ಹೊಸಪೇಟೆ : -ಬಣ್ಣಗಳ ಕಲರವದಿಂದ ಕಂಗೊಳಿಸುವ ಶಾಲೆಗೆ ಸಮವಸ್ತ್ರದೊಂದಿಗೆ ಆಗಮಿಸಿದ ಮಕ್ಕಳು ಒಂದು ಕಡೆ ಆದರೆ, ಶಾಲೆಯನ್ನು ತಳಿರು – ತೋರಣದಿಂದ ಸಿಂಗರಿಸಿ ಮಕ್ಕಳನ್ನು ಪ್ರೀತಿಯಿಂದ ನೂತನ ಶೈಕ್ಷಣಿಕ ವರ್ಷಕ್ಕೆ ಬರಮಾಡಿಕೊಳ್ಳಲು ತಯಾರಿದ್ದ ಶಿಕ್ಷಕ/ಶಿಕ್ಷಕಿಯರ ಬಳಗ ಮತ್ತೊಂದು ಕಡೆ, ನಮ್ಮೊಂದಿಗೆ ಒಟ್ಟು ಗೂಡಿದವರು ಎಸ್ ಡಿ ಎಂ ಸಿ ಅಧ್ಯಕ್ಷರಾದ ಶ್ರೀ ಮತಿ ಲಕ್ಷ್ಮೀದೇವಿ ಯವರು. ಎಲ್ಲರೂ ಸೇರಿ ಪ್ರಭಾತ್ ಪೇರಿ ಕೈಗೊಂಡು ಶಾಲೆ ಪ್ರಾರಂಭ ಹಾಗೂ ದಾಖಲಾತಿ ಆಂದೋಲನದ ಘೋಷಣೆಗಳನ್ನು ಕೂಗುತ್ತಾ ಊರಿನ ಬೀದಿ – ಬೀದಿಗಳಲ್ಲಿ ಹೆಜ್ಜೆ ಹಾಕುತ್ತ, ಶಿಕ್ಷಣದ ಬಗ್ಗೆ ಅರಿವು ಮೂಡಿಸುವ ಕೆಲಸ ಮಾಡಲಾಯಿತು.
ನಂತರ ಶಾಲೆಯಲ್ಲಿ ಸೇರಿದ ನಾವು ಮಕ್ಕಳಿಗೆ ಪುಷ್ಪ, ಚಾಕಲೇಟ್ ಗಳನ್ನು ನೀಡಿ ಸ್ವಾಗತಿಸಲಾಯಿತು. ಸಮವಸ್ತ್ರವನ್ನು ಸಹ ನೀಡಲಾಯಿತು
ಈ ಸಂಧರ್ಭದಲ್ಲಿ SDMC ಅಧ್ಯಕ್ಷರಾದ ಶ್ರೀ ಮತಿ ಲಕ್ಷ್ಮೀದೇವಿ , ಶಾಲಾ ಪ್ರ. ಮು. ಗಳಾದ ಶ್ರೀ ಎಸ್ ರಮೇಶ, ಪ್ರಾ ಶಾ ಶಿ ಸಂ ಅಧ್ಯಕ್ಷರು ಹಾಗೂ ಶಿಕ್ಷಕರಾದ ಶ್ರೀ ಕೆ.ಬಸವರಾಜ , ಶಿಕ್ಷಕಿಯರಾದ ಶ್ರೀ ಮತಿ ರಾಧಾ ಸಿ ಎಸ್ ಮತ್ತು ಶ್ರೀ ಮತಿ ಪಾರ್ವತಿ ವಿ ಬಿ ರವರು ಉಪಸ್ಥಿತರಿದ್ದರು
ವರದಿ : ಪಿ. ಶ್ರೀನಿವಾಸ್
