ರೈಲಿನಲ್ಲಿ ಯುವಕ - ಯುವತಿ ಕುಚ್ಚು, ಕುಚ್ಚು 

ದೆಹಲಿ ಮೆಟ್ರೋದಲ್ಲಿ ಜೋಡಿಗಳ ಮುದ್ದಾಟ, ಕಿಸ್ಸಿಂಗ್ ಸಾಮಾನ್ಯ ಎನ್ನುವಂತಾಗಿದೆ. ಆದರೆ ಇದೀಗ ಇಂತಹ ದೃಶ್ಯ ರೈಲ್ವೆಯಲ್ಲೂ ಕಂಡುಬಂದಿದೆ.ಇತ್ತೀಚೆಗೆ ಆನ್ಲೈನ್ನಲ್ಲಿ ಕಾಣಿಸಿಕೊಂಡಿರುವ ವೀಡಿಯೊದಲ್ಲಿ ಜೋಡಿಯೊಂದು ರೈಲಿನಲ್ಲಿ ಬಹಿರಂಗವಾಗಿ ಮುದ್ದಾಡುತ್ತಿದ್ದಾರೆ.

https://twitter.com/HasnaZaruriHai/status/1800528374567485936?t=UjWL_SKh1MJIx37JiRdMsQ&s=19

ಇದು ಮಕ್ಕಳು ಸೇರಿದಂತೆ ಸಹ ಪ್ರಯಾಣಿಕರಿಗೆ ಮುಜುಗರವನ್ನುಂಟುಮಾಡಿದೆ. ದೃಶ್ಯವನ್ನು ರೆಕಾರ್ಡ್ ಮಾಡಿದ ಮಹಿಳೆ ಸಾಮಾಜಿಕ ಮಾಧ್ಯಮದಲ್ಲಿ ವಿಡಿಯೋ ಹಂಚಿಕೊಂಡಿದ್ದು, ವ್ಯಾಪಕ ಚರ್ಚೆಗೆ ಕಾರಣವಾಗಿದೆ.

ವೈರಲ್ ಆದ ವಿಡಿಯೋದಲ್ಲಿ ಜೋಡಿಯೊಂದು ಸ್ಲೀಪರ್ ಕೋಚ್ ಸೀಟ್ ನಲ್ಲಿ ಮಲಗಿರುವುದನ್ನು ಕಾಣಬಹುದು. ಟಿಕೆಟ್ ಚೆಕರ್ ರೊಂದಿಗೆ ಮಾತುಕತೆಯ ಬಳಿಕವೂ ಇತರ ಪ್ರಯಾಣಿಕರು ಇದ್ದರೂ ವಿಚಲಿತರಾಗದೆ ತಮ್ಮ ಸಾರ್ವಜನಿಕ ಪ್ರೀತಿಯ ಪ್ರದರ್ಶನವನ್ನು ಪುನರಾರಂಭಿಸಿದರು. ಇದನ್ನು ಓಯೋ ಕೋಣೆಯ ದೃಶ್ಯಕ್ಕೆ ಹೋಲಿಸಿದ ಹಲವರು ಟೀಕಿಸಿದ್ದಾರೆ.

“ನಾನು ದೆಹಲಿ ಮೆಟ್ರೋದಲ್ಲಿ ಇದನ್ನು ಕಂಡಿದ್ದೇನೆ, ಆದರೆ ಸಾಮಾನ್ಯ ರೈಲಿನಲ್ಲಿ ಏಕೆ ?” ಪ್ರಶ್ನಿಸಿದ್ದಾರೆ. ಮತ್ತೊಬ್ಬರು ಕಳವಳ ವ್ಯಕ್ತಪಡಿಸುತ್ತಾ, "ಆತ್ಮೀಯ ರೈಲ್ವೆ ಸಚಿವರೇ, ಹದಿಹರೆಯದ ಹೆಣ್ಣುಮಕ್ಕಳು ಮತ್ತು ಇತರರಿಗೆ ಭಾರತೀಯ ಎಕ್ಸ್ ಪ್ರೆಸ್ ರೈಲುಗಳಲ್ಲಿ ಪ್ರಯಾಣಿಸುವುದು ಸುರಕ್ಷಿತವೇ?" ಎಂದು ಪ್ರಶ್ನಿಸಿದ್ದಾರೆ.

ಆದಾಗ್ಯೂ ಕೆಲವರು ಜೋಡಿಯ ಒಪ್ಪಿಗೆಯಿಲ್ಲದೆ ವಿಡಿಯೋ ಚಿತ್ರೀಕರಿಸಿದ್ದಕ್ಕಾಗಿ ಮಹಿಳೆಯನ್ನು ಟೀಕಿಸಿದ್ದಾರೆ. “ನೀವು ವಿಡಿಯೋ ಏಕೆ ಮಾಡುತ್ತೀರಿ? ವೀಡಿಯೋ ಚಿತ್ರೀಕರಣಕ್ಕೂ ಮುನ್ನ ನೀವು ಅವರ ಅನುಮತಿಯನ್ನು ತೆಗೆದುಕೊಂಡಿದ್ದೀರಾ," ಎಂದು ಕೇಳಿದ್ದಾರೆ. ಒಪ್ಪಿಗೆಯಿಲ್ಲದೆ ಯಾರೊಬ್ಬರ ಖಾಸಗಿ ವೀಡಿಯೊವನ್ನು ರೆಕಾರ್ಡ್ ಮಾಡುವುದು ಅಪರಾಧ ಎಂದು ನಿಮಗೆ ತಿಳಿದಿಲ್ಲವೇ? ಎಂದು ಪ್ರಶ್ನಿಸಿದ್ದಾರೆ.