ತೆಲಂಗಾಣದ ಮೇದಕ್ ಜಿಲ್ಲೆಯಲ್ಲಿ ಬುಧವಾರ ಸಂಜೆ ಕಾರು ರಸ್ತೆ ಬದಿಯ ಕಾಲುವೆಗೆ ಬಿದ್ದ ಪರಿಣಾಮ ಮೂವರು ಅಪ್ರಾಪ್ತ ಬಾಲಕಿಯರು ಸೇರಿದಂತೆ ಒಂದೇ ಕುಟುಂಬದ ಏಳು ಸದಸ್ಯರು ಸಾವನ್ನಪ್ಪಿದ್ದಾರೆ ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.
ಶಿವವಂಪೇಟ್ ಬ್ಲಾಕ್ನ ಉಸಿರಿಕೆಪಲ್ಲಿ ಗ್ರಾಮದಲ್ಲಿ ಸಂಜೆ 4:30 ರ ಸುಮಾರಿಗೆ ಈ ಅಪಘಾತ ಸಂಭವಿಸಿದೆ.ಮೃತರನ್ನು ಶಾಂತಿ ಸಿಂಗ್ (38), ಮಮತಾ (12), ಅನಿತಾ (35), ಇಂದು (13), ಶ್ರಾವಣಿ (12), ಶಿವರಾಂ (56) ಮತ್ತು ದುರ್ಗಿ (45) ಎಂದು ಗುರುತಿಸಲಾಗಿದೆ.
ಕಾರನ್ನು ಚಲಾಯಿಸುತ್ತಿದ್ದ ಶಾಂತಿ ಸಿಂಗ್ ಅವರ ಪತಿ ನಾಮ್ ಸಿಂಗ್ (45) ಅವರ ಸ್ಥಿತಿ ಗಂಭೀರವಾಗಿದೆ ಎಂದು ಶಿವವಂಪೇಟ್ ಪೊಲೀಸ್ ಠಾಣೆಯ ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಮೃತರು ಶಿವವಂಪೇಟ್ ಬ್ಲಾಕ್ನ ರತ್ನಾಪುರ ಮತ್ತು ಪಾಮುಬಂಡಾ ಗ್ರಾಮದವರಾಗಿದ್ದು, ತೂಪ್ರಾನ್ ಪಟ್ಟಣದ ಬಳಿಯ ಮುತ್ಯಾಲಮ್ಮ ದೇವಸ್ಥಾನದಲ್ಲಿ ನಡೆದ ಜಾನಪದ ಉತ್ಸವದಲ್ಲಿ ಭಾಗವಹಿಸಿ ನಂತರ ತಮ್ಮ ಗ್ರಾಮಕ್ಕೆ ಮರಳುತ್ತಿದ್ದರು.
