ಕೊಲಂಬೊ: ಶ್ರೀಲಂಕಾದಲ್ಲಿ ಸೇನಾ ಹೆಲಿಕಾಪ್ಟರ್ ಇಂದು(ಶುಕ್ರವಾರ) ಪತನಗೊಂಡಿದ್ದು, ಸಶಸ್ತ್ರ ಪಡೆಯ 6 ಸಿಬ್ಬಂದಿ ಮೃತಪಟ್ಟಿದ್ದಾರೆ ಎಂದು ವರದಿಯಾಗಿದೆ.
ಶ್ರೀಲಂಕಾ ವಾಯುಪಡೆಯ ಬೆಲ್ 212 ಹೆಲಿಕಾಪ್ಟರ್, ಮಧುರು ಓಯಾದ ಉತ್ತರ ಕೇಂದ್ರ ಜಲಾಶಯಕ್ಕೆ ಅಪ್ಪಳಿಸಿದ ಎಂದು ರಕ್ಷಣಾ ಸಚಿವಾಲಯ ತಿಳಿಸಿದೆ.
ಸೇನೆಯ ವಿಶೇಷ ಪಡೆಗಳ ಬ್ರಿಗೇಡ್ನ ಪಾಸಿಂಗ್ ಔಟ್ ಪರೇಡ್ನಲ್ಲಿ ಪ್ರದರ್ಶನ ನೀಡಲು ಈ ಹಲಿಕಾಪ್ಟರ್ ಹೊರಟಿತ್ತು.
ಮೃತರಲ್ಲಿ ವಾಯುಪಡೆಯ ಇಬ್ಬರು, ಮತ್ತು ವಿಶೇಷ ಪಡೆಗಳ ನಾಲ್ವರು ಸೈನಿಕರು ಸೇರಿದ್ದಾರೆ. ಅಪಘಾತದ ತನಿಖೆಗಾಗಿ 9 ಸದಸ್ಯರ ಸಮಿತಿಯನ್ನು ನೇಮಿಸಲಾಗಿದೆ ಎಂದು ಶ್ರೀಲಂಕಾ ವಾಯುಪಡೆ ತಿಳಿಸಿದೆ.
