ನುಹ್(ಹರಿಯಾಣ): ಈಗಿನ ವಿವಾಹ ಕಾರ್ಯಕ್ರಮಗಳು ಬಲು ದುಬಾರಿ. ಅಂಥದ್ದರಲ್ಲಿ ಹರಿಯಾಣದಲ್ಲಿ ಹೊಸ ಟ್ರೆಂಡ್ ಶುರುವಾಗಿದೆ. ಮದುವೆ ಬಳಿಕ ವರ, ವಧುವನ್ನು ಹೆಲಿಕಾಪ್ಟರ್ನಲ್ಲಿ ಕರೆದೊಯ್ಯಬೇಕಿದೆ. ಈಗಾಗಲೇ ಮೂವರು ವರರು ತಮ್ಮ ಸಂಗಾತಿಯನ್ನು ಆಗಸದಲ್ಲಿ ತೇಲಾಡಿಸಿ ಕರೆದೊಯ್ದಿದ್ದಾರೆ. ಇದೀಗ ಮತ್ತೊಬ್ಬ ವರನೂ ತನ್ನ ಪತ್ನಿಯನ್ನು ಲೋಹದ ಹಕ್ಕಿಯಲ್ಲೇ ಕರೆದೊಯ್ದಿದ್ದಾನೆ.
ಹರಿಯಾಣದ ನುಹ್ ಜಿಲ್ಲೆಯಲ್ಲಿ ಕಳೆದ 50 ದಿನಗಳಲ್ಲಿ 4 ನವ ದಂಪತಿ ಹೆಲಿಕಾಪ್ಟರ್ನಲ್ಲಿ ಪ್ರಯಾಣಿಸಿದ್ದಾರೆ. ನವವಿವಾಹಿತರು ವಿಮಾನದ ಮೂಲಕ ತಮ್ಮ ಮನೆ ತಲುಪಿದ್ದಾರೆ. ಇತ್ತೀಚೆಗೆ ನಡೆದ ವಿವಾಹ ಕಾರ್ಯಕ್ರಮದ ಬಳಿಕ ನವವಧು ಕರಿಷ್ಮಾ ಎಂಬಾಕೆಯನ್ನು ವರನು ಹೆಲಿಕಾಪ್ಟರ್ನಲ್ಲಿ ಕರೆದೊಯ್ದಿದ್ದಾನೆ.
