ಚಿಟಗುಪ್ಪ :ತಾಲ್ಲೂಕಿನ ತಾಳಮಡಗಿ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಸಂಘದ ನೂತನ ಅಧ್ಯಕ್ಷರಾಗಿ ಸೋಮಶೇಖರ್ ಧಡಿಮಾಳ ಅವಿರೋಧವಾಗಿ ಆಯ್ಕೆಗೊಂಡಿದ್ದಾರೆ.
ಪಿಕೆಪಿಎಸ್ ಅಧ್ಯಕ್ಷ ಸ್ಥಾನಕ್ಕೆ ಶುಕ್ರವಾರ ನಡೆದ ಚುನಾವಣೆಯಲ್ಲಿ ಅಧ್ಯಕ್ಷ ಸ್ಥಾನಕ್ಕೆ ಸೋಮಶೇಖರ್ ಮಡಿವಾಳಪ್ಪ ಒಬ್ಬರೇ ನಾಮಪತ್ರ ಸಲ್ಲಿಸಿದ್ದರಿಂದ ಅವರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆಂದು ಚುನಾವಣಾಧಿಕಾರಿ ವಿಜಯಕುಮಾರ ನಾಗನಕೇರಾ ಘೋಷಿಸಿದ್ದಾರೆ.
ಬಳಿಕ ಪಿಕೆಪಿಎಸ್ನ ನೂತನ ಅಧ್ಯಕ್ಷರಿಗೆ ಪಿಕೆಪಿಎಸ್ ನಿರ್ದೇಶಕರು ಹಾಗೂ ಗ್ರಾಮದ ಮುಖಂಡರು ಸನ್ಮಾನಿಸಿ ಅಭಿನಂದನೆ ಸಲ್ಲಿಸಿದರು.
ಈ ಸಂದರ್ಭದಲ್ಲಿ ಪಿಕೆಪಿಎಸ್ ಉಪಾಧ್ಯಕ್ಷ ರವಿ ಹಾವಶೆಟ್ಟಿ,ಮಾಜಿ ಅಧ್ಯಕ್ಷ ಉಮೇಶ ಕುಲಕರ್ಣಿ,ನಿರ್ದೇಶಕರಾದ ಅಶೋಕ ಶೇರಿಕಾರ,ರವೀಂದ್ರ ಪಾವಡಶೆಟ್ಟಿ,ವಿಜಯಕುಮಾರ ಪುಂಡಲಿಕ, ಕಸ್ತೂರಬಾಯಿ ಧಡಿಮಾಳ,ವೀರಶೆಟ್ಟಿ ನಿಂಬುರ,ಲಕ್ಷ್ಮಣ ಸೆಟ್ವಜಿ,ಮಹೆಬೂಬಖಾನ ಪಟೇಲ್,ಕೈಲಾಸ ಪಾವಡಶೆಟ್ಟಿ,.ಮುಖಂಡರಾದ ಶ್ರೀಮಂತ ಪಾಟೀಲ್,ಡಾ.ಹೈದಾರಾಲಿ ಖಾನ್ ಪಟೇಲ್,ಬಾಬುರಾವ ಪಾಟೀಲ್,ಸೋಮಶೇಖರ್ ಪಾಟೀಲ್,ಪಪ್ಪು ಪಾಟೀಲ್ ಸೇರಿ ಅನೇಕರು ಇದ್ದರು.
ವರದಿ:ಸಜೀಶ್ ಲಂಬುನೋರ್
