ರಥೋತ್ಸವದಲ್ಲಿ 500 ರೂ. ನೋಟಿನ ಶರ್ಟ್ ಧರಿಸಿ ಗಮನ ಸೆಳೆದ ಯುವಕ 

ಬಾಗಲಕೋಟೆ : ರಥೋತ್ಸವದಲ್ಲಿ ಯುವಕನೊಬ್ಬ 500 ರೂ. ನೋಟಿನಲ್ಲಿ ಶರ್ಟ್ ಧರಿಸಿ ಗಮನ ಸೆಳೆದಿರುವ ಘಟನೆ ಬಾಗಲಕೋಟೆ ಜಿಲ್ಲೆಯಲ್ಲಿ ನಡೆದಿದೆ.

ಬಾಗಲಕೋಟೆ ಜಿಲ್ಲೆಯ ಮುಧೋಳ ತಾಲೂಕಿನ ರಾಮಾರೂಢರ ಜಾತ್ರಾ ಮಹೋತ್ಸವದಲ್ಲಿ ಯುವಕನೊಬ್ಬ 50 ಸಾವಿರ ರೂ. ಮೌಲ್ಯದ 500 ರೂ. ನೋಟಿನಿಂದ ತಯಾರಿಸಿದ ಶರ್ಟ್ ಧರಿಸಿ ಗಮನ ಸೆಳೆದಿದ್ದಾನೆ.

ರಾಮಾರೂಢರ ರಥೋತ್ಸವದಲ್ಲಿ ಕಲ್ಲಪ್ಪ ಎಂಬ ವ್ಯಕ್ತಿ 500 ರೂ. ನೋಟಿನಿಂದ ಮಾಡಿದ ಶರ್ಟ್ ಧರಿಸಿ ಸ್ನೇಹಿತರ ಜೊತೆಗೆ ಓಡಾಡಿದ ವಿಡಿಯೋ ವೈರಲ್  ಆಗಿದೆ.