ನವದೆಹಲಿ : ಶ್ರೀಕೃಷ್ಣನು ಹೇಳಿದ ಭಗವದ್ಗೀತೆಯ ಪ್ರತಿಯೊಂದು ಪದವೂ ಚಿನ್ನಕ್ಕಿಂತ ಶುದ್ಧ. ವಜ್ರಗಳಿಗಿಂತ ಪ್ರಕಾಶಮಾನ.ಆದರೆ ಈ ಕಲಿಯುಗದಲ್ಲಿ, ದೆಹಲಿಯ ಭಕ್ತನೊಬ್ಬ 2 ಕೋಟಿ ರೂ. ಮೌಲ್ಯದ ಚಿನ್ನದ ಕಾಗದಗಳಿಂದ ಮಾಡಿದ ಚಿನ್ನದ ಭಗವದ್ಗೀತೆಯನ್ನ ತಯಾರಿಸಿದ್ದಾನೆ. ಕರ್ನಾಟಕದ ಪ್ರಸಿದ್ಧ ಉಡುಪಿ ಶ್ರೀಕೃಷ್ಣ ಮಠಕ್ಕೆ ಅಪರೂಪದ ಉಡುಗೊರೆ ಸಿಕ್ಕಿದೆ.
18 ಅಧ್ಯಾಯಗಳು ಮತ್ತು 700 ಶ್ಲೋಕಗಳನ್ನ ಒಳಗೊಂಡಿರುವ ಈ ಪುಸ್ತಕವನ್ನು ವಿಶ್ವಗೀತಾ ಪರ್ಯಾಯದ ಸಮಾರೋಪ ದಿನದಂದು ಮಠಾಧಿಪತಿ ವಿದ್ಯಾ ಧೀಶತೀರ್ಥ ಸ್ವಾಮಿಗಳಿಗೆ ಅರ್ಪಿಸಲಾಗುವುದು. ಇದನ್ನು ಚಿನ್ನದ ರಥದಲ್ಲಿ ಮೆರವಣಿಗೆಯಲ್ಲಿ ತಂದು ಮಠಕ್ಕೆ ಅರ್ಪಿಸಲಾಗುವುದು.
ಜನವರಿ 8 ರಂದು ಪ್ರಸಿದ್ಧ ಶ್ರೀ ಕೃಷ್ಣ ದೇವಸ್ಥಾನದಲ್ಲಿ ಅಪರೂಪದ, ಚಿನ್ನದ ಲೇಪಿತ ಭಗವದ್ಗೀತೆಯನ್ನು ಅನಾವರಣಗೊಳಿಸಲಾಗುವುದು. ಭಕ್ತರು ಮತ್ತು ವಿದ್ವಾಂಸರು ಇದನ್ನು ಮಹತ್ವದ ಆಧ್ಯಾತ್ಮಿಕ ಮತ್ತು ಸಾಂಸ್ಕೃತಿಕ ಕ್ಷಣವೆಂದು ಪರಿಗಣಿಸುತ್ತಿದ್ದಾರೆ.
