ಗುವಾಹಟಿ: ಪ್ರೀತಿ–ಪ್ರೇಮಕ್ಕೆ ವಯಸ್ಸಿಲ್ಲ ಎಂಬುದಕ್ಕೆ ಹಲವು ಉದಾಹರಣೆಗಳು ನಮ್ಮ ಕಣ್ಣ ಮುಂದಿವೆ. ಆ ಪಟ್ಟಿಗೆ ಈಗ ಮತ್ತೊಂದು ನಿದರ್ಶನ ಸೇರಿದೆ. ಶುಕ್ರವಾರ ವೃದ್ಧ ದಂಪತಿಗಳ ಪ್ರೀತಿಗೆ ಸಾವಿರಾರು ಮಂದಿ ಸಾಕ್ಷಿಯಾದರು.
ಗುವಾಹಟಿಯ ಮತ್ಘಾರಿಯಾ ಪ್ರದೇಶದ “ಮಾತೃ ನಿವಾಸ್” (ತಾಯಂದಿರ ಮನೆ) ನಲ್ಲಿ ಜಯಪ್ರಭಾ ಬೋರಾ (65) ಎಂಬುವರನ್ನು ಮಹಿಳೆಯರ ಗುಂಪು ವಧುವಿನಂತೆ ಶೃಂಗಾರಗೊಳಿಸಿತು. ಅವರು ತಮ್ಮ ಮದುವೆಯ ಉಡುಪಿನಲ್ಲಿ – ಮೇಖೇಲಾ ಸಡೋರ್ನಲ್ಲಿ ಸುಂದರವಾಗಿ ಕಾಣುತ್ತಿದ್ದರು. ಪದ್ಮೇಶ್ವರ ಗೋಲಾ (71) ಅಷ್ಟೇ ಸೊಗಸಾಗಿ ಕಾಣುತ್ತಿದ್ದರು.
ಅಸ್ಸಾಮೀ ವಿವಾಹದಲ್ಲಿ ಎಲ್ಲಾ ವಿಧಿವಿಧಾನಗಳನ್ನು ಅನುಸರಿಸಲಾಯಿತು. ಈ ವಿವಾಹವು ನಗರದ ನಿವಾಸಿಗಳಲ್ಲಿ ಸಾಕಷ್ಟು ಉತ್ಸಾಹವನ್ನು ಉಂಟುಮಾಡಿತು. ವಧುವರರಿಗೆ ಹಲವು ಉಡುಗೊರೆಗಳನ್ನು ನೀಡಿದರು.
ಈ ದಂಪತಿಗಳು ಹಿಂದೆಂದೂ ವಿವಾಹವಾಗಿರಲಿಲ್ಲ. ನಗರದ ಬೆಲ್ಟೋಲಾ ಪ್ರದೇಶದಲ್ಲಿರುವ ಪ್ರಮೋದ್ ತಾಲ್ಲೂಕುದಾರ್ ಸ್ಮಾರಕ ವೃದ್ಧಾಶ್ರಮದಲ್ಲಿದ್ದಾರೆ. ಮದುವೆಗಾಗಿ ಮಹಿಳೆಯನ್ನು ಮಾತೃ ನಿವಾಸಕ್ಕೆ ಸ್ಥಳಾಂತರಿಸಲಾಯಿತು. ಇಬ್ಬರಿಗೂ ಮದುವೆಗೆ ಬೇಕಾದ ಎಲ್ಲಾ ವ್ಯವಸ್ಥೆಯನ್ನು “ಮೊನಾಲಿಶಾ ಸೊಸೈಟಿ” ಎಂಬ ಸರ್ಕಾರೇತರ ಸಂಸ್ಥೆ ಮಾಡಿದೆ ಎಂದು ಗೃಹ ಕಾರ್ಯದರ್ಶಿ ಉತ್ಪಲ್ ಹರ್ಷವರ್ಧನ್ ದಿ ನ್ಯೂ ಇಂಡಿಯನ್ ಎಕ್ಸ್ಪ್ರೆಸ್ಗೆ ತಿಳಿಸಿದರು.
ವರು ಮಾರುಹೋಗಿದ್ದರು. ಅವರು ಅವಳನ್ನು ಪ್ರೀತಿಯಿಂದ “ಜಾನ್” ಎಂದು ಕರೆಯುತ್ತಾರೆ ಮತ್ತು ಅವಳು ಅವರನ್ನು “ಬಾಬು” ಎಂದು ಕರೆಯುತ್ತಾರೆ.
“ನಾನು ಅವರ ಹಾಡುಗಳನ್ನು ಕೇಳಲು ಇಷ್ಟಪಡುತ್ತೇನೆ ಮತ್ತು ಅವರು ನನ್ನ ಜೊತೆ ಇರುವುದನ್ನು ಇಷ್ಟ ಪಡುತ್ತಾರೆ. ನಾವು ಯಾವಾಗ ಪರಸ್ಪರ ಪ್ರೀತಿಗೆ ಬಿದ್ದೆವೋ ಎಂದು ನಮಗೆ ತಿಳಿದಿಲ್ಲ. ನಾವು ಉತ್ಪಲ್ ಜೊತೆ ಎಲ್ಲ ಭಾವನೆಯನ್ನು ಹಂಚಿಕೊಂಡೆವು. ಅವರು ಮದುವೆಯ ವ್ಯವಸ್ಥೆ ಮಾಡಿದರು ಎಂದು ಜಯಪ್ರಭಾ ಹೇಳಿದರು.
ಗೋಲಾಘಾಟ್ ಜಿಲ್ಲೆಯ ಬೊಕಾಖಾಟ್ ಮೂಲದ ಪದ್ಮೇಶ್ವರ್, ಮನೆಕೆಲಸದವರಾಗಿ ಕೆಲಸ ಮಾಡುವ ಮೂಲಕ ಬೆಳೆದರು. ಜಯಪ್ರಭಾ ಸೋನಿತ್ಪುರ ಜಿಲ್ಲೆಯ ತೇಜ್ಪುರದವರು. ತನ್ನ ಇಬ್ಬರು ಸಹೋದರರ ಮರಣದ ನಂತರ ಕಳೆದ ವರ್ಷ ಜನವರಿಯಲ್ಲಿ ಅವರು ಮನೆಗೆ ತೆರಳಿದರು.
“ಅಜ್ಜನ ಗಾಯನವನ್ನು ಕೇಳಿದ ನಂತರ ಅಜ್ಜಿ ಅವರನ್ನು ಪ್ರೀತಿಸುತ್ತಿದ್ದರು. ಅವರನ್ನು ಅವರಿಗೆ ಹತ್ತಿರವಾಗಿಸಿದ ಇನ್ನೊಂದು ಅಂಶವೆಂದರೆ ಪರಸ್ಪರ ಆರೈಕೆ ಎಂದು ಉತ್ಪಲ್ ಹೇಳಿದರು, “ಇಬ್ಬರೂ ಮನೆಯಲ್ಲಿ ಒಟ್ಟಿಗೆ ವಾಸಿಸುತ್ತೇವೆ. ನಾವು ಒಂದು ಕೋಣೆಯನ್ನು ಒದಗಿಸಿದ್ದೇವೆ. ಅಜ್ಜ ಅದನ್ನು ಅಲಂಕರಿಸಿದ್ದಾರೆ ಎಂದು ಉತ್ಪಲ್ ತಿಳಿಸಿದ್ದಾರೆ.
