ಸಿಕಂದರ್ ಸುಂದರಿಯಿಂದ ಬರ್ತಡೇ ಆಚರಣೆ: 29 ಕ್ಕೆ ಕಾಲಿಟ್ಟ ಬಾಲಿವುಡ್ ಬೆಡಗಿ

ನ್ಯಾಷನಲ್​ ಕ್ರಶ್​ ಖ್ಯಾತಿಯ ರಶ್ಮಿಕಾ ಮಂದಣ್ಣ ಏಪ್ರಿಲ್ 5ರಂದು ತಮ್ಮ 29ನೇ ಹುಟ್ಟುಹಬ್ಬ ಆಚರಿಸಿಕೊಂಡರು. ಅಂದು, ಅಪಾರ ಸಂಖ್ಯೆಯ ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹುಟ್ಟುಹಬ್ಬಕ್ಕೆ ಪ್ರೀತಿಯಿಂದ ಶುಭಾಶಯ ಕೋರಿದ್ದರು. ಇದೀಗ, ಫ್ಯಾನ್ಸ್​ಗೆ ತಮ್ಮ ಬರ್ತ್​​ಡೇ ಸೆಲೆಬ್ರೇಶನ್​​ನ ಒಂದು ನೋಟವನ್ನೊದಗಿಸಿದ್ದಾರೆ ಸಿಕಂದರ್​ ಸುಂದರಿ.

ಹೌದು, ತಮ್ಮ ಅಧಿಕೃತ ಇನ್​ಸ್ಟಾಗ್ರಾಮ್​ನಲ್ಲಿ ಸಿಕಂದರ್​ ನಟಿ ವಿಡಿಯೋ ಒಂದನ್ನು ಹಂಚಿಕೊಂಡಿದ್ದಾರೆ. ಬ್ಲ್ಯೂ ಫ್ರಾಕ್​​​ ಧರಿಸಿ ಸಖತ್​ ಕ್ಯೂಟ್ ಆಗಿ ಕಾಣಿಸಿಕೊಂಡಿದ್ದಾರೆ ಕಿರಿಕ್​​ ಪಾರ್ಟಿ ಬೆಡಗಿ. ಕಡಲ ತೀರದಲ್ಲಿ ಬರ್ತ್​ಡೇ ಸೆಲೆಬ್ರೇಶನ್​ ಅರೇಂಜ್​ಮೆಂಟ್​​ ಒಂದು ಸಣ್ಣ ಲುಕ್​ ಈ ವಿಡಿಯೋದಲ್ಲಿ ಸಿಕ್ಕಿದೆ. ಫ್ಲವರ್ಸ್, ಲೈಂಟಿಂಗ್ಸ್​​​ ಕಡಲ ತೀರವನ್ನು ಮತ್ತಷ್ಟು ಚೆಂದಗೊಳಿಸಿದೆ. ನಟಿ, 'ಹ್ಯಾಪಿ ಬರ್ತ್​ಡೇ ಟು ರಶಿ' ಎಂದು ಮಗುವಿನಂತೆ ವರ್ತಿಸಿದ್ದಾರೆ. ಡ್ಯಾನ್ಸ್ ವಿಡಿಯೋ ಆನ್​​​ಲೈನ್​ನಲ್ಲಿ ವೈರಲ್​ ಆಗುತ್ತಿದ್ದು, ಅವರ ಅಭಿಮಾನಿಗಳು ಕ್ಯೂಟ್​ ಎಂದು ಗುಣಗಾನ ಮಾಡುತ್ತಿದ್ದಾರೆ.