ಬಾಗಲಕೋಟ :ಜಿಲ್ಲೆಯ ಬಾದಾಮಿ ಪಟ್ಟಣದಲ್ಲಿ ರೈತರ ಪರವಾಗಿ ಮರುಮುಖಗೊಂಡಿದೆ ಬಿ.ಜೆ.ಪಿ ರೈತ ಮೋರ್ಚಾ.
ಬಾದಾಮಿ ಮತ್ತು ಗುಳೇದಗುಡ್ಡ ಕ್ಷೇತ್ರಗಳಿಂದ ಬಂದ ರೈತರು, ಪಕ್ಷದ ಕಾರ್ಯಕರ್ತರು, ಮುಖಂಡರು ಇಂದು ವಿಶಿಷ್ಟ ರೀತಿಯಲ್ಲಿ ಎತ್ತಿನ ಬಂಡಿಯಲ್ಲಿ ರಾಜ್ಯ ಸರ್ಕಾರದ ವಿರುದ್ಧ ಘೋಷಣೆ ಕೂಗುತ್ತಾ ಜೋರಾಗಿ ಪ್ರತಿಭಟನೆ ನಡೆಸಿದರು.
ರೈತರ ಬೇಡಿಕೆಗಳನ್ನು ತ್ವರಿತವಾಗಿ ಈಡೇರಿಸಬೇಕೆಂದು ಆಗ್ರಹಿಸಿ, ಈ ಪ್ರತಿಭಟನೆ ಬಾದಾಮಿಯಲ್ಲಿ ಜೋರಾಗಿ ನಡೆಯಿತು.
ಅನಂತರ, ರಾಜ್ಯ ಸರ್ಕಾರಕ್ಕೆ ಮುಟ್ಟಿಸಲು ತಹಸೀಲ್ದಾರ್ ಮುಖಾಂತರ ಮನವಿಪತ್ರ ನೀಡಲಾಯಿತು.
ಇಂದಿನ ಪ್ರತಿಭಟನೆಯಲ್ಲಿ ಪ್ರಮುಖ ಮುಖಂಡರು ಭಾಗವಹಿಸಿ ಸರ್ಕಾರವನ್ನು ತೀವ್ರವಾಗಿ ಟೀಕಿಸಿದರು.
ಉಪಸ್ಥಿತ ನಾಯಕರಲ್ಲಿ—ಎಸ್. ಟಿ. ಪಾಟೀಲ್ – ಬಿ.ಜೆ.ಪಿ ಜಿಲ್ಲಾ ಅಧ್ಯಕ್ಷರುಎಮ್. ಕೆ. ಪಟ್ಟಣಶೆಟ್ಟಿ – ಬಾದಾಮಿ ಕ್ಷೇತ್ರದ ಮಾಜಿ ಶಾಸಕರಾಜಶೇಖರ್ ಶೀಲವಂತ – ಗುಳೇದಗುಡ್ಡ ಮಾಜಿ ಶಾಸಕಬಿ. ಪಿ. ಹಳ್ಳೂರಶಿವನಗೌಡ ಸುಂಕದನಾಗರಾಜ ಕಾಚಟ್ಟಿ – ಬಿ.ಜೆ.ಪಿ ಬಾದಾಮಿ ತಾಲೂಕು ಅಧ್ಯಕ್ಷರುಮುತ್ತು, ಉಳ್ಳಾಗಡ್ಡಿ, ಹೊನ್ನಯ್ಯ ಹಿರೇಮಠ, ಕರ್ನಾಟಕ ರಾಜ್ಯ ಹಸಿರು ಕ್ರಾಂತಿ ರೈತ ಸಂಘದ ರಾಜ್ಯಾಧ್ಯಕ್ಷರು ಪಿ. ಎಸ್. ಕವಡಿಮಟ್ಟಿ, ಪಧಾಧಿಕಾರಿಗಳು ಸದಸ್ಯರು ಹಾಗೂ ರೈತ ಪರ ಸಂಘಟನೆಯ ಅಧಿಕಾರಿಗಳು,ಹೋರಾಟಗಾರರು ಸದಸ್ಯರುಎಲ್ಲರೂ ರೈತರ ಪರವಾಗಿ ಸರ್ಕಾರಕ್ಕೆ ಕಠಿಣ ಎಚ್ಚರಿಕೆ ನೀಡಿದರು.
ರೈತರಿಗೆ ಸರಿಯಾದ ಪರಿಹಾರ, ಬೆಲೆ ಸೌಲಭ್ಯ ಹಾಗೂ ಬೆಳೆ ನಷ್ಟಕ್ಕೆ ತಕ್ಷಣ ಪರಿಹಾರ ನೀಡಬೇಕು ಎಂದು ಕಾರ್ಯಕರ್ತರು ಆಗ್ರಹಿಸಿದರು.ಬೀದಿಗಳಲ್ಲಿ ಘೋಷಣೆಗಳು ಗುಂಜಿದವು—“ರೈತ ವಿರೋಧಿ ಸರ್ಕಾರ ಬೇಡ!”“ರೈತನ ಹಕ್ಕು – ನಮ್ಮ ಹೋರಾಟ!”
ಮುಖಂಡರು ರಾಜ್ಯ ಸರ್ಕಾರ ರೈತರ ಸಮಸ್ಯೆ ಕಡೆಗಣಿಸಿದರೆ ಮುಂದಿನ ದಿನಗಳಲ್ಲಿ ತೀವ್ರ ಹೋರಾಟ ಮಾಡುವುದಾಗಿ ಎಚ್ಚರಿಸಿದರು.
ಎತ್ತಿನ ಬಂಡಿ ಮೂಲಕ ನಡೆದ ಈ ವಿಶಿಷ್ಟ ಪ್ರತಿಭಟನೆ ಜನರ ಗಮನ ಸೆಳೆದಿದ್ದು,
ರೈತರ ಧ್ವನಿಯನ್ನು ಸರ್ಕಾರ ಎಷ್ಟು ಗಂಭೀರವಾಗಿ ಪರಿಗಣಿಸುತ್ತದೆ ಎಂಬುದು ಮುಂದೆ ತಿಳಿಯಬೇಕು.
ವರದಿ.ಎಸ್. ಎಸ್. ಕವಲಾಪುರಿ
