ಕಲಘಟಗಿ: ಪಟ್ಟಣ ಪಂಚಾಯಿತಿ ಹುಲಗಿನಕಟ್ಟಿ ವಾರ್ಡ್ ಉಪ ಚುನಾವಣೆಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಸಂತೋಷ ಲಕ್ಷಣ ಲಮಾಣಿ ಜಯ ಸಾಧಿಸಿದ್ದಾರೆ.
ಒಟ್ಟು 510 ಮತ 10 ನೋಟಾ ಮತ
ಪಪಂ ಸದಸ್ಯ ಕೃಷ್ಣಾ ಲಮಾಣಿ ಅವರ ನಿಧನದಿಂದ ತೆರವುಗೊಂಡಿದ್ದ ಸ್ಥಾನಕ್ಕೆ ನ.3ರಂದು ಚುನಾವಣೆ ನಡೆದಿತ್ತು. ಮಂಗಳವಾರ ನಡೆದ ಮತ ಎಣಿಕೆಯಲ್ಲಿ ಬಿಜೆಪಿ ಅಭ್ಯರ್ಥಿ ಸುನೀಲ ಕೃಷ್ಣಾ ಲಮಾಣಿ 235 ಮತ ಪಡೆದರೆ, ಕಾಂಗ್ರೆಸ್ ಅಭ್ಯರ್ಥಿ ಸಂತೋಷ ಲಮಾಣಿ 273 ಮತಗಳನ್ನು ಪಡೆದು 38 ಮತಗಳಿಂದ ಜಯಶಾಲಿ ಆದರು.
ಚಲಾವಣೆಗೊಂಡ ಒಟ್ಟು 510 ಮತಗಳಲ್ಲಿ 10 ಮತಗಳು ನೋಟಾಗೆ ಬಿದ್ದಿದ್ದವು. ಚುನಾವಣೆ
ಅಧಿಕಾರಿಗಳಾಗಿ ಚಂದ್ರಶೇಖರ ಅಳಗೋಡಿ, ಶಾಮ್ ಶೇರಖಾನೆ, ಎನ್. ಪಿ ರಾಯವಾಗಿ ಅವರು ಕಾರ್ಯನಿರ್ವಿಸಿದರು.
ಕಾಂಗ್ರೆಸ್ ಅಭ್ಯರ್ಥಿ ವಿಜಯ
ಗಳಿಸುತ್ತಿದ್ದಂತೆ ಕಾಂಗ್ರೆಸ್ ಮುಖಂಡರು ವಿಜಯೋತ್ಸವ ಆಚರಿಸಿದರು. ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಮಂಜುನಾಥಗೌಡ ಮುರಳ್ಳಿ, ಹರಿಶಂಕರ ಮಠದ, ಬಾಳು ಖಾನಾಪುರ, ಬಾಬು ಅಂಚಟಗೇರಿ, ಕುಮಾರ ಖಂಡೇಕರ, ಅಜ್ಜಮತ ಜಾಗೀರದಾರ, ಹನುಮಂತ ಚವರಗುಡ್ಡ ಅವರು ವಿಜಯ ಮುರಾರಿ, ರಾಮು ಲಮಾಣಿ, ಮಂಜುನಾಥ ವಾಲಿಕಾರ ಹಾಗೂ ಕಾಂಗ್ರೆಸ್ ಕಾರ್ಯಕರ್ತರು ಇದ್ದರು
