ಒಟ್ಟಾವ:ಕೆನಡಾದಲ್ಲಿ ಮತ್ತೆ ಖಲಿಸ್ತಾನಿ ಬೆಂಬಲಿಗರು ತಮ್ಮ ಪುಂಡಾಟ ಮುಂದುವರಿಸಿದ್ದಾರೆ. ಖಲಿಸ್ತಾನಿ ಬೆಂಬಲಿಗರು ಪ್ರತಿಭಟನಾ ಮೆರವಣಿಗೆ ನಡೆಸಿದ್ದು, 8,00,000 ಹಿಂದೂಗಳನ್ನು ಭಾರತಕ್ಕೆ ಗಡೀಪಾರು
ಮಾಡುವಂತೆ ಒತ್ತಾಯಿಸಿದ್ದಾರೆ.
ಅಲ್ಲದೆ ಟ್ರಕ್ಕೊಂದರಲ್ಲಿ ಜೈಲಿನ ಅಣಕು ಪ್ರದರ್ಶಿಸಿ ಅದರಲ್ಲಿ ಪ್ರಧಾನಿ ನರೇಂದ್ರ ಮೋದಿ, ಗ್ರಹ ಸಚಿವ ಅಮಿತ್ ಶಾ ಮತ್ತು ವಿದೇಶಾಂಗ ವ್ಯವಹಾರಗಳ ಸಚಿವ ಎಸ್.ಜೈಶಂಕರ್ ಅವರ ಅಣಕು ಪ್ರದರ್ಶನ ಮಾಡಲಾಗಿದೆ.
ಕೆನಡಾದ ಟೊರೊಂಟೊದ ಮಾಲ್ಮನ್ ಗುರುದ್ವಾರದಲ್ಲಿ ಹಿಂದೂ ವಿರೋಧಿ ಮೆರವಣಿಗೆ ನಡೆಸಲಾಯಿತು. ಮೆರವಣಿಗೆಯ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ. ಖಲಿಸ್ತಾನ್ ಪರ ಗೀಚುಬರಹವಿರುವ ಸಿಖ್ ಗುರುದ್ವಾರ ಮತ್ತು ಹಿಂದೂ ದೇವಾಲಯದ ಧ್ವಂಸ ಘಟನೆಗಳ ಹಿನ್ನೆಲೆಯಲ್ಲಿ ಈ ಘಟನೆ ನಡೆದಿದೆ.
ಕೆನಡಾದ ಹಿಂದೂ ಸಮುದಾಯದ ಮುಖಂಡರೊಬ್ಬರು ಈ ವೀಡಿಯೊವನ್ನು ಪೋಸ್ಟ್ ಮಾಡಿದ್ದು, ಖಲಿಸ್ತಾನಿ ಭಯೋತ್ಪಾದಕ ಗುಂಪಿನಿಂದ “ಹಿಂದೂ ವಿರೋಧಿ ಸ್ಪಷ್ಟ ದ್ವೇಷ” ವನ್ನು ಕರೆದಿದ್ದಾರೆ. ಕೆನಡಾದ ಪತ್ರಕರ್ತ ಡೇವಿಯಲ್ ಬೋರ್ಡ್‌ಮನ್ ಕೂಡ ಹಿಂದೂ ವಿರೋಧಿ ಮೆರವಣಿಗೆಯ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಖಲಿಸ್ತಾನಿ ಅಂಶಗಳ ವಿರುದ್ಧ ಕಾರ್ಯನಿರ್ವಹಿಸುವಲ್ಲಿ ಮಾರ್ಕ್ ಕಾರ್ನಿಯ ಅವರು ಕೆನಡಾ ಜಸ್ಟಿನ್ ಟ್ರುಡೊಗಿಂತ ಭಿನ್ನವಾಗಿರುತ್ತದೆಯೇ ಎಂದು ಪ್ರಶ್ನಿಸಿದರು.
