ನಗರದ ಬಡಕಲ್ ಗಲ್ಲಿಯಲ್ಲಿರುವ ಶಿವಾ ಕ್ಲಿನಿಕ್ ಮತ್ತು ಇದಕ್ಕೆ ಸಂಬಂಧಿಸಿದ ಗುರು ಕೃಪಾ ಆಸ್ಪತ್ರೆಗಳ ಮೇಲೆ ಮಂಗಳವಾರ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ. ಪೊಲೀಸ ಅಧಿಕಾರಿಗಳ ನೇತೃತ್ವದಲ್ಲಿ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ. ಆಸ್ಪತ್ರೆ ಮತ್ತು ಅಲ್ಲಿಯ ವೈದ್ಯಕೀಯ ಸಿಬ್ಬಂಧಿಗಳ ದಾಖಲೆಗನ್ನು ಪರಿಶೀಲಿಸಿದ್ದಾರೆ.
ದಾಳಿ ವೇಳೆ ಡಿಎಚ್ಓ ಮಹೇಶ ಕೋಣಿ ಮಾತನಾಡಿ, ಇಲ್ಲಿ ಅಲೋಪತಿಕ್ ಔಷಧಿಗಳಿದ್ದು ಶಸ್ತ್ರಚಿಕಿತ್ಸೆ ವ್ಯವಸ್ತೆಯು ಸಹ ಇದೆ. ಇಲ್ಲಿ ಕೆಲವು ಸಿಬ್ಬಂದಿ ತರಬೇತಿಯನ್ನು ಪಡೆಯುತ್ತಿದ್ದಾರೆ. ಇಲ್ಲಿ ವ್ಯದ್ಯರು ಕೇವಲ ತಾತ್ಕಾಲಿಕ ಬೇಟಿ ನಿಡುತ್ತಾರೆ. ಆಸ್ಪತ್ರೆಯಲ್ಲಿ ಯಾವುದೇ ವೈದ್ಯರ ಪ್ರಮಾಣ ಪತ್ರಗಳಿಲ್ಲ. ಎಲ್ಲ ದಾಖಲೆಗಳನ್ನು ಪಡಿಶೀಲಿಸಿ ತಾತ್ಕಾಲಿಕ ಬೇಟಿ ನೀಡುತ್ತಿರುವ ವೈದ್ಯರ ಮತ್ತು ಆಸ್ಪತ್ರೆಯ ಮೇಲೆ ಸೂಕ್ತ ಕ್ರಮ ಕೈಗೊಳ್ಳಲಾಗುವುದು. ಜಿಲ್ಲೆಯ ಎಲ್ಲಾ ತಾಲೂಕಾ ಆರೋಗ್ಯ ಅಧಿಕಾರಿಗಳಿಗೂ ನಕಲಿ ವೈದ್ಯರಮೇಲೆ ಕ್ರಮ ಕೈಗೊಳ್ಳಲು ಸೂಚಿಸಲಾಗದೆ ಎಂದು ತಿಳಿಸಿದರು.
ವರದಿ : ಪ್ರತೀಕ ಚಿಟಗಿ
