ಕುಂದಾ ನಗರಿಯ ‘ಬಾರ್’ ಆದ ಎಂ.ಆರ್.ಪಿ ಶಾಪ್‌ಗಳು: ಅಬಕಾರಿ ಇಲಾಖೆ ನಿದ್ರಿಸುತ್ತಿದೆಯೇ?

WhatsApp Group Join Now

Telegram Group Join Now

ಬೆಳಗಾವಿ: ವಿಮಾನ ನಿಲ್ದಾಣದ ರಸ್ತೆಯ ದೃಶ್ಯಗಳು ಮತ್ತು ಸಾರಾಯಿ ಅಂಗಡಿಯ ಮುಂದೆ ಕುಳಿತು ಕುಡಿಯುತ್ತಿರುವ
“ದು ಕುಂದಾ ನಗರಿ ಬೆಳಗಾವಿಯ ವಿಮಾನ ನಿಲ್ದಾಣಕ್ಕೆ ಹೋಗುವ ದಾರಿ. ಇಲ್ಲಿ ಸಂಚರಿಸುವ ಪ್ರವಾಸಿಗರಿಗೆ ಮೊದಲು ಕಾಣುವುದು ಗರಿಗರಿ ಕುಂದಾ ಅಲ್ಲ, ಬದಲಾಗಿ ರಸ್ತೆ ಬದಿಯ ಎಂ.ಆರ್.ಪಿ ಮಳಿಗೆಗಳ ಮುಂದೆ ಬೀರಿಗಿಂತ ಹೆಚ್ಚಾಗಿ ಹರಿಯುತ್ತಿರುವ ನಿಯಮ ಉಲ್ಲಂಘನೆಯ ಸುರಿಮಳೆ! ಹೆಸರಿಗೆ ಮಾತ್ರ ಅದು CL-2 (MRP) ಲೈಸೆನ್ಸ್, ಆದರೆ ಅಲ್ಲಿ ನಡೆಯುತ್ತಿರುವುದು ಮಾತ್ರ ಫುಲ್ ಫ್ಲೆಡ್ಜ್ ಬಾರ್ ಅಂಡ್ ರೆಸ್ಟೋರೆಂಟ್ ವ್ಯವಹಾರ!”

ಪಾರ್ಸೆಲ್ ಮಾತ್ರವೇ ಅಥವಾ ಪಾರ್ಟಿನೂ ಇದೆಯೇ?: ನಿಯಮದ ಪ್ರಕಾರ ಎಂ.ಆರ್.ಪಿ (CL-2) ಮಳಿಗೆಗಳಲ್ಲಿ ಕೇವಲ ಪಾರ್ಸೆಲ್ ಮಾತ್ರ ಕೊಡಬೇಕು. ಆದರೆ ಇಲ್ಲಿ ನೋಡಿದರೆ ಟೇಬಲ್, ಕುರ್ಚಿಗಳ ಹಾಜರಾತಿ! ಇದು ವೈನ್ ಶಾಪ್ ಹೌದೋ ಅಥವಾ ಅಕ್ರಮ ಅಡ್ಡೆಯೋ?
ಅಬಕಾರಿ ಇಲಾಖೆಯ ಮೌನವೇಕೆ?: ವಿಮಾನ ನಿಲ್ದಾಣದಂತಹ ಪ್ರಮುಖ ರಸ್ತೆಯಲ್ಲೇ ಈ ಘೋರ ದೃಶ್ಯಗಳು ಎದ್ದು ಕಾಣುತ್ತಿದ್ದರೂ ಅಬಕಾರಿ ಇಲಾಖೆ ಕಣ್ಣು ಮುಚ್ಚಿ ಕುಳಿತಿರುವುದು ಏಕೆ? ಇಲಾಖೆಯ ಅಧಿಕಾರಿಗಳಿಗೆ ಇದು ಕಾಣುತ್ತಿಲ್ಲವೇ ಅಥವಾ ಕಾಣದಂತೆ ‘ಕೈ’ ಬೆಚ್ಚಗೆ ಮಾಡಲಾಗಿದೆಯೇ?
ಸಾರ್ವಜನಿಕರ ಆಕ್ರೋಶ: ಸಾರ್ವಜನಿಕರು ಕೇಳುತ್ತಿದ್ದಾರೆ – ಇಲಾಖೆಯು ಈ ಅಕ್ರಮಕ್ಕೆ ಬ್ರೇಕ್ ಹಾಕುತ್ತಾ ಅಥವಾ ಅವರಿಗೂ ಈ ವ್ಯವಹಾರದಲ್ಲಿ ಪಾಲಿದೆಯೇ?

“ಅಬಕಾರಿ ಇಲಾಖೆಯ ಅಧಿಕಾರಿಗಳೇ, ಕಾನೂನು ಇರುವುದು ಕೇವಲ ಕಡತಗಳಲ್ಲಲ್ಲ, ಅದು ರಸ್ತೆಯ ಮೇಲೂ ಜಾರಿಯಾಗಬೇಕು. ವಿಮಾನ ನಿಲ್ದಾಣಕ್ಕೆ ಬರುವ ಪ್ರವಾಸಿಗರ ಮುಂದೆ ಬೆಳಗಾವಿಯ ಮರ್ಯಾದೆಯನ್ನು ಹರಾಜು ಹಾಕಬೇಡಿ. ಕೂಡಲೇ ಈ ಅಕ್ರಮ ಚಟುವಟಿಕೆಗಳಿಗೆ ಬ್ರೇಕ್ ಹಾಕದಿದ್ದರೆ, ಸಾರ್ವಜನಿಕರ ಪ್ರತಿಭಟನೆಗೆ ನೀವು ಉತ್ತರಿಸಬೇಕಾಗುತ್ತದೆ!
”ಬೆಳಗಾವಿ ವಿಮಾನ ನಿಲ್ದಾಣ ರಸ್ತೆಯಲ್ಲಿ ಅಬಕಾರಿ ನಿಯಮಗಳ ಗಾಳಿಗೆ ತೂರಿ ಎಂ.ಆರ್.ಪಿ ಹೆಸರಲ್ಲಿ ಬಾರ್ ದಂಧೆ! CL-2 ಪರವಾನಗಿ ಪಡೆದು ಟೇಬಲ್-ಕುರ್ಚಿ ಹಾಕಿ ಬಿಯರ್ ಸುರಿಮಳೆ ಹರಿಸಲಾಗುತ್ತಿದೆ. ಅಬಕಾರಿ ಇಲಾಖೆಯೇ, ನಿಮ್ಮ ಕಣ್ಣುಗಳಿಗೆ ಪೊರೆ ಬಂದಿದೆಯೇ ಅಥವಾ ಖಾಸಗಿಯವರ ‘ಕೊಡುಗೆ’ಯಿಂದ ಮೌನವಾಗಿದ್ದೀರಾ? ಕೂಡಲೇ ಎಚ್ಚೆತ್ತುಕೊಂಡು ಕ್ರಮ ಕೈಗೊಳ್ಳಿ!”