ಬೆಳಗಾವಿ: ಇಲ್ಲಿನ ಗ್ರಾಮೀಣ ತಾಲ್ಲೂಕಿನ ಖನಗಾಂವ ಗ್ರಾಮದ ಬಸವೇಶ್ವರ ದೇವಸ್ಥಾನದ ಆವರಣದಲ್ಲಿ ‘1ನೇ ಖಾನ್ಗಾಂ ಶ್ರೀ-2026’ ಮತ್ತು ‘ಬಸವಣ್ಣ ಶ್ರೀ TOP-10’ ಗ್ರಾಮೀಣ ಮಟ್ಟದ ದೇಹದಾರ್ಢ್ಯ ಸ್ಪರ್ಧೆಯು ಅತ್ಯಂತ ವೈಭವದಿಂದ ಜರುಗಿತು. ಬೆಳಗಾವಿ ಜಿಲ್ಲಾ ಬಾಡಿ ಬಿಲ್ಡರ್ಸ್ ಅಸೋಸಿಯೇಷನ್ (BDBBA) ಸಹಯೋಗದೊಂದಿಗೆ ಯುವ ಮುಖಂಡ ಯೋಗೇಶ್ ಭಾಧಗಾವಿ ಅವರು ಈ ಸ್ಪರ್ಧೆಯನ್ನು ಆಯೋಜಿಸಿದ್ದರು.
ವಿಜೇತರ ವಿವರ: ವಿವಿಧ ತೂಕದ ವಿಭಾಗಗಳಲ್ಲಿ ನಡೆದ ಈ ರೋಚಕ ಸ್ಪರ್ಧೆಯಲ್ಲಿ ಹೊಂಗಾ ಗ್ರಾಮದ ಸುನಿಲ್ ಭಾತಕಾಂಡೆ ಅವರು ಸಮಗ್ರ ಪ್ರಶಸ್ತಿ ಗೆಲ್ಲುವ ಮೂಲಕ ‘ಖಾನ್ಗಾಂ ಶ್ರೀ-2026’ ಟೈಟಲ್ ತನ್ನದಾಗಿಸಿಕೊಂಡರು. 60 ಕೆಜಿ ವಿಭಾಗದಲ್ಲಿ ತುಷಾರ್ ಗಾವಡೆ, 65 ಕೆಜಿಯಲ್ಲಿ ಶ್ರೀಶಿವ ಮೊಡಗೇಕರ್, 70 ಕೆಜಿಯಲ್ಲಿ ಯೋಗೇಶ್ ಭಾಧಗಾವಿ ಹಾಗೂ 70 ಕೆಜಿ ಮೇಲ್ಪಟ್ಟ ವಿಭಾಗದಲ್ಲಿ ಸುನಿಲ್ ಭಾತಕಾಂಡೆ ಪ್ರಥಮ ಸ್ಥಾನ ಪಡೆದರು.
ಗಣ್ಯರ ಉಪಸ್ಥಿತಿ: ಕಾರ್ಯಕ್ರಮದ ಮುಖ್ಯ ಅತಿಥಿಗಳಾಗಿ ಬೆಳಗಾವಿ ಗ್ರಾಮೀಣ ಮಂಡಲ ಬಿಜೆಪಿ ಅಧ್ಯಕ್ಷ ಯುವರಾಜ್ ಜಾಧವ್ ಆಗಮಿಸಿ ವಿಜೇತರಿಗೆ ಬಹುಮಾನ ವಿತರಿಸಿದರು. ಕರ್ನಾಟಕ ರಾಜ್ಯ ಬಿಜೆಪಿ ಮಹಿಳಾ ಮೋರ್ಚಾ ಕಾರ್ಯದರ್ಶಿ ಡಾ. ಸೋನಾಲಿ ಸರನೋಬತ್ ಮಾತನಾಡಿ, ಗ್ರಾಮೀಣ ಭಾಗದ ಪ್ರತಿಭೆಗಳಿಗೆ ಇಂತಹ ವೇದಿಕೆಗಳು ಅಗತ್ಯ ಎಂದರು. ವೇದಿಕೆಯ ಮೇಲೆ ಸಮಾಜ ಸೇವಕರಾದ ಕಲ್ಲಪ್ಪ ಚೌಗುಲೆ, ನಿಲೇಶ್ ಹಿಂದಿನಕೇರಿ, ಮಲ್ಲೇಶಿ ಕೊನಸಿನಕೊಪ್ಪ, ಸಚಿನ್ ಕಣಬರ್ಗಿ ಸೇರಿದಂತೆ ಹಲವು ಗಣ್ಯರು ಉಪಸ್ಥಿತರಿದ್ದರು.
ಜಿಲ್ಲಾ ಬಾಡಿ ಬಿಲ್ಡರ್ಸ್ ಅಸೋಸಿಯೇಷನ್ ಪದಾಧಿಕಾರಿಗಳಾದ ಅವಿನಾಶ್ ಪೋತ್ದಾರ್, ಗಂಗಾಧರ್ ಎಂ., ಮತ್ತು ಹೇಮಂತ್ ಹಾವಳ್ ಅವರು ತೀರ್ಪುಗಾರರಾಗಿ ಕಾರ್ಯನಿರ್ವಹಿಸಿದರು. ಕಾರ್ಯಕ್ರಮದಲ್ಲಿ ನೂರಾರು ಕ್ರೀಡಾ ಪ್ರೇಮಿಗಳು ಪಾಲ್ಗೊಂಡು ಕ್ರೀಡಾಪಟುಗಳನ್ನು ಹುರಿದುಂಬಿಸಿದರು.
ವರದಿ: ಮಹಾಂತೇಶ್ ಎಸ್ ಹುಲಿಕಟ್ಟಿ
