ಬೆಳಗಾವಿ: 2026-27ನೇ ಸಾಲಿನ ಬೆಳಗಾವಿ ಮಹಾನಗರ ಪಾಲಿಕೆಯ ಬಜೆಟ್ ಮಂಡನೆಗೆ ದಿನಗಣನೆ ಆರಂಭವಾಗಿದೆ. ಫೆಬ್ರವರಿ 25ರ ಬುಧವಾರದಂದು ಬಜೆಟ್ ಮಂಡನೆಯಾಗುವ ಸಾಧ್ಯತೆಯಿದ್ದು, ಈ ಬಾರಿಯ ಆಯವ್ಯಯವು ಕೇವಲ ಅಂಕಿ-ಅಂಶಗಳ ಆಟವಾಗದೆ, ನಗರದ ಸಮಗ್ರ ಅಭಿವೃದ್ಧಿಯ ದಿಕ್ಸೂಚಿಯಾಗಲಿ ಎಂಬುದು ಸಾರ್ವಜನಿಕರ ಆಶಯವಾಗಿದೆ.
ತೆರಿಗೆದಾರರ ಹಣ ಅಪವ್ಯಯವಾಗದಿರಲಿ ಪಾಲಿಕೆಯ ಆದಾಯದ ಸಿಂಹಪಾಲು ಜನರು ಪಾವತಿಸುವ ಆಸ್ತಿ ತೆರಿಗೆ ಹಾಗೂ ವಿವಿಧ ಸೇವಾ ಶುಲ್ಕಗಳಿಂದಲೇ ಬರುತ್ತದೆ. ಕಷ್ಟಪಟ್ಟು ದುಡಿದ ಹಣವನ್ನು ಜನರು ತೆರಿಗೆ ರೂಪದಲ್ಲಿ ನೀಡುತ್ತಿರುವುದು ನಗರದ ಮೂಲಸೌಕರ್ಯ ಸುಧಾರಿಸುತ್ತದೆ ಎಂಬ ಭರವಸೆಯಿಂದ. ಹೀಗಿರುವಾಗ, ಪ್ರತಿಯೊಂದು ಪೈಸೆಗೂ ಪಾಲಿಕೆ ಉತ್ತರದಾಯಿಯಾಗಿರಬೇಕು.
ಜವಾಬ್ದಾರಿಯುತ ಬಜೆಟ್ ಅಗತ್ಯ ಅಭಿವೃದ್ಧಿಯೇ ಮೂಲಮಂತ್ರ: ಬಜೆಟ್ ಸಿದ್ಧಪಡಿಸುವಾಗ ಅಧಿಕಾರಿಗಳು ಮತ್ತು ನಗರಸೇವಕರು ವೈಯಕ್ತಿಕ ಲಾಭ ಅಥವಾ ರಾಜಕೀಯ ಒತ್ತಡಕ್ಕೆ ಮಣಿಯಬಾರದು.
ಹಳೆಯ ತಪ್ಪುಗಳಿಂದ ಪಾಠ: ಈ ಹಿಂದೆ ಸಾರ್ವಜನಿಕರ ಉಪಯೋಗಕ್ಕೆ ಮೀಸಲಿದ್ದ ಕೋಟ್ಯಂತರ ರೂಪಾಯಿ ಹಣವನ್ನು ಖಾಸಗಿ ಹಿತಾಸಕ್ತಿಗೆ ಬಳಸಿದ ಆರೋಪಗಳಿವೆ. ಇಂತಹ ತಪ್ಪುಗಳು ಮರುಕಳಿಸದಂತೆ ಎಚ್ಚರ ವಹಿಸುವುದು ಅಧಿಕಾರಿಗಳ ಕರ್ತವ್ಯ.
ಪಾರದರ್ಶಕತೆ: ಬಜೆಟ್ನಲ್ಲಿ ಘೋಷಿಸುವ ಯೋಜನೆಗಳು ಕೇವಲ ಕಾಗದದ ಮೇಲೆ ಉಳಿಯದೆ, ಜನರ ಕಣ್ಣಿಗೆ ಕಾಣುವಂತಿರಬೇಕು.
ನಗರಸೇವಕರ ಹೊಣೆಗಾರಿಕೆ ಜನಪ್ರತಿನಿಧಿಗಳು ತಮ್ಮ ವಾರ್ಡ್ಗಳ ಸಮಸ್ಯೆಗಳನ್ನು ಪಾಲಿಕೆಯ ಗಮನಕ್ಕೆ ತಂದು, ಅಭಿವೃದ್ಧಿ ಕಾಮಗಾರಿಗಳಿಗೆ ಅನುದಾನ ಪಡೆಯಬೇಕು. ಆಡಳಿತ ಪಕ್ಷ ಮತ್ತು ಅಧಿಕಾರಿಗಳ ನಡುವಿನ ಸಮನ್ವಯತೆಯಿಂದ ಮಾತ್ರ ಉತ್ತಮ ಆಡಳಿತ ಸಾಧ್ಯ.
ಲೇಖಕರ ಆಶಯ: “ಯಾರದ್ದೋ ಲಾಭಕ್ಕಾಗಿ ಜನರ ದುಡ್ಡು ವ್ಯಯ ಮಾಡಿದರೆ ಅದಕ್ಕೆ ಕಾಲವೇ ಉತ್ತರ ನೀಡುತ್ತದೆ. ಮುಂಬರುವ ಬಜೆಟ್ ಬೆಳಗಾವಿ ನಗರದ ಜನತೆಗೆ ನೆಮ್ಮದಿ ನೀಡುವಂತಿರಲಿ.
ವರದಿ :ಮಹಾಂತೇಶ್ ಎಸ್ ಹುಲಿಕಟ್ಟಿ
