ಬೆಂಗಳೂರು : ನಟ ರಶ್ಮಿಕಾ ಮಂದಣ್ಣ ಅವರಿಗೆ ಕಳೆದ ತಿಂಗಳು ಅಪಘಾತವಾಗಿದ್ದರಿಂದ ವೈದ್ಯರ ಸಲಹೆ ಮೇರೆಗೆ ಮನೆಯಲ್ಲೇ ವಿಶ್ರಾಂತಿ ಪಡೆಯುತ್ತಿರುವುದಾಗಿ ತಿಳಿಸಿದ್ದಾರೆ.
ತಮಗೆ ಅಪಘಾತವಾಗಿರುವ ಕುರಿತು ಇನ್ ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿರುವ ನಟಿ ರಶ್ಮಿಕಾ ಮಂದಣ್ಣ, ಕಳೆದ ತಿಂಗಳು ನನಗೆ ಸಣ್ಣ ಅಪಘಾತವಾಗಿತ್ತು.
ಗಾಯದಿಂದ ಚೇತರಿಸಿಕೊಂಡಿದ್ದು, ವೈದ್ಯರ ಸಲಹೆ ಮೇರೆಗೆ ಮನೆಯಲ್ಲೇ ವಿಶ್ರಾಂತಿ ತೆಗೆದುಕೊಂಡೆ, ಹೀಗಾಗಿ ಎಲ್ಲೂ ಸಾರ್ವಜನಿಕವಾಗಿ ಕಾಣಿಸಿಕೊಂಡಿರಲಿಲ್ಲ ಎಂದು ತಿಳಿಸಿದ್ದಾರೆ.
ನಾನು ಕಳೆದ ಕೆಲವು ತಿಂಗಳುಗಳಿಂದ ಸಕ್ರಿಯವಾಗಿಲ್ಲ, ಯಾಕೆ ಅಂದ್ರೆ, ನಾನು ಸಣ್ಣ ಆಕ್ಸಿಡೆಂಟ್ ಗೆ ತುತ್ತಾಗಿದ್ದೆ, ಹೀಗಾಗಿ ವೈದ್ಯರ ಸಲಹೆಯ ಮೇರೆಗೆ ನಾನು ಮನೆಯಲ್ಲೇ ವಿಶ್ರಾಂತಿಯಲ್ಲಿ ಇದ್ದೇನೆ, ಚೇತರಿಸಿಕೊಂಡು ಶೀಘ್ರದಲ್ಲೇ ಮತ್ತೆ ಬ್ಯುಸಿಯಾಗುತ್ತೇನೆ. ಜೀವನ ಅಮೂಲ್ಯವಾದುದು, ಜಾಗರೂಕರಾಗಿರಿ. ನಾಳೆ ಇರುತ್ತೋ ಇಲ್ಲವೋ ಗೊತ್ತಿಲ್ಲ, ಖುಷಿಯಾಗಿ ಪ್ರತಿದಿನ ಬಾಳಿ ಎಂದಿದ್ದಾರೆ.
