಪರಿಪೂರ್ಣ ಸಂಯೋಜನೆ ಅನುಭವವನ್ನು ನೀಡುತ್ತದೆ. ಭಾರತೀಯ ಪಾಸ್‌ಪೋರ್ಟ್ ಹೊಂದಿರುವವರು ಈಗ ಡಿಸೆಂಬರ್ 31, 2024 ರವರೆಗೆ ವೀಸಾ-ಮುಕ್ತವಾಗಿ ಮಲೇಷ್ಯಾಕ್ಕೆ ಪ್ರಯಾಣಿಸಬಹುದು. ವೀಸಾ ಇಲ್ಲದೇ 30 ದಿನಗಳವರೆಗೆ ಉಳಿಯಲು ಮಲೇಷ್ಯಾ ಅನುಮತಿಸುತ್ತದೆ.
ಮಲೇಷ್ಯಾದಲ್ಲಿರುವಾಗ, ಕೌಲಾಲಂಪುರ್ (ದೇಶದ ರಾಜಧಾನಿ), ಕ್ಯಾಮರೂನ್ ಹೈಲ್ಯಾಂಡ್ಸ್, ಪೆನಾಂಗ್ ಮತ್ತು ಲಂಕಾವಿಯನ್ನು ಭೇಟಿ ಮಾಡಿ. ಮಲೇಷ್ಯಾ ತನ್ನ ಆಹಾರಕ್ಕಾಗಿ ಪ್ರಸಿದ್ಧವಾಗಿದ್ದು ಸಾಕಷ್ಟು ಕೈಗೆಟುಕುವಂತಿದೆ. ದೇಶವು ಅತ್ಯುತ್ತಮ ಆಹಾರ, ಐತಿಹಾಸಿಕ ದೃಶ್ಯ, ಬೆರಗುಗೊಳಿಸುವ ಕಡಲತೀರಗಳು ಮತ್ತು ರಾಷ್ಟ್ರೀಯ ಉದ್ಯಾನವನಗಳಿಗೆ ಹೆಸರುವಾಸಿಯಾಗಿದೆ.
4. ನೇಪಾಳ
ನೇಪಾಳವು ಹಿಮಾಲಯ ಪ್ರದೇಶದಲ್ಲಿ ನೆಲೆಗೊಂಡಿದೆ ಮತ್ತು ಅದರ ಸೌಂದರ್ಯವು ಪ್ರವಾಸಿಗರನ್ನು ಆಕರ್ಷಿಸುತ್ತದೆ . ಅಕ್ಟೋಬರ್ ಮತ್ತು ಡಿಸೆಂಬರ್ ನಡುವೆ ಭೇಟಿ ನೀಡಲು ಉತ್ತಮ ಸಮಯ. ಈ ತಿಂಗಳುಗಳಲ್ಲಿ ಹವಾಮಾನವು ತುಂಬಾ ಆಹ್ಲಾದಕರವಾಗಿರುತ್ತದೆ.
ನೇಪಾಳದಲ್ಲಿ ನೀವು ಭೇಟಿ ನೀಡಲೇಬೇಕಾದ ಕೆಲವು ಸ್ಥಳಗಳೆಂದರೆ ಕಠ್ಮಂಡು, ಭಕ್ತಾಪುರ, ಚಿತ್ವಾನ್ ರಾಷ್ಟ್ರೀಯ ಉದ್ಯಾನವನ ಮತ್ತು ಇತರ ದೇವಾಲಯಗಳು ಮತ್ತು ಸ್ತೂಪಗಳು. ಇಲ್ಲಿ ಕೈಗೆಟುಕುವ ಬೆಲೆಯಲ್ಲಿ ಗುಣಮಟ್ಟದ ಉತ್ಪನ್ನಗಳನ್ನು ಖರೀದಿಸಬಹುದು.
5. ಭೂತಾನ್
ನೀವು ವಿಮಾನಯಾನ ಅಥವಾ ರಸ್ತೆಯ ಮೂಲಕ ಈ ದೇಶವನ್ನು ಪ್ರವೇಶಿಸಬಹುದು. ಅಲ್ಲಿ ನೀವು ಟೈಗರ್ ನೆಸ್ಟ್ ಮೊನಾಸ್ಟರಿ ಮತ್ತು ಪುನಾಖಾ ಡಿಜೊಂಗ್ ನೋಡುವುದನ್ನು ಮಿಸ್ ಮಾಡಿಕೊಂಡರೆ ಭೂತಾನ್ ನಲ್ಲಿ ಅದ್ಭುತವಾದುದನ್ನು ಮಿಸ್ ಮಾಡಿಕೊಂಡಿರೆಂದೇ ಆಗುತ್ತದೆ.
ಭೂತಾನ್‌ನಲ್ಲಿ ಕೆಲವು ಅದ್ಭುತವಾದ ಆಹಾರಗಳಿವೆ ಅದನ್ನು ನೀವು ಪ್ರಯತ್ನಿಸಲೇಬೇಕು. ಭೂತಾನ್ ನ ರಾಷ್ಟ್ರೀಯ ಭಕ್ಷ್ಯವಾದ ಎಮಾ ದತ್ಸಿಯನ್ನು ಪ್ರಯತ್ನಿಸಿ. ಭೂತಾನ್ ಮಾರುಕಟ್ಟೆಗಳು ಭಾರತೀಯ ಕರೆನ್ಸಿಯನ್ನು ಸ್ವೀಕರಿಸುತ್ತವೆ, ಆದ್ದರಿಂದ ಕರೆನ್ಸಿಗಳನ್ನು ಬದಲಾಯಿಸುವ ಅಗತ್ಯವಿಲ್ಲ.
6. ಮಾಲ್ಡೀವ್ಸ್
ಮಾಲ್ಡೀವ್ಸ್ ಅನ್ನು ಸಾಮಾನ್ಯವಾಗಿ ಅತ್ಯಂತ ಸುಂದರ ದೇಶವೆಂದು ಪರಿಗಣಿಸಲಾಗುತ್ತದೆ ಮತ್ತು ಇದು ಭಾರತೀಯರಿಗೆ ಉಚಿತ ವೀಸಾವನ್ನು ಹೊಂದಿದೆ. ಇದು ತನ್ನ ಸುಂದರವಾದ ದ್ವೀಪಗಳನ್ನು ಹೊರತುಪಡಿಸಿ ಶ್ರೀಮಂತ ರೆಸಾರ್ಟ್‌ಗಳು ಮತ್ತು ವಸತಿ ಆಯ್ಕೆಗಳಿಗೆ ಹೆಸರುವಾಸಿಯಾಗಿದೆ.
ಪ್ರಕೃತಿಯ ಅದ್ಭುತ ನೋಟ ಕಣ್ಮನ ಸೆಳೆಯುತ್ತದೆ. ಮಾಲ್ಡೀವ್ಸ್ ನಲ್ಲಿ ಕೈಗೆಟುಕುವ ಅತಿಥಿಗೃಹಗಳು ಮತ್ತು ಅಗ್ಗದ ಆಹಾರ ದೊರೆಯುತ್ತದೆ. ಇಲ್ಲಿನ ದ್ವೀಪಗಳು ನಿಮ್ಮ ಪ್ರವಾಸದ ಭಾಗವಾಗಿರುತ್ತವೆ.
7. ಕೀನ್ಯಾ
ಜನವರಿ 1 2024 ರಿಂದ ಕೀನ್ಯಾ ದೇಶದಲ್ಲಿ ಪ್ರವಾಸೋದ್ಯಮವನ್ನು ಉತ್ತೇಜಿಸಲು ಭಾರತೀಯ ಪಾಸ್‌ಪೋರ್ಟ್ ಹೊಂದಿರುವವರಿಗೆ ವೀಸಾ-ಮುಕ್ತ ಪ್ರಯಾಣವನ್ನು ಅನುಮತಿಸಿದೆ.
ನೀವು ಎಲೆಕ್ಟ್ರಾನಿಕ್ ವೀಸಾಕ್ಕೆ ಅರ್ಜಿ ಸಲ್ಲಿಸಬೇಕು. ಇದಕ್ಕೆ ಗರಿಷ್ಠ 3 ರಿಂದ 4 ದಿನಗಳು ಸಾಕಷ್ಟೆ. ಈ ಪ್ರಕ್ರಿಯೆಯು ತುಂಬಾ ಸುಲಭವಾಗಿರುವುದರಿಂದ ಹೆಚ್ಚಿನ ಸಮಯ, ಖರ್ಚು ತಗುಲುವುದಿಲ್ಲ. ಕೀನ್ಯಾ ತನ್ನ ವನ್ಯಜೀವಿ ಸಫಾರಿಗಳಿಗೆ ಹೆಸರುವಾಸಿಯಾಗಿದೆ.
8. ಥೈಲ್ಯಾಂಡ್
ಥೈಲ್ಯಾಂಡ್ ಅನ್ನು ಆಗ್ನೇಯ ಏಷ್ಯಾದ ರತ್ನವೆಂದು ಪರಿಗಣಿಸಲಾಗಿದೆ. ಇದು ಅತ್ಯುತ್ತಮವಾದ ಕಡಲತೀರಗಳು, ಬಾಯಲ್ಲಿ ನೀರೂರಿಸುವ ಪಾಕಪದ್ಧತಿ ಮತ್ತು ರೋಮಾಂಚಕ ಸಂಸ್ಕೃತಿಗೆ ಬಹಳ ಪ್ರಸಿದ್ಧವಾಗಿದೆ. ಥೈಲ್ಯಾಂಡ್‌ನಲ್ಲಿ ವಿವಿಧ ಸುಂದರ ಮತ್ತು ಪ್ರಶಾಂತ ದ್ವೀಪಗಳಿವೆ, ಅಲ್ಲಿ ನೀವು ವಿಶ್ರಾಂತಿ ಸಮಯವನ್ನು ಹೊಂದಬಹುದು.
ನೀವು ಸ್ಕೈ ಡೈವಿಂಗ್, ರಾಕ್ ಕ್ಲೈಂಬಿಂಗ್, ಸ್ಕೂಬಾ ಡೈವಿಂಗ್, ಕೈಟ್ ಬೋರ್ಡಿಂಗ್, ಮೌಂಟೇನ್ ಬೈಕಿಂಗ್, ಟ್ರೆಕ್ಕಿಂಗ್ ಮುಂತಾದ ವಿವಿಧ ಸಾಹಸ ಚಟುವಟಿಕೆಗಳನ್ನು ಸಹ ಪ್ರಯತ್ನಿಸಬಹುದು. ಥೈಲ್ಯಾಂಡ್ ಪ್ರವಾಸಿಗರಿಗೆ ಸಾಹಸಮಯ ಮತ್ತು ವಿಶ್ರಾಂತಿ ತಾಣಗಳ ಪರಿಪೂರ್ಣ ಮಿಶ್ರಣವನ್ನು ನೀಡುತ್ತದೆ. ಇದು ನವೆಂಬರ್ 2024 ರ ವರೆಗೆ ಭಾರತೀಯ ಪ್ರವಾಸಿಗರಿಗೆ 30 ದಿನಗಳ ವೀಸಾ ವಿನಾಯಿತಿಯನ್ನು ಹೊಂದಿದೆ.
