ವಿಜಯಪುರ: ನಾವು ಹಿಂದೂಗಳಲ್ಲ, ನಮಗೆ ದೇವರೆಲ್ಲ ಕಸದ ಸಮಾನ ಎಂದು ವಿರಕ್ತಮಠದ ವೀರತಿಶಾನಂದ ಸ್ವಾಮೀಜಿ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ.
ಡಾ. ಅಂಬೇಡ್ಕರ್ ವಿರುದ್ಧ ಕೇಂದ್ರ ಗೃಹ ಸಚಿವ ಅಮಿತ್ ಶಾ ಆಡಿದ ಮಾತು ವಿರೋಧಿಸಿ ವಿಜಯಪುರದಲ್ಲಿ ಬಂದ್‌ನಲ್ಲಿ ಮಾತನಾಡಿದ ಅವರು, ನಾವು ಹಿಂದೂಗಳಲ್ಲ, ವೈದಿಕೆ ಧರ್ಮ ಆಚರಣೆ ನಮ್ಮದಲ್ಲ. ನಮಗೆ ಯಾರು ದೇವರಿಲ್ಲ. ದೇವರೆಲ್ಲ ನಮಗೆ ಕಸದ ಸಮಾನ ಎಂದು ಹೇಳಿದ್ದಾರೆ.
ನನಗೆ ಗಣಪತಿ ಕೂಸೋಕೆ ಹಣ ಕೊಡಿ ಅಂತ ಕೆಲವರು ಕೇಳಿದ್ದರು. ಆದರೆ ನಾನು ಹಣ ಕೊಡಲಿಲ್ಲ. ಗಣಪತಿ ಬದಲಾಗಿ ಅಂಬೇಡ್ಕರ್ ಮೂರ್ತಿ ಕೂರಿಸುವಂತೆ ಸೂಚನೆ ನೀಡಿದ್ದೆ. ಅದೇ ರೀತಿ ತೀರ್ಥಕ್ಷೇತ್ರಗಳಿಗೆ ಪ್ರವಾಸಕ್ಕೆ ಹೋಗಬೇಡಿ ಎಂದು ಹೇಳಿದರು.
ಅಂಬೇಡ್ಕರ್ ಅನ್ನೋದು ಒಂದು ಫ್ಯಾಷನ್ ಆಗಿದೆ ಎಂದು ಅಮಿತ್ ಶಾ ಹೇಳಿದ್ದಾರೆ. ಅಂಬೇಡ್ಕರ್ ನಮಗೆ ಪರಮಾತ್ಮ ಇದ್ದಂಗೆ. ಅಂಬೇಡ್ಕರ್ ಅನ್ನೋದೇ ನಮ್ಮ ಮಂತ್ರ ಎಂದು ಹೇಳಿದರು.
