ನಿಪ್ಪಾಣಿ : ಹಾಲಸಿದ್ಧನಾಥ ಸಹಕಾರಿ ಸಕ್ಕರೆ ಕಾರ್ಖಾನೆ ಆವರಣದಲ್ಲಿ ಜೊಲ್ಲೆ ಸಮೂಹದ ವತಿಯಿಂದ ನಡೆದಿರುವ ಕೃಷಿ ಉತ್ಸವದಲ್ಲಿನ ಜಾನುವಾರುಗಳ ಪ್ರದರ್ಶನಕ್ಕೆ 2 ವರ್ಷದ 9 ತಿಂಗಳಿನ 3 ಅಡಿ ಎತ್ತರದ ಅತಿ ಕುಳ್ಳ ‘ರಾಧಾ’ ಎಮ್ಮೆ ಪ್ರದರ್ಶನಕ್ಕೆ ತರಲಾಗಿದೆ.ಈ ಎಮ್ಮೆ ಮಹಾರಾಷ್ಟ್ರದ ಸಾತಾರಾ ಜಿಲ್ಲೆಯದ್ದು.
ಅತಿ ಚಿಕ್ಕ ಹಸು ಮತ್ತು ಒಂದೂವರೆ ಟನ್ ತೂಕದ ‘ಗಜೇಂದ್ರ’ ಕೋಣ, 6 ಕೆ.ಜಿ ತೂಕದ ಹುಂಜ, 41 ಲಕ್ಷ ಮೌಲ್ಯದ ಅತಿ ಎತ್ತರದ ‘ಸೋನ್ಯಾ’ ಎಂಬ ಎತ್ತು ಸಹ ಜಾನುವಾರು ಪ್ರದರ್ಶನದಲ್ಲಿವೆ.
250ಕ್ಕೂ ಅಧಿಕ ಮಳಿಗೆಗಳಿಗೆ ಅಪಾರ ಜನರು ಅದರಲ್ಲೂ ರೈತರು ಹೆಚ್ಚಿನ ಸಂಖ್ಯೆಯಲ್ಲಿ ಬರುತ್ತಿದ್ದಾರೆ. ಈ ಮಳಿಗೆಗಳಲ್ಲಿ ಟ್ರ್ಯಾಕ್ಟರ್, ಜೆಸಿಬಿ ಮಷಿನ್, ಕೃಷಿಗೆ ಸಂಬಂಧಿಸಿದ ಉಪಕರಣ, ಯಂತ್ರೋಪಕರಣ, ಆಹಾರ ಮಳಿಗೆಗಳಿವೆ. 10 ಎಕರೆ ಪ್ರದೇಶದಲ್ಲಿ ಕೃಷಿ ಉತ್ಸವ ನಡೆದಿದೆ.
