ಕಲಘಟಗಿ: ಪಟ್ಟಣದಲ್ಲಿನ ಹನ್ನೆರೆಡು ಮಠದ ಕಿರಿಯ ಶ್ರೀಗಳ ಪಟ್ಟಾಧಿಕಾರ ಮಹೋತ್ಸವ ಸಮಾರಂಭ ನವೆಂಬರ್ ೨೫ ರಿಂದ ೨೯ ರ ವರೆಗೆ ೫ ದಿನಗಳವರೆಗೆ ವಿಜ್ರಂಭಣೆಯಿoದ ಜರುಗಲಿದೆ ಎಂದು ಹನ್ನೆರೆಡು ಮಠದ ಶ್ರೀ ಷ.ಬ್ರ ರೇವಣಸಿದ್ದ ಶಿವಾಚಾರ್ಯರು ಹೇಳಿದರು.
ಪಟ್ಟಣದ ಹೊರವಲಯದಲ್ಲಿರುವ ಹನ್ನೆರೆಡು ಮಠದ ಸಭಾಭವನದಲ್ಲಿ ಕರೆದ ಪತ್ರಿಕಾಗೋಷ್ಠಿಯಲ್ಲಿ ಕಿರಿಯ ಶ್ರೀಗಳ ಪಟ್ಟಾಧಿಕಾರ ಮಹೋತ್ಸವ ಸಮಾರಂಭದ ಪ್ರಚಾರ ಪತ್ರಿಕೆಯನ್ನು ಬಿಡುಗಡೆಗೊಳಿಸಿ ಅವರು ಮಾತನಾಡಿ ಕಿರಿಯ ಶ್ರೀಗಳ ಪಟ್ಟಾಧಿಕಾರ ಕಾರ್ಯಕ್ರಮಕ್ಕೆ ನಾಡಿನ ೩೩ ವಿವಿಧ ಮಠಾಧೀಶರು ಆಗಮಿಸಲಿದ್ದು, ಅವರಿಂದ ಧರ್ಮಸಭೆ ಹಾಗೂ ಉಪದೇಶಾಮೃತ ಜರಗುತ್ತವೆ ಆದ್ದರಿಂದ ಎಲ್ಲ ಭಕ್ತಾಧಿಗಳು ಅಗಮಿಸಿ ಶ್ರೀಗಳ ಕೃಪೆಗೆ ಪಾತ್ರರಾಗಿ ಎಂದು ತಿಳಿಸಿದರು.
ಶ್ರೀ ಮಡಿವಾಳ ಶಿವಾಚಾರ್ಯ ಸೇವಾ ಸಮೀತಿಯ ಪದಾಧಿಕಾರಿಗಳು ಮಾತನಾಡಿ, ಶ್ರೀ ವೀರತಪಸ್ವಿ ಶ್ರೀ ಷ.ಬ್ರ ಮಡಿವಾಳಶಿವಾಚಾರ್ಯರ ೩೪ನೇ ವರ್ಷದ ಪುಣ್ಯಾರಾಧನೆ, ಶ್ರೀ ಷ.ಬ್ರ ರೇವಣಸಿದ್ದ ಶಿವಾಚಾರ್ಯರ ವರ್ಧಂತೋತ್ಸವ ಕಾರ್ಯಕ್ರಮ ಹಾಗೂ ಶ್ರೀ ಷ.ಬ್ರ ಅಭಿನವ ಮಡಿವಾಳ ಶಿವಾಚಾರ್ಯರ ನೂತನ ಪಟ್ಟಾಧಿಕಾರ ಸಮಾರಂಭ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ. ನವೆಂಬರ್ ೨೫ ರಂದು ಶಿವಾಚಾರ್ಯರಿಂದ ಧ್ವಜಾರೋಹಣ ನೆರವೇರುತ್ತದೆ. ೨೬ ರಂದು ಬೆಳಗ್ಗೆ ಗುಗ್ಗಳ ಕಾರ್ಯಕ್ರಮ, ೨೭ ಕ್ಕೆ ಅಯ್ಯಾಚಾರ ಹಾಗೂ ಲಿಂಗಧಿಕ್ಷೆ ಕಾರ್ಯಕ್ರಮ, ೨೮ ಕ್ಕೆ ತಾಲೂಕು ಅರ್ಚಕ ಮತ್ತು ಪುರೋಹಿತ ಸಂಘ ಮತ್ತು ಶ್ರೀ ಗುರು ಮಡಿವಾಳ ಶಿವಾಚಾರ್ಯ ಪೂಜಾ ಸಮೀತಿಯ ವೈಧಿಕ ಹಾಗೂ ಹರಗುರು ಚರಮೂರ್ತಿಗಳ ಸಮ್ಮುಖದಲ್ಲಿ ವಿವಿಧ ಧಾರ್ಮಿಕ ಪೂಜಾ ಕಾರ್ಯಕ್ರಮಗಳು ಜರುಗುತ್ತವೆ.
ನವೆಂಬರ್ ೨೯ ರಂದು ಕಿರಿಯ ಶ್ರೀಗಳಿಗೆ ಶ್ರೀ ರಂಭಾಪುರಿ ಜಗದ್ಗುರುಗಳು ಹಾಗೂ ಪಂಚಪೀಠಗಳ ಶಿವಾಚಾರ್ಯರಿಂದ ನೂತನ ಪಟ್ಟಾಧಿಕಾರದ ವಿಧಿ ವಿಧಾನಗಳು ನೆರವೇರುವವು. ಸಂಜೆ ೪ ಘಂಟೆಗೆ ಪೂರ್ಣಕುಂಭ ಭಜನೆ, ಡೊಳ್ಳು ವೀರಗಾಸೆ ವಿವಿಧ ವಾಧ್ಯಮೇಳಗಳಿಂದ ಶ್ರೀ ಷ.ಬ್ರ ಮಡಿವಾಳ ಶಿವಾಚಾರ್ಯರ ಬೆಳ್ಳಿ ಮೂರ್ತಿಯ ಮೆರವಣ ಗೆ ಹಾಗೂ ನೂತನ ಪಟ್ಟಾಧ್ಯಕ್ಷರ ಅಡ್ಡಪಲ್ಲಕ್ಕಿ ಮಹೋತ್ಸವ ಭಕ್ತಸ ಸಹಯೋಗದೊಂದಿಗೆ ನೆರವೇರುವುದು.
ಪ್ರತಿನಿತ್ಯ ಶ್ರೀಗಳ ಕತೃ ಗದ್ದುಗೆಗೆ ನಿರಂತರ ರುದ್ರಾಭಿಷೇಕ ಹಾಗೂ ಮಹಾ ಮಂಗಳಾರುತಿ ಕಾರ್ಯಕ್ರಮ ಜರುಗುತ್ತವೆ. ಬೀರವಳ್ಳಿ ವಿರೇಶ್ವರ ಪುಣ್ಯಾಶ್ರಮದ ಶ್ರೀ ವೇ.ಮೂ ಶಿವಕುಮಾರ ಶಾಸ್ತ್ರೀಗಳಿಂದ ಪ್ರತಿನಿತ್ಯ ಸಂಜೆ ೬ ಘಂಟೆಗೆ ಜೀವನ ದರ್ಶನ ಪ್ರವಚನ ಕಾರ್ಯಕ್ರಮ ಹಾಗೂ ಅನ್ನ ಪ್ರಸಾದ ಕಾರ್ಯಕ್ರಮ ಜರುಗಲಿವೆ. ಕಾರಣ ಕಿರಿಯ ಶ್ರೀಗಳ ನೂತನ ಪಟ್ಟಾಧಿಕಾರ ಮಹೋತ್ಸವ ಸಮಾರಂಭಕ್ಕೆ ಎಲ್ಲ ಭಕ್ತಾಧಿಗಳು ಆಗಮಿಸಿ ತನು ಮನ ದನದಿಂದ ಸೇವೆಸಲ್ಲಿಸಿ ಅಜ್ಜನ ಕೃಪೆಗೆ ಪಾತ್ರರಾಗಬೇಕೆಂದು ಸೇವಾ ಸಮೀತಿಯವರು ತಿಳಿಸಿದ್ದಾರೆ.
ಈ ಸಂದರ್ಭದಲ್ಲಿ ಶ್ರೀ ಗುರು ಮಡಿವಾಳ ಶಿವಾಚಾರ್ಯ ಸೇವಾ ಸಮಿತಿಯ ಅಧ್ಯಕ್ಷ ಸಿ.ಬಿ.ಹೊನ್ನಿಹಳ್ಳಿ, ಉಪಾಧ್ಯಕ್ಷ ಎಸ್.ವಿ ತಡಸಮಠ, ಎಮ್.ಆರ್ ತೋಟಗಂಟಿ, ವಿಜಯಕುಮಾರ ಹನ್ನೆರೆಡುಮಠ, ಜಿ.ಎನ್ ಘಾಳಿ, ಪರಮಾನಂದ ಒಡೆಯರ, ಶಿವಪುತ್ರಪ್ಪ ಸವಣೂರ, ಹೆಚ್.ಎನ್ ಸುಣಗದ, ಮಂಜುನಾಥ ವರದಾನಿ, ಬಸವರಾಜ ಹುಗ್ಗಿ, ಸಿದ್ದಯ್ಯ ಹಿರೇಮಠಪಾಟೀಲ್, ಚನ್ನಬಸಯ್ಯ ಚಿಕ್ಕಮಠ, ವಿರೇಶ ಹಾರೊಗೇರಿ, ಶೇಖರಯ್ಯ ಹಿರೇಮಠ ಇದ್ದರು.
