ಪಟ್ಟಣದ ಬಿಜೆಪಿ ಕಛೇರಿಯಲ್ಲಿ ಪತ್ರಿಕಾ ಗೋಷ್ಟಿ ಉದ್ದೇಶಿಸಿ ಮಾತನಾಡಿದರು. ಅನೇಕ ತಲೆಮಾರುಗಳಿಂದ ಬಂದ ಬಡವರ, ರೈತರ, ಹಾಗೂ ಮಠ ಮಾನ್ಯಗಳ ಸಾವಿರಾರು ಎಕರೆ ಜಮೀನುಗಳನ್ನು ವಕ್ಫ ಆಸ್ತಿಗಳನ್ನಾಗಿ ಮಾಡಲು ಕಾಂಗ್ರೆಸ್ ಸರ್ಕಾರವು ಹೊರಟಿದೆ. ಇಂತಹ ಅನೇಕ ಆಸ್ತಿಗಳನ್ನು ವಕ್ಫ ಆಸ್ತಿಗಳಂತ ದಾಖಲು ಮಾಡುತ್ತಿದ್ದಾರೆ. ಜಾತಿಗಳನ್ನು ಮುಂದಿಟ್ಟುಕೊಂಡು ಸಮಾಜದಲ್ಲಿ ಶಾಂತಿ ಕದಡುತ್ತಿದ್ದಾರೆ. ಹಳೆಯ ಇತಿಹಾಸ ನೋಡಿದಾಗ ಅದು ರೈತರದ್ದೇ ಜಮೀನು. ಸನ್ಮಾನ್ಯ ಮೋದಿಜಿಯವರ ಬಿಜೆಪಿ ಸರ್ಕಾರ ಈ ಕಾನೂನಿಗೆ ತಿದ್ದುಪಡಿ ತಂದು ಪೂರ್ಣ ವಿರಾಮ ಹಾಕುವ ಕೆಲಸ ಮಾಡುತ್ತಿದೆ. ಈ ಕುರಿತು ಮಾನ್ಯ ಜಿಲ್ಲಾಧಿಕಾರಿಗಳ ಮೂಲಕ ಪ್ರತಿಭಟನೆಯ ಮೂಲಕ ಮನವಿ ಅರ್ಪಿಸುತ್ತೇವೆ ಎಂದರು.
ನಂತರ ಸುದ್ದಿಗಾರರ ಪ್ರಶ್ನೆಗೆ ಉತ್ತರಿಸಿದ ಛಬ್ಬಿಯವರು ಅತೀವೃಷ್ಠಿಯಿಂದ ಸಂಪೂರ್ಣ ಬೆಳೆ ಹಾಳಾಗಿದ್ದರೂ ರೈತನಿಗೆ ಕಿಂಚಿತ್ತೂ ಪರಿಹಾರ ಕೊಡುತ್ತಿಲ್ಲ ಎಂದರು. ನಂತರ ಮಾತನಾಡಿದ ಜಿಲ್ಲಾ ಬಿಜೆಪಿ ಗ್ರಾಮೀಣ ಅಧ್ಯಕ್ಷ ನಿಂಗಪ್ಪ ಸುತಗಟ್ಟಿ ಮಾತನಾಡಿ ಇದು ಭಾರತ ದೇಶ. ಇಲ್ಲಿ ಸಿರಿಯಾ ದೇಶದ ಕಾನೂನು ನಡೆಯುವುದಿಲ್ಲ. ಮುತ್ಸದ್ದಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಸಾಹೆಬ್ರು ಈ ಕೂಡಲೇ ಸಚಿವ ಜಮೀರ ಅಹಮದ್ ಅವರನ್ನು ಸಂಪುಟದಿಂದ ವಜಾ ಮಾಡಬೇಕು. ಈ ಪ್ರತಿಭಟನೆಯು ಕೇಂದ್ರ ಸರ್ಕಾರದ ನಿರ್ದೇಶನದಂತೆ ಕರ್ನಾಟಕದಾದ್ಯಂತ ಏಕ ಕಾಲಕ್ಕೆ ನಡೆಯಲಿದ್ದು ಮಾನ್ಯ ಜಿಲ್ಲಾಧಿಕಾರಿಯವರಿಗೆ ಮನವಿ ಕೊಡುತ್ತೇವೆ ಎಂದರು.
ಈ ಸಂದರ್ಭದಲ್ಲಿ ಮದನ್ ಕುಲಕರ್ಣಿ, ಅಣ್ಣಪ್ಪ ಓಲೇಕಾರ, ತಾಲೂಕು ಬಿಜೆಪಿ ಅದ್ಯಕ್ಷ ಯಲ್ಲಾರಿ ಶಿಂಧೆ, ಪಟ್ಟಣ ಪಂಚಾಯತಿ ಉಪಾದ್ಯಕ್ಷ ಗಂಗಾಧರ ಗೌಳಿ, ಮಾಜಿ ಜಿ.ಪಂ ಸದಸ್ಯ ಬಸವರಾಜ ಕರಡಿಕೊಪ್ಪ, ಶಶಿಧರ ಹುಲಿಕಟ್ಟಿ, ಸದಾನಂದ ಚಿಂತಾಮಣಿ, ಪರಶುರಾಮ ಹುಲಿಹೊಂಡ, ಬಸವರಾಜ ಹೊನ್ನಳ್ಳಿ, ವಿನಾಯಕ ಗೌಳಿ ಮುಂತಾದವರು ಉಪಸ್ಥಿತರಿದ್ದರು. ಸೋಮು ಕೊಪ್ಪದ ಸ್ವಾಗತಿಸಿದರು.
ವರದಿ : ಶಶಿಕುಮಾರ
