ವಿಶಾಖಪಟ್ಟಣಂ: ಸರ್ವಾಂಗೀಣ ಪ್ರದರ್ಶನ ನೀಡಿದ ದೆಹಲಿ ಕ್ಯಾಪಿಟಲ್ಸ್ ತಂಡ ಇಲ್ಲಿ ನಡೆದ ಐಪಿಎಲ್ ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಸನ್ ರೈಸ್ ಹೈದರಾಬಾದ್ ವಿರುದ್ಧ ಇನ್ನು ನಾಲ್ಕು ಓವರುಗಳು ಬಾಕಿ ಇರುವಂತೆಯೇ 7 ವಿಕೆಟ್ ಗಳಿಂದ ಸುಲಭ ಗೆಲುವು ಪಡೆಯಿತು.
ಇಲ್ಲಿನ ವೈ.ಎಸ್. ರಾಜಶೇಖರೆಡ್ಡಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಜಯಗಳಿಸಲು 164 ರನ್ ಗಳ ಗುರಿ ಪಡೆದಿದ್ದ ದೆಹಲಿ ಕ್ಯಾಪಿಟಲ್ಸ್ ತಂಡವು ಪ್ಲಾಪ್ ಡುಪ್ಲೆಸಿಸ್ ಅವರ ಆಕ್ರಮಣಕಾರಿ ಆಟದಿಂದ ಗೆಲುವನ್ನು ಸುಲಭವಾಗಿ ಪಡೆಯಿತು. ಡುಪ್ಲೆಸಿಸ್ 27 ಎಸೆತಗಳಲ್ಲಿ 3 ಬೌಂಡರಿ, 3 ಸಿಕ್ಸರ್ ನೆರವಿನಿಂದ ಸರಿಯಾಗಿ 50 ರನ್ ಗಳಿಸಿ ನಿರ್ಗಮಿಸಿದರು. ಆದರೆ ಆಗಲೇ ಅವರು ತಂಡವನ್ನು ಸುರಸ್ಥಿತ ದಡದತ್ತ ತಲುಪಿಸಿದ್ದರು.
ಇದಕ್ಕೆ ಮುನ್ನ ಬ್ಯಾಟ್ ಮಾಡಿದ್ದ ಸನ್ ರೈಸ್ ಹೈದರಾಬಾದ್ ತಂಡವು ಮಧ್ಯಮ ಕ್ರಮಾಂಕದ ಬ್ಯಾಟುಗಾರ ಅಂಕಿತ ವರ್ಮಾ ಅವರ ಬಿರುಸಿನ ಅರ್ಧ ಶತಕದ ನೆರವಿನಿಂದ 163 ರನ್ ಗಳಿಸಿ ಎದುರಾಳಿ ತಂಡಕ್ಕೆ 164 ರನ್ ಗಳ ಗೆಲುವಿನ ಗುರಿ ನೀಡಿತು.ತಂಡದ ಪರವಾಗಿ ಅಂಕಿತ ವರ್ಮಾ ಮಾತ್ರ ಎದುರಾಳಿ ತಂಡದ ಬೌಲರುಗಳನ್ನು ದಿಟ್ಟ ತನದಿಂದ ಎದುರಿಸಿದರು. ಅವರು 41 ಎಸೆತಗಳಲ್ಲಿ 5 ಬೌಂಡರಿ 6 ಸಿಕ್ಸರ್ ನೆರವಿನಿಂದ 74 ರನ್ ಗಳಿಸಿದರು.
ಸ್ಕೋರ್ ವಿವರ:
ಸನ್ ರೈಸ್ ಹೈದರಾಬಾದ್ 18.4 ಓವರುಗಳಲ್ಲಿ163
ಅಂಕಿತ ವರ್ಮಾ 74, 41 ಎಸೆತ, 5 ಬೌಂಡರಿ 6 ಸಿಕ್ಸರ್, ಹೆನ್ರಿಚ್ ಕ್ಲಾಸೆನ್ 32, 19 ಎಸೆತ, 2 ಬೌಂಡರಿ, 2 ಸಿಕ್ಸರ್
ಟ್ರೆವರ್ಸ್ ಹೆಡ್ 22, 12 ಎಸೆತ, 4 ಬೌಂಡರಿ.ಮಿಚೆಲ್ ಸ್ಟಾರ್ಕ್ 35 ಕ್ಕೆ 5. ಕುಲದೀಪ್ ಯಾದವ್ 22 ಕ್ಕೆ 3)
ದೆಹಲಿ ಕ್ಯಾಪಿಟಲ್ಸ್ 16 ಓವರುಗಳಲ್ಲಿ 3 ವಿಕೆಟ್ ಗೆ 166
ಡುಪ್ಲೆಸಿಸ್ 50, 27 ಎಸೆತ, 3 ಬೌಂಡರಿ, 3 ಸಿಕ್ಸರ್, ಜಿಸಾನ್ ಅನ್ಸಾರಿ 42 ಕ್ಕೆ 3.
ಪಂದ್ಯ ಶ್ರೇಷ್ಠ: ಮಿಚೆಲ್ ಸ್ಟಾರ್ಕ್
