—————————————————28 ರಂದು ಭಾರತ- ಪಾಕ್ ಫೈನಲ್ ಸಾಧ್ಯತೆ
ಅಬುದಾಬಿ: ಪಾಕಿಸ್ತಾನ ಕ್ರಿಕೆಟ್ ತಂಡವು ಇಲ್ಲಿ ನಡೆದ ಏಶಿಯಾ ಕಪ್ ಪಂದ್ಯಾವಳಿಯ ಸೂಪರ್-4 ರ ಹಂತದಲ್ಲಿ ಶ್ರೀಲಂಕಾ ತಂಡದ ವಿರುದ್ಧ 5 ವಿಕೆಟ್ ಗಳಿಂದ ಜಯಗಳಿಸಿತು.
ಶೇಖ ಜಯೀದ್ ಕ್ರೀಡಾಂಗಣದಲ್ಲಿ ನಡೆದ ರೋಚಕ ಪಂದ್ಯದಲ್ಲಿ ಜಯಿಸುವ ಮೂಲಕ ಪಾಕಿಸ್ತಾನ ತಂಡ ಫೈನಲ್ ಗೆ ಏರುವ ಆಸೆಯನ್ನು ಜೀವಂತವಾಗಿರಿಸಿಕೊಂಡಿತು. ಮಹತ್ವದ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಶ್ರೀಲಂಕಾ ತಂಡವು ನಿಗದಿತ 20 ಓವರುಗಳಲ್ಲಿ 8 ವಿಕೆಟ್ ಗೆ 133 ರನ್ ಗಳಿಸಿತು. ಪ್ರತಿಯಾಗಿ ಆಡಿದ ಪಾಕಿಸ್ತಾನ ತಂಡ 18 ಓವರುಗಳಲ್ಲಿ 5 ವಿಕೆಟ್ ಗೆ 138 ರನ್ ಗಳಿಸಿತು.
ಈ ಗೆಲುವಿನೊಂದಿಗೆ ಪಾಕಿಸ್ತಾನ ಸೂಪರ್- 4 ರಲ್ಲಿ ಮೂರನೇ ಸ್ಥಾನಕ್ಕೆ ಬಂದಿದ್ದು, ಬಾಂಗ್ಲಾ ವಿರುದ್ಧ ತನ್ನ ಕಡೆಯ ಸೂಪರ್-4ರ ಪಂದ್ಯ ಗೆದ್ದರೆ ಇನ್ನೊಂದೆಡೆ ಭಾರತ ಬಾಂಗ್ಲಾ ವಿರುದ್ಧ ಗೆದ್ದರೆ ಭಾರತ ಪಾಕ್- ಫೈನಲ್ ಪಂದ್ಯ 28 ರಂದು ನಡೆಯುವ ಎಲ್ಲ ಸಾಧ್ಯತೆಗಳು ಇವೆ.
ಸ್ಕೋರ್ ವಿವರ:
ಶ್ರೀಲಂಕಾ 20 ಓವರುಗಳಲ್ಲಿ 8 ವಿಕೆಟ್ ಗೆ 133
ಕಮಿಂಡು ಮೆಂಡಿಸ್ 50 ( 44 ಎಸೆತ, 3 ಬೌಂಡರಿ, 2 ಸಿಕ್ಸರ್) ಅಸಲಂಕಾ 20 ( 19 ಎಸೆತ, 2 ಬೌಂಡರಿ, 1 ಸಿಕ್ಸರ್)
ಶಾಹೀನ್ ಅಪ್ರಿಧಿ 28 ಕ್ಕೆ 3, ಹುಸೇನ್ ತಲಾಠ 18 ಕ್ಕೆ 2)
ಪಾಕಿಸ್ತಾನ 18 ಓವರುಗಳಲ್ಲಿ 5 ವಿಕೆಟ್ ಗೆ 138
ಮೊಹ್ಮದ ನವಾಜ್ ಅಜೇಯ 38 ( 24 ಎಸೆತ, 3 ಬೌಂಡರಿ, 3 ಸಿಕ್ಸರ್) ಹುಸೇನ್ ತಲಾಠ 32 (30 ಎಸೆತ, 4 ಬೌಂಡರಿ) ವಾನಿಂದು ಹಸರಂಗ 27 ಕ್ಕೆ 2)
————————————————————————ಪಂದ್ಯ ಶ್ರೇಷ್ಠ: ಹುಸೇನ್ ತಲಾಠ
