ದುಬೈ: ಭಾರತ ಕ್ರಿಕೆಟ್ ತಂಡವು ತನ್ನ ಸ್ಪಿನ್ ಬೌಲರುಗಳ ಸಾಂಘಿಕ ಉತ್ತಮ ಪ್ರದರ್ಶನದಿಂದ ನ್ಯೂಜಿಲೆಂಡ್ ವಿರುದ್ಧ ಇಲ್ಲಿ ನಡೆದ ಚಾಂಪಿಯನ್ಸ್ ಟ್ರೋಫಿ ಕ್ರಿಕೆಟ್ ಪಂದ್ಯಾವಳಿಯ ಫೈನಲ್ ನಲ್ಲಿ ಎದುರಾಳಿ ತಂಡವನ್ನು 7 ವಿಕೆಟ್ ಗೆ 251 ರನ್ ಗಳಿಗೆ ನಿಯಂತ್ರಿಸಿತು.
ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಕಿವೀಸ್ ತಂಡಕ್ಕೆ ರಚಿನ್ ರವೀಂದ್ರ ಹಾಗೂ ವಿಲ್ ಯಂಗ್ ಉತ್ತಮ ಆರಂಭ ಒದಗಿಸಿದ್ದರು. ಆದರೆ ಈ ಇಬ್ಬರು ಒಬ್ಬರ ಹಿಂದೆ ಒಬ್ಬರಂತೆ ಬೇಗನೆ ವಿಕೆಟ್ ಒಪ್ಪಿಸಿದ್ದರಿಂದ ಕಿವೀಸ್ ಉತ್ತಮ ಆರಂಭದ ಲಾಭ ದೊರೆಯಲಿಲ್ಲ. ರಚಿನ್ ರವೀಂದ್ರ 29 ಎಸೆತಗಳಲ್ಲಿ 4 ಬೌಂಡರಿ, 1 ಸಿಕ್ಸರ್ ನೆರವಿನಿಂದ 37 ರನ್ ಗಳಿಸಿದರೆ, ಡೆರಿ ಮಿಚೆಲ್ ಹಾಗೂ ಮೈಕೆಲ್ ಬಾರ್ಸೆ ವೆಲ್ ಉತ್ತಮ ಅರ್ಧ ಶತಕ ಗಳಿಸಿ ತಂಡವನ್ನು ಮತ್ತಷ್ಟು ಕಠಿಣ ಪರಿಸ್ಥಿತಿಯಿಂದ ಪಾರು ಮಾಡಿದರು.
ಅಜೇಯರಾಗಿ ಉಳಿದ ಮೈಕೆಲ್ ಬಾರ್ಸೆ ವೆಲ್ 40 ಎಸೆತಗಳಲ್ಲಿ 3 2 ಸಿಕ್ಸರ್ ನೆರವಿನಿಂದ 53 ರನ್ ಗಳಿಸಿದರೆ, ಡೇರಿ ಮಿಚೆಲ್ 101 ಎಸೆತಗಳಲ್ಲಿ 3 ಬೌಂಡರಿಗಳ ನೆರವಿನಿಂದ 63 ರನ್ ಗಳಿಸಿದರು. ಭಾರತದ ಪರವಾಗಿ ಎಲ್ಲ ಸ್ಪಿನ್ ಬೌರಲುಗಳು ಕರಾರುವಕ್ಕಾದ ಬೌಲಿಂಗ್ ಸಾಧನೆ ತೋರಿದರು. ವರುಣ್ ಚರ್ಕವರ್ತಿ 45 ಕ್ಕೆ 2, ಕುಲದೀಪ್ ಯಾದವ್ 40 ಕ್ಕೆ 2 ಹಾಗೂ ರವೀಂದ್ರ ಜಡೆಜಾ 30 ಕ್ಕೆ 1 ವಿಕೆಟ್ ಪಡೆದರು. ಇದರಿಂದ ನ್ಯೂಜಿಲೆಂಡ್ ನಿಗದಿತ 50 ಓವರುಗಳಲ್ಲಿ 7 ವಿಕೆಟ್ ಗೆ 251 ರನ್ ಮಾತ್ರ ಗಳಿಸಿತು.
