ಬೆಳಗಾವಿ :-70ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ವಿಜೇತರ ಪಟ್ಟಿ ಇಂದು ಪ್ರಕಟವಾಗಿದ್ದು, ಕನ್ನಡ ಚಿತ್ರರಂಗಕ್ಕೆ ಒಟ್ಟು 7 ಪ್ರಶಸ್ತಿಗಳು ಒಲಿದು ಬಂದಿದ್ದು ಕನ್ನಡಿಗರಿಗೆಲ್ಲ ಹೆಮ್ಮೆಯ ಸಂಗತಿ.
ಇಡೀ ದೇಶದ ಗಮನ ಸೆಳೆದಿದ್ದ ಕಾಂತಾರ ಹಾಗೂ ಕೆಜಿಎಫ್-2 ಚಿತ್ರಗಳಿಗೆ ತಲಾ 2 ಪ್ರಶಸ್ತಿಗಳು ಬಂದಿದ್ದು, ಎರಡೂ ಚಿತ್ರ ತಂಡಗಳಿಗೆ ಅಭಿನಂದನೆಗಳು. ಕಾಂತಾರ ಚಿತ್ರದ ನಟನೆಗೆ ರಾಷ್ಟ್ರ ಮಟ್ಟದ ನಾಯಕ ನಟ ಪ್ರಶಸ್ತಿಗೆ ಭಾಜನರಾಗಿರುವ ರಿಷಬ್ ಶೆಟ್ಟಿಯವರಿಗೆ ಹೃತ್ಪೂರ್ವಕ ಅಭಿನಂದನೆಗಳು.
ಕನ್ನಡದ ಮಧ್ಯಂತರ ಚಿತ್ರಕ್ಕೂ 2 ಹಾಗೂ ರಂಗವಿಭೋಗ ಚಿತ್ರಕ್ಕೆ 1 ಪ್ರಶಸ್ತಿ ಬಂದಿವೆ. ಈ ಎಲ್ಲಾ ಚಿತ್ರ ತಂಡಗಳಿಗೆ ಅಭಿನಂದನೆಗಳು. ನಿಮ್ಮ ವೃತ್ತಿ ಬದ್ಧತೆ, ಕಲಾ ಕೌಶಲ್ಯ ಕನ್ನಡ ಚಿತ್ರರಂಗವನ್ನು ಮತ್ತಷ್ಟು ಸಮೃದ್ಧಗೊಳಿಸಲಿ. ಪ್ರಸ್ತುತ, ಮೋಡ ಕವಿದಂತಿರುವ ಕನ್ನಡ ಚಿತ್ರರಂಗಕ್ಕೆ ಈ ಪ್ರಶಸ್ತಿಗಳು ಸೂರ್ಯನ ಬೆಳಕಿನ ಕಿರಣಗಳಾಗಲಿ, ಚಂದನವನ ಮತ್ತೆ ಪುಟಿದೆದ್ದು ನಿಲ್ಲಲಿ; ಮತ್ತಷ್ಟು ಸಮೃದ್ಧಗೊಳ್ಳಲಿ ಎಂದು ಆಶಿಸುತ್ತೇನೆ.
ವರದಿ:- ರಾಜು ಮುಂಡೆ
