ಭುವನೇಶ್ವರ (ಒಡಿಶಾ) : ವಿವಾಹದ ನೆಪದಲ್ಲಿ ಕರ್ನಾಟಕದ ವ್ಯಕ್ತಿಯನ್ನು ವಂಚಿಸಿದ ಆರೋಪದ ಹಿನ್ನೆಲೆ ನಯಾಗಢ ಜಿಲ್ಲೆಯ ಮಹಿಳೆ ಮತ್ತು ಆಕೆಯ ತಾಯಿಯನ್ನು ಇಲ್ಲಿನ ಇಲ್ಲಿನ ನಯಾಪಲ್ಲಿ ಪೊಲೀಸರು ಮಾರ್ಚ್ 26 ರಂದು ಬಂಧಿಸಿದ್ದಾರೆ.
ಏನಿದು ಆರೋಪ? ಮದುವೆಯ ದಲ್ಲಾಳಿಯೊಬ್ಬರು ವರನೊಬ್ಬನಿಗೆ ವಿವಾಹಕ್ಕೆ ಮಧುವಿದೆ ಎಂದು ನಯಾಗಢದ ಕುಟುಂಬದವರನ್ನ ಪರಿಚಯಿಸಿದ್ದಾರೆ. ನಂತರ ಅವರು ಹೋಟೆಲ್‌ವೊಂದರಲ್ಲಿ ಎರಡು ಕುಟುಂಬದವರು ಭೇಟಿಯಾದ ನಂತರ, ವಿವಾಹ ನಡೆಸಲು ನಿರ್ಧರಿಸಿದ್ದಾರೆ. ನಂತರ ಮದುವೆಯ ದಿನಾಂಕವನ್ನು ನಿಗದಿಗೊಳಿಸಿ ಉಂಗುರಗಳನ್ನು ಬದಲಾಯಿಸುವ ಮೂಲಕ ನಿಶ್ಚಿತಾರ್ಥ ಸಮಾರಂಭವನ್ನೂ ಪೂರ್ಣಗೊಳಿಸಿದ್ದಾರೆ. ಈ ವೇಳೆ ತೆಲುಗು ಸಂಪ್ರದಾಯದ ಪ್ರಕಾರ, ಯುವಕನ ಕುಟುಂಬವು ಮಹಿಳೆಗೆ ಆಭರಣ ಮತ್ತು ಬಟ್ಟೆಗಳನ್ನು ಉಡುಗೊರೆಯಾಗಿ ನೀಡಿದೆ ಎಂಬ ಆರೋಪ ಕೇಳಿಬಂದಿದೆ.
ಒಡಿಯಾ ಹುಡುಗಿಯನ್ನು ನೋಡಿ ಮೆಚ್ಚಿದ ಕರ್ನಾಟಕದ ಯುವಕ, ಹೋಟೆಲ್‌ನಲ್ಲಿ ರಿಂಗ್ ಬದಲಾಯಿಸಿಕೊಂಡಿದ್ದಾರೆ. ಈ ವೇಳೆ ವರನು ವಧುವಿಗೆ ಚಿನ್ನಾಭರಣ ಮತ್ತು ಹಣವನ್ನು ಕೂಡಾ ನೀಡಿದ್ದಾನೆ. ಇದೆಲ್ಲ ನಡೆದ ಬಳಿಕ ಯುವತಿ ಸಂಪರ್ಕಕ್ಕೆ ಸಿಕ್ಕಿಲ್ಲ. ಇದರಿಂದ ಅವರು ಮೋಸ ಹೋಗಿರುವುದು ಗೊತ್ತಾಗಿದೆ. ತಕ್ಷಣ ಯುವಕ ಈ ಬಗ್ಗೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾನೆ. ನಂತರ ಕಮಿಷನರೇಟ್ ಪೊಲೀಸರು, ವಿಚಾರಣೆ ನಡೆಸಿ ಯುವತಿ ಮತ್ತು ಆಕೆಯ ತಾಯಿಯನ್ನು ಬಂಧಿಸಿದ್ದಾರೆ.
ಈ ಸಂಬಂಧ ನಾಯಪಲ್ಲಿ ಕಮಿಷನರೇಟ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ಸಂಖ್ಯೆ 125/25 ರಂತೆ ಇಬ್ಬರನ್ನು ಬಂಧಿಸಲಾಗಿದೆ. ತಾಯಿ ಮತ್ತು ಮಗಳು ಬಂಧಿತ ಆರೋಪಿಗಳು. ಅವರ ಮನೆ ನಯಾಗರ್ ಓಡ್ಗಾಂವ್‌ನ ಮಹಿಪುರ್ ಪ್ರದೇಶದಲ್ಲಿದೆ ಎಂಬುದು ತಿಳಿದು ಬಂದಿದೆ.
ತಾಯಿ ಮತ್ತು ಮಗಳು ತಮ್ಮ ಕುಟುಂಬದೊಂದಿಗೆ ಭುವನೇಶ್ವರದ ಶಾಹಿದ್ ಲಕ್ಷ್ಮಣ್ ನಾಯಕ್ ಬಸ್ತಿಯಲ್ಲಿ ವಾಸಿಸುತ್ತಿದ್ದರು. ಆತನ ಹೆಸರಿನಲ್ಲಿ ವಂಚನೆ ಮಾಡಿದ ದೂರಿನ ಆಧಾರದ ಮೇಲೆ ಅವರನ್ನು ಬಂಧಿಸಲಾಗಿದೆ. ನಂತರ, ನಯಾಪಲ್ಲಿ ಪೊಲೀಸ್ ಠಾಣೆಯ ತನಿಖೆಯ ನಂತರ ಇಬ್ಬರನ್ನು ಭುವನೇಶ್ವರ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದೆ.
ಈ ಘಟನೆ ನಡೆದಿದ್ದು ಹೇಗೆ?: ಕರ್ನಾಟಕದ ಉದ್ಯಮಿಯೊಬ್ಬರು ತಮ್ಮ ಮಗನಿಗೆ ಮದುವೆ ಮಾಡಲು ಕನ್ಯೆಯನ್ನು ಹುಡುಕುತ್ತಿದ್ದರು. ಅವರ ಪತ್ನಿ ಆಂಧ್ರಪ್ರದೇಶದ ಇಚ್ಚಾಪುರಂನಲ್ಲಿ ವಾಸವಿದ್ದಿದ್ದರಿಂದ ಅವರು ಕೆಲವು ಒಡಿಯಾ ಜನರೊಂದಿಗೆ ಸಂಪರ್ಕದಲ್ಲಿದ್ದರು. ಈ ವೇಳೆ ಭುವನೇಶ್ವರದಲ್ಲಿ ಮಧ್ಯವರ್ತಿಯೊಬ್ಬರು ಸಂಪರ್ಕಕ್ಕೆ ಬಂದಿದ್ದು, ಶಾಹೀದ್ ಲಕ್ಷ್ಮಣ್ ನಾಯಕ ಬಸ್ತಿಯಲ್ಲಿ ಒಂದು ಸಂಸಾರಸ್ಥ ಕುಟುಂಬವಿದ್ದು, ಅವರಿಗೆ ಒಬ್ಬಳು ಮಗಳಿದ್ದಾಳೆ ಎಂದು ತಿಳಿಸಿದ್ದಾರೆ.
ಮಧ್ಯವರ್ತಿ ವಿವಿಧ ಬಸ್ತಿಗಳಿಗೆ (ಸ್ಲಂ ಏರಿಯಾ) ಪ್ರಯಾಣಿಸುವ ಬ್ಯಾಂಕ್ ಏಜೆಂಟ್. ಅವರು ಈ ಕುಟುಂಬದೊಂದಿಗೆ ಅವರನ್ನು ಸಂಪರ್ಕಿಸಿದ್ದಾರೆ. ನಂತರ ಆ ಕುಟುಂಬಸ್ಥರೊಂದಿಗೆ ಪ್ರಸ್ತಾವನೆ ಕೇಳಿದ್ದಾರೆ. ನಂತರ ಎರಡೂ ಕಡೆಯವರು ಸಭೆ ನಡೆಸಿ ನಂತರ ಒಪ್ಪಿಗೆ ಸೂಚಿಸಿ ನಿಶ್ಚಿತಾರ್ಥ ಸಮಾರಂಭಕ್ಕೆ ನಿರ್ಧರಿಸಿದ್ದಾರೆ.
ವಂಚನೆ ಪ್ರಕರಣದಲ್ಲಿ ಭಾಗಿ : ನಾಯಪಲ್ಲಿ ಪೊಲೀಸ್ ಠಾಣಾ ವ್ಯಾಪ್ತಿಯ ಹೋಟೆಲ್‌ನಲ್ಲಿ ಇವರಿಬ್ಬರು ಉಂಗುರ ಬದಲಾಯಿಸಿಕೊಂಡಿದ್ದಾರೆ. ವಿವಾಹವೂ ನಿಶ್ಚಯವಾಗಿದೆ. ಆದರೆ ಮದುವೆ ದಿನ ಹುಡುಗಿಯ ಮೊಬೈಲ್ ಸಂಪರ್ಕಕ್ಕೆ ಸಿಕ್ಕಿಲ್ಲ. ಈ ಬಗ್ಗೆ ಅವರಿಗೆ ಅನುಮಾನ ಬಂದು ಅವರ ಬಗ್ಗೆ ವಿಚಾರಿಸಿದ್ದಾರೆ. ಬಳಿಕ ವಂಚನೆ ಮಾಡಿರುವುದು ಗೊತ್ತಾಗಿದೆ. ನಂತರ ನಯಾಪಲ್ಲಿ ಪೊಲೀಸರಿಗೆ ದೂರು ನೀಡಿದ್ದಾರೆ. ಆಗ ತಾಯಿ – ಮಗಳಿಬ್ಬರನ್ನು ಬಂಧಿಸಿದ್ದಾರೆ.
