ಹೈದರಾಬಾದ್ : ಕನ್ನಡದ ಪಾಪುಲರ್ ಬ್ರಹ್ಮಗಂಟು ಧಾರವಾಹಿಯ ಖ್ಯಾತ ನಟಿ ಶೋಭಿತಾ ಶಿವಣ್ಣ ಅವರು ಆತ್ಮಹತ್ಯೆಗೆ ಶರಣಾಗಿದ್ದು, ಚಂದನವನಕ್ಕೆ ಭಾರೀ ಆಘಾತವಾಗಿದೆ.ಮದುವೆಯ ನಂತರದಲ್ಲಿ ಕಳೆದೆರಡು ವರ್ಷದಿಂದ ಹೈದ್ರಾಬಾದ್ನಲ್ಲಿ ಶೋಭಿತಾ ವಾಸವಾಗಿದ್ದರು.
ನಿನ್ನೆ ಮಧ್ಯರಾತ್ರಿ ಆತ್ಮಹತ್ಯೆ ಮಾಡಿಕೊಂಡಿದ್ದು, ಇದೀಗ ಬೆಳಕಿಗೆ ಬಂದಿದೆ. ಅವರ ಈ ದುಡುಕಿನ ನಿರ್ಧಾರಕ್ಕೆ ಕಾರಣ ಏನು ಎಂಬುವುದು ಸದ್ಯ ನಿಗೂಢವಾಗಿದೆ. ಸಾವಿನ ಸುದ್ದಿ ತಿಳಿದು ಕುಟುಂಬಸ್ಥರು ಹೈದ್ರಾಬಾದ್ನತ್ತ ಪ್ರಯಾಣ ಬೆಳೆಸಿದ್ದಾರೆ.
ಶೋಭಿತಾ ಅವರು ಮೂಲತಃ ಹಾಸನದ ಸಕಲೇಶಪುರದವರು. ಶೋಭಿತಾ ಕಿರುತೆರೆ ಮಾತ್ರವಲ್ಲ, ಬೆಳ್ಳಿತೆರೆಯಲ್ಲೂ ಮಿಂಚಿದ್ದರು. ವಂದನಾ, ‘ಅಟೆಂಪ್ಟ್‌ ಟು ಮರ್ಡರ್‌’, ‘ಜಾಕ್‌ಪಾಟ್’ ಸಿನಿಮಾಗಳಲ್ಲೂ ಅಭಿನಯಿಸಿದ್ದರು. ಇನ್ನು ಮೀನಾಕ್ಷಿ ಮದುವೆ ಧಾರಾವಾಹಿ, ‘ಕೋಗಿಲೆ, ‘ಗಾಳಿಪಟ, ದೀಪವೂ ನಿನ್ನದೇ ಗಾಳಿಯು ನಿನ್ನದೇ’ ಧಾರಾವಾಹಿಯಲ್ಲೂ ನಟನೆ ಮಾಡಿದ್ದರು.
