ಭಾರತ ಕ್ರಿಕೆಟ್ ತಂಡ ನೋಡಿದ ಅದ್ಭುತ ಆಟಗಾರರಲ್ಲಿ ಇವರು ಒಬ್ಬರು. ಏಕದಮ್ ಸಾದಾ ಸೀದಾ ಆಟಗಾರ. ಶಿಸ್ತಿನ ಸಿಪಾಯಿ ಆಡಿದಷ್ಟು ದಿನ ಭಾರತ ತಂಡಕ್ಕೆ ಅಪಾರ ಕೊಡುಗೆ ನೀಡಿದ ಆಟಗಾರ.
ಹೌದು ಈಗ ಹೇಳ ಹೊರಟಿರುವುದು ಕುಳ್ಳನೇ ಬಲಗೈ ಬ್ಯಾಟ್ಸಮನ್ ಅಜಿಂಕೆ ರೆಹಾನೆ ವಿಷಯ. ಅಜಿಂಕೆ ರೆಹಾನೆ ಭಾರತ ತಂಡ ಕಂಡ ಅದ್ಭುತ ಆಟಗಾರರಲ್ಲಿ ಒಬ್ಬರು ಎಂಬುದನ್ನು ಯಾರು ಅಲ್ಲಗಳೆಯಲು ಸಾಧ್ಯವಿಲ್ಲ.
ಭಾರತದ ಪರ ೮೫ ಟೆಸ್ಟ್ ಆಡಿದ್ದರೂ ಎಂದೂ ಮುಖ್ಯವಾಹಿನಿಗೆ ಬರಲು, ಅಪಾರ ಪ್ರಸಿದ್ದಿ ಕಾಣಲು ಅವರಿಂದ ಸಾಧ್ಯವಾಗಿರಲಿಲ್ಲ. ಆದರೆ ಆತ ಅದ್ಭುತ ಕ್ರಿಕೆಟಿಗ ಎನ್ನುವುದನ್ನು ಯಾರೂ ಅಲ್ಲ ಗಳೆಯಲು ಸಾಧ್ಯವಿಲ್ಲ.
ಟೆಸ್ಟ್ ಕ್ರಿಕೆಟಿನಲ್ಲಿ ೧೨ ಶತಕ, ೨೬ ಅರ್ಧ ಶತಕಗಳ ಸಾಧನೆಯೊಂದಿಗೆ ೩೮.೪೬ ಸರಾಸರಿಯಲ್ಲಿ ೫,೦೭೭ ರನ್ ಕಲೆ ಹಾಕಿದ್ದ ರೆಹಾನೆ ಅವರ ಸಾಧನೆ ಕಡಿಮೆ ಸಾಧನೆಯಲ್ಲ. ಏಕದಿನ ಪಂದ್ಯಗಳಲ್ಲೂ ೩೫.೨೬ ರನ್ ಸರಾಸರಿಯಲ್ಲಿ ೩೦೦೦ ರನ್ಗೆ ತೀರಾ ಹತ್ತಿರವಿದ್ದ ರೆಹಾನೆ ದೊಡ್ಡ ಸುದ್ದಿ ಮಾಡಿರಲಿಲ್ಲವಾದರೂ ಭಾರತದ ಅತ್ಯುತ್ತಮ ಕ್ರಿಕೆಟಿಗರಲ್ಲಿ ಒಬ್ಬರು ಎನ್ನಲು ಮಾತ್ರ ಅಡ್ಡಿ ಇಲ್ಲ.
