ರೈಸನ್ : ಮಧ್ಯಪ್ರದೇಶದ ರೈಸನ್ ಜಿಲ್ಲೆಯಲ್ಲಿ ಕಾನ್ವೆಂಟ್ ಶಾಲೆಯ ಪ್ರಾಂಶುಪಾಲರು ಇಸ್ಲಾಮಿಕ್ ಉಲ್ಲೇಖಗಳನ್ನ ಹೊಂದಿರುವ ವರ್ಣಮಾಲೆಯ ಚಾರ್ಟ್’ಗಳನ್ನು ವಿತರಿಸಿದ್ದಾರೆ ಎಂಬ ಆರೋಪದ ನಂತರ ವಿವಾದ ಭುಗಿಲೆದ್ದಿದ್ದು, ಶಿಕ್ಷಣ ಇಲಾಖೆ ತನಿಖೆ ಆರಂಭಿಸಿದೆ ಎಂದು ಅಧಿಕಾರಿಗಳು ಶನಿವಾರ ತಿಳಿಸಿದ್ದಾರೆ.
ಬೇಬಿ ಕಾನ್ವೆಂಟ್ ಶಾಲೆಯ ಪ್ರಾಂಶುಪಾಲರಾದ ಐ.ಎ. ಖುರೇಷಿ ಅವರು ವಿದ್ಯಾರ್ಥಿಗಳಿಗೆ ‘ಕಾ’ ಎಂದರೆ ಕಬಾ, ‘ಮಾ’ ಎಂದರೆ ಮಸೀದಿ ಮತ್ತು ‘ನಮಾಜ್’ ಎಂದರೆ ನಮಾಜ್ ಎಂದು ನಮೂದಿಸಿರುವ ಹಿಂದಿ ವರ್ಣಮಾಲೆಯ ಪಟ್ಟಿಗಳನ್ನ ನೀಡಿದ್ದಾರೆ ಎಂದು ಅವರು ಹೇಳಿದರು.
ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಸದಸ್ಯರು ಶುಕ್ರವಾರ ಪ್ರತಿಭಟನೆ ನಡೆಸಿ ಖುರೇಷಿ ಅವರನ್ನ ಘೇರಾವ್ ಮಾಡಿದ್ದಾರೆ.
ಪೊಲೀಸ್ ಸಿಬ್ಬಂದಿ ಪರಿಸ್ಥಿತಿಯನ್ನು ನಿಯಂತ್ರಣಕ್ಕೆ ತಂದಿದ್ದಾರೆ ಎಂದು ಉಪವಿಭಾಗೀಯ ಪೊಲೀಸ್ ಅಧಿಕಾರಿ (SDPO) ಪ್ರತಿಭಾ ಶರ್ಮಾ ಹೇಳಿದ್ದಾರೆ.
“ಈ ವಿಷಯ ಶಿಕ್ಷಣ ಇಲಾಖೆಗೆ ಸಂಬಂಧಿಸಿದೆ ಮತ್ತು ಜಿಲ್ಲಾ ಶಿಕ್ಷಣ ಅಧಿಕಾರಿ (DEO) ಗೆ ಉಲ್ಲೇಖಿಸಲಾಗಿದೆ” ಎಂದು ಶರ್ಮಾ ಹೇಳಿದರು. ಆರೋಪಗಳ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ ಎಂದು ಡಿಇಒ ಡಿ.ಡಿ. ರಜಕ್ ಹೇಳಿದರು.
ಇನ್ನು “ಶಿಕ್ಷಣ ಇಲಾಖೆಯ ಮಾರ್ಗಸೂಚಿಗಳ ಪ್ರಕಾರ, ಯಾವುದೇ ನಿರ್ದಿಷ್ಟ ನಂಬಿಕೆಯ ಧಾರ್ಮಿಕ ಚಿಹ್ನೆಗಳನ್ನ ಹೊಂದಿರುವ ಅಧ್ಯಯನ ಸಾಮಗ್ರಿಗಳನ್ನು ಶಾಲೆಗಳಲ್ಲಿ ಕಲಿಸಲಾಗುವುದಿಲ್ಲ” ಎಂದರು.
ಪ್ರಾಂಶುಪಾಲರಾದ ಖುರೇಷಿ ಅವರು ತಮ್ಮ “ಅಜಾಗರೂಕ” ತಪ್ಪನ್ನು ಒಪ್ಪಿಕೊಂಡರು, ಮಿಶ್ರ ಉರ್ದು-ಹಿಂದಿ ಗುಣಾಕಾರ ಕೋಷ್ಟಕಗಳನ್ನ ಹೊಂದಿರುವ ಒಂದು ಅಥವಾ ಎರಡು ಅಂತಹ ಪುಸ್ತಕಗಳು ವಿದ್ಯಾರ್ಥಿಗಳನ್ನ ತಲುಪಿವೆ ಎಂದು ಹೇಳಿದರು.
ವರ್ಣಮಾಲೆಯ ಚಾರ್ಟ್’ಗಳನ್ನ ಭೋಪಾಲ್’ನಿಂದ ಪಡೆಯಲಾಗಿದೆ ಮತ್ತು ಮಾರಾಟಗಾರರ ದೋಷದಿಂದಾಗಿ, ಮದರಸಾಗಳಲ್ಲಿ ಸಾಮಾನ್ಯವಾಗಿ ಬಳಸುವ ಮೂರರಿಂದ ನಾಲ್ಕು ಹೆಸರುಗಳನ್ನ ಸೇರಿಸಲಾಗಿದೆ ಎಂದು ಅವರುಹೇಳಿಕೊಂಡರು.
