ಬೆಂಗಳೂರು : ಚಂದನವನದ ಕ್ವೀನ್, ಮೋಹಕ ತಾರೆ ಹಾಗೂ ಮಾಜಿ ಸಂಸದೆ ನಟಿ ರಮ್ಯಾ ಅವರು ಬರಲಿರುವ ನವೆಂಬರ್ ತಿಂಗಳ ಒಳಗೆ ಮದುವೆಯಾಗಲು ಸಿದ್ಧತೆ ಮಾಡಿಕೊಂಡಿದ್ದಾರೆ ಎಂದು ವರದಿಯಾಗಿದೆ.
ಅವರಿಗೆ ಕಂಕಣಭಾಗ್ಯ ಕೂಡಿ ಬಂದಿದ್ದು, ಇನ್ನು ಯಾಕೆ ರಮ್ಯಾ ಅವರು ಮದ್ವೆ ಮದುವೆಯಾದರೆ ಯಾರನ್ನು ಆಗುತ್ತಾರೆ ಎಂಬ ಅವರ ಅಭಿಮಾನಿಗಳ ಪ್ರಶ್ನೆಗಳಿಗೆ ಇದೀಗ ರಮ್ಯಾ (ದಿವ್ಯ ಸ್ಪಂದನಾ) ಫುಲ್ ಸ್ಟಾಪ್ ಇಡಲು ಮುಂದಾಗಿದ್ದಾರೆ.
ರಮ್ಯಾ ಅವರು ಖ್ಯಾತ ಉದ್ಯಮಿ ಚೌಧರಿ ಗಾರ್ಮೆಂಟ್ಸ್ ಮಾಲೀಕ ಪ್ರಭವ್ ಚೌಧರಿ ಎಂಬುವವರನ್ನು ವಿವಾಹವಾಗಲಿದ್ದಾರೆ ಎಂಬ ಸುದ್ದಿ ಬಿಸಿ-ಬಿಸಿಯಾಗಿ ಹರಿದಾಡುತ್ತಿದೆ.
ಸದ್ಯದಲ್ಲೇ ಅವರು ಎಂಗೇಜ್ಮೆಂಟ್ ಕೂಡ ಮಾಡಿಕೊಳ್ಳಲಿದ್ದಾರೆ. ನವೆಂಬರ್ ಒಳಗಾಗಿ ಮದುವೆಯೂ ಆಗಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಸಕ್ರಿಯ ರಾಜಕಾರಣದಲ್ಲೂ ಇರುವ ರಮ್ಯಾ, ಸಾಮಾಜಿಕ ಜಾಲತಾಣದ ಪ್ರಕಾರ ಅವರಿಗೆ ಸದ್ಯ 41 ವರ್ಷ ವಯಸ್ಸು ಆಗಿದೆ.
