ಹೆಚ್ಚಿನ ಪೋಷಕರು ಆಸ್ಪತ್ರೆಗೆ ಹೋದರೆ ವೈದ್ಯರು ತಮ್ಮ ಮೇಲೆ ಒತ್ತಡ ಹೇರುತ್ತಾರೆ ಎಂಬ ಭಯದಿಂದ ಇದನ್ನು ಮಾಡುತ್ತಾರೆ.
ಆದರೆ, ಕೆಲವು ಮೆಡಿಕಲ್ ಶಾಪ್ ಸಿಬ್ಬಂದಿಗೆ ಸರಿಯಾದ ಜ್ಞಾನವಿರಲ್ಲ ಮತ್ತು ಅವರು ಸಿಕ್ಕಿದ ಸಿರಪ್ ಅವರಿಗೆ ನೀಡುತ್ತಾರೆ. ಕೆಲವೊಮ್ಮೆ, ಅವು ಮಕ್ಕಳಿಗೆ ಅಪಾಯಕಾರಿಯಾಗಬಹುದು. ಇತ್ತೀಚೆಗೆ, ಕೆಮ್ಮಿನ ಸಿರಪ್ನಿಂದ ಇಬ್ಬರು ಮಕ್ಕಳು ಸಾವನ್ನಪ್ಪಿದ್ದಾರೆ.
ರಾಜಸ್ಥಾನದಲ್ಲಿ ಈ ಘಟನೆ ನಡೆದಿದೆ. ಸಿಕಾರ್ನಲ್ಲಿ ಐದು ವರ್ಷ ಬಾಲಕಿ ಸಾವನ್ನಪ್ಪಿದ್ದಾಳೆ. ಕೆಮ್ಮಿನ ಸಿರಪ್ ಸೇವಿಸಿದ ತಕ್ಷಣ ಮಗು ಉಸಿರಾಟ ನಿಲ್ಲಿಸಿದೆ ಎಂದು ಕುಟುಂಬ ಸದಸ್ಯರು ಹೇಳುತ್ತಾರೆ.
ಜೈಪುರದಲ್ಲಿ ಇದೇ ರೀತಿಯ ಪ್ರಕರಣ ಬೆಳಕಿಗೆ ಬಂದರೆ, ಶ್ರೀಮಧೋಪುರ್ ಮತ್ತು ಭರತ್ಪುರದಲ್ಲಿಯೂ ಘಟನೆಗಳು ವರದಿಯಾಗಿವೆ. ಜೈಪುರದಲ್ಲಿ, ಎರಡು ವರ್ಷದ ಬಾಲಕಿಯನ್ನು ಅದೇ ಔಷಧಿ ಸೇವಿಸಿದ ನಂತರ ಖಾಸಗಿ ಆಸ್ಪತ್ರೆಯ ಐಸಿಯುಗೆ ದಾಖಲಿಸಬೇಕಾಯಿತು.
ಈ ಸಿರಪ್ನ ಹೆಸರು ಡೆಕ್ಸ್ಟ್ರೋಮೆಥೋರ್ಫಾನ್ ಹೈಡ್ರೋಬ್ರೋಮೈಡ್. ಸಿಕಾರ್ ಮತ್ತು ಭರತ್ಪುರದಲ್ಲಿ ಇಬ್ಬರು ಮಕ್ಕಳು ಈ ಸಿರಪ್ ಕುಡಿದು ಸಾವನ್ನಪ್ಪಿದ್ದಾರೆ ಎಂದು ವರದಿಯಾಗಿದೆ.
ಜೂನ್ನಲ್ಲಿ ಸಿರಪ್ ಸರಬರಾಜು ಮಾಡಲಾಗಿತ್ತು. ಈ ಔಷಧವನ್ನು ಸ್ಥಳೀಯ ಜೈಪುರ ಕಂಪನಿಯಾದ ಕೆಸನ್ಸ್ ಫಾರ್ಮಾ ತಯಾರಿಸುತ್ತದೆ. ಘಟನೆಯ ನಂತರ, ರಾಜಸ್ಥಾನ ವೈದ್ಯಕೀಯ ಸೇವೆಗಳ ನಿಗಮ ಲಿಮಿಟೆಡ್ ಔಷಧದ ಪೂರೈಕೆಯನ್ನು ನಿಲ್ಲಿಸಿತು.
ಔಷಧ ಇಲಾಖೆಯು ಪರೀಕ್ಷೆಗಾಗಿ ಮಾದರಿಗಳನ್ನು ಸಂಗ್ರಹಿಸಿದೆ. ವಿವರವಾದ ತನಿಖಾ ವರದಿಯನ್ನು ಐದರಿಂದ ಆರು ದಿನಗಳಲ್ಲಿ ನಿರೀಕ್ಷಿಸಲಾಗಿದೆ. ಪ್ರಾಥಮಿಕ ತನಿಖೆಯಲ್ಲಿ ಈ ಔಷಧವು ಮಕ್ಕಳಿಗಾಗಿ ಅಲ್ಲ, ವಯಸ್ಕರಿಗೆ ಮಾತ್ರ ಎಂದು ತಿಳಿದುಬಂದಿದೆ.
