ಬೆಳಗಾವಿ : ಕೇವಲ ಕಾನೂನು ಸುವ್ಯವಸ್ಥೆ ಕಾಪಾಡುವುದಷ್ಟೇ ಅಲ್ಲ, ದೈಹಿಕ ಶಕ್ತಿ ಮತ್ತು ಛಲವಿದ್ದರೆ ಏನನ್ನಾದರೂ ಸಾಧಿಸಬಹುದು ಎಂಬುದನ್ನು ಬೆಳಗಾವಿ ನಗರದ ಹೆಮ್ಮೆಯ ಪೋಲೀಸ್ ಅಧಿಕಾರಿ ಶ್ರೀ ಸಂಗಮೇಶ್ ಎಸ್ ಆನಿ ಅವರು ಸಾಬೀತುಪಡಿಸಿದ್ದಾರೆ. ಶ್ರೀಲಂಕಾದ ಕೊಲಂಬೊದಲ್ಲಿ ನಡೆದ ಪ್ರತಿಷ್ಠಿತ “IRON MAN EVENT 70.3” ಸ್ಪರ್ಧೆಯನ್ನು ಅತ್ಯಂತ ಯಶಸ್ವಿಯಾಗಿ ಪೂರ್ಣಗೊಳಿಸುವ ಮೂಲಕ ಅವರು ರಾಜ್ಯ ಹಾಗೂ ಪೋಲೀಸ್ ಇಲಾಖೆಗೆ ಕೀರ್ತಿ ತಂದಿದ್ದಾರೆ.
ಛಲಬಿಡದ ಸಾಧನೆಯ ಹಾದಿ:
ಫೆಬ್ರವರಿ 22, 2026 ರಂದು ನಡೆದ ಈ ಕಠಿಣ ಸ್ಪರ್ಧೆಯಲ್ಲಿ ಗಂಗಾಧರ ಅವರು ತಮ್ಮ ಅದ್ಭುತ ಸಾಮರ್ಥ್ಯವನ್ನು ಪ್ರದರ್ಶಿಸಿದರು.
ಅವರ ಸಾಧನೆಯ ವಿವರಗಳು ಹೀಗಿವೆ:
ಈಜು (Swimming): ಮೊದಲ ಹಂತದ ಈಜು ಸ್ಪರ್ಧೆಯನ್ನು ಅತ್ಯಂತ ವೇಗವಾಗಿ ಪೂರೈಸಿದರು.
ಸೈಕ್ಲಿಂಗ್ (Cycling): ಸುಮಾರು 90 ಕಿ.ಮೀ ದೂರದ ಸೈಕ್ಲಿಂಗ್ ಪಥವನ್ನು ಕೇವಲ 02 ಗಂಟೆ 51 ನಿಮಿಷಗಳಲ್ಲಿ ಕ್ರಮಿಸಿದರು.
ಓಟ (Running): ಸೈಕ್ಲಿಂಗ್ ನಂತರ ನಡೆದ 21 ಕಿ.ಮೀ ಓಟವನ್ನು 02 ಗಂಟೆ 15 ನಿಮಿಷಗಳಲ್ಲಿ ಯಶಸ್ವಿಯಾಗಿ ಪೂರೈಸಿದರು.
ಒಟ್ಟು ಸಮಯ: ಒಟ್ಟಾರೆಯಾಗಿ 05 ಗಂಟೆ 09 ನಿಮಿಷಗಳಲ್ಲಿ ಈ ಗುರಿಯನ್ನು ತಲುಪಿ ವಿಜೇತರಾಗಿ ಹೊರಹೊಮ್ಮಿದರು.
ಇಲಾಖೆಯ ಹೆಮ್ಮೆ:
ಬೆಳಗಾವಿ ನಗರ ಪೋಲೀಸ್ ಕಮೀಷನರೇಟ್ನ ಸಿ.ಎ.ಆರ್ (CAR) ವಿಭಾಗದಲ್ಲಿ ಆರ್.ಎಸ್.ಐ (RSI) ಆಗಿ ಸೇವೆ ಸಲ್ಲಿಸುತ್ತಿರುವ ಶ್ರೀ ಗಂಗಾಧರ ಅವರ ಈ ಅಂತರಾಷ್ಟ್ರೀಯ ಸಾಧನೆಯು ಇಲಾಖೆಗೆ ಮಾದರಿಯಾಗಿದೆ. ಅವರ ಈ ಅಮೋಘ ಸಾಧನೆಗೆ ಬೆಳಗಾವಿ ನಗರ ಪೊಲೀಸ್ ಆಯುಕ್ತರು, ಡಿಸಿಪಿ (ಕಾನೂನು ಮತ್ತು ಸುವ್ಯವಸ್ಥೆ), ಡಿಸಿಪಿ (ಅಪರಾಧ ಮತ್ತು ಸಂಚಾರ) ಹಾಗೂ ಸಿ.ಎ.ಆರ್ ವಿಭಾಗದ ಅಧಿಕಾರಿಗಳು ಮತ್ತು ಸಿಬ್ಬಂದಿ ವರ್ಗದವರು ಹರ್ಷ ವ್ಯಕ್ತಪಡಿಸಿ ಅಭಿನಂದನೆಗಳನ್ನು ಸಲ್ಲಿಸಿದ್ದಾರೆ.
ವರದಿ : ಮಹಾಂತೇಶ್ ಎಸ್ ಹುಲಿಕಟ್ಟಿ
