ಥಾಣೆ: ಮಹಾರಾಷ್ಟ್ರದ ಥಾಣೆ ಜಿಲ್ಲೆಯ ಡೊಂಬಿವಿಲಿಯ ಕಾರ್ಖಾನೆಯಲ್ಲಿ ಬಾಯ್ಲರ್ ಸ್ಫೋಟಗೊಂಡು, ಅಗ್ನಿ ಅವಘಡ ಸಂಭವಿಸಿದೆ. ಡೊಂಬಿವಿಲಿಯ MIDC (ಮಹಾರಾಷ್ಟ್ರ ಕೈಗಾರಿಕಾ ಅಭಿವೃದ್ಧಿ ನಿಗಮ) ಸಂಕೀರ್ಣದ 2 ನೇ ಹಂತದ ರಾಸಾಯನಿಕ ಕಾರ್ಖಾನೆಯಲ್ಲಿ ಘಟನೆ ನಡೆದಿದೆ. ಅಂಬರ್ ಕೆಮಿಕಲ್ ಕಂಪನಿಯ ನಾಲ್ಕು ಬಾಯ್ಲರ್ಗಳು ಸ್ಫೋಟಗೊಂಡಿದ್ದು, ಭಾರೀ ಪ್ರಮಾಣದ ಬೆಂಕಿ-ಹೊಗೆ ಪ್ರದೇಶವನ್ನು ಆವರಿಸಿದೆ.ಬೆಂಕಿಯ ರಭಸಕ್ಕೆ ಕೆಮಿಕಲ್ ಇರುವ ಡ್ರಮ್ ಗಳು ಸಿಡಿಯಲಾರಂಭಿಸಿದ್ದು, ಪಕ್ಕದ ಮನೆಗಳ ಕಿಟಕಿ ಗಾಜುಗಳು ಒಡೆದು ಹೋಗಿವೆ.
