ವಿಶ್ವದ ಅತ್ಯಂತ ಹಿರಿಯ ವ್ಯಕ್ತಿ ಎಂದು ಗಿನ್ನೆಸ್ ವಿಶ್ವ ದಾಖಲೆ ಹೊಂದಿರುವ ಮಾರಿಯಾ ಬ್ರಾನ್ಯಾಸ್ ಮೊರೆರಾ ತಮ್ಮ 117 ನೇ ವಯಸ್ಸಿನಲ್ಲಿ ನಿಧನರಾದರು.
ಫ್ರೆಂಚ್ ಸನ್ಯಾಸಿನಿ ಲೂಸಿಲ್ ರಾಂಡನ್ (118) ಅವರ ನಿಧನದ ನಂತರ 2023 ರ ಜನವರಿಯಲ್ಲಿ ಬ್ರಾನ್ಯಾಸ್ ವಿಶ್ವದ ಅತ್ಯಂತ ಹಿರಿಯ ವ್ಯಕ್ತಿ ಎಂಬ ಸ್ಥಾನಮಾನವನ್ನು ಗಿನ್ನೆಸ್ ವಿಶ್ವ ದಾಖಲೆಗಳು ಅಧಿಕೃತವಾಗಿ ಅಂಗೀಕರಿಸಿದ್ದವು.
'ಮಾರಿಯಾ ಬ್ರಾನ್ಯಾಸ್ ನಮ್ಮನ್ನು ಅಗಲಿದ್ದಾರೆ. ನಿದ್ರೆಯಲ್ಲಿ, ಶಾಂತಿಯುತವಾಗಿ ಮತ್ತು ನೋವು ಇಲ್ಲದೆ ಅವರು ಬಯಸಿದಂತೆ ಮೃಪಟ್ಟರು ಎಂದು ಕುಟುಂಬವು ಎಕ್ಸ್ ನಲ್ಲಿ ಬರೆದಿದೆ.
ಕ್ಯಾಟಲೋನಿಯಾದ ಈಶಾನ್ಯ ಪ್ರದೇಶದ ಒಲೋಟ್ ಪಟ್ಟಣದ ಸಾಂಟಾ ಮಾರಿಯಾ ಡೆಲ್ ತುರಾ ನರ್ಸಿಂಗ್ ಹೋಂನಲ್ಲಿ ಕಳೆದ ಎರಡು ದಶಕಗಳಿಂದ ವಾಸಿಸುತ್ತಿದ್ದರು.ಸ್ಯಾನ್ ಫ್ರಾನ್ಸಿಸ್ಕೋದಲ್ಲಿ ಜನಿಸಿದ ಬ್ರಾನ್ಯಾಸ್ ಎರಡು ವಿಶ್ವ ಯುದ್ಧಗಳು, ಜೊತೆಗೆ ಸ್ಪ್ಯಾನಿಷ್ ಅಂತರ್ಯುದ್ಧ ಮತ್ತು ಕೋವಿಡ್ -19 ಸಾಂಕ್ರಾಮಿಕ ರೋಗದ ನಡುವೆಯೂ ಬದುಕಿದರು.
1918 ರ ಫ್ಲೂ, ವಿಶ್ವ ಯುದ್ಧಗಳು ಮತ್ತು ಸ್ಪೇನ್ನ ಅಂತರ್ಯುದ್ಧದ ಮೂಲಕ ಬದುಕಿದ ಬ್ರಾನ್ಯಾಸ್, ತನ್ನ 113 ನೇ ಹುಟ್ಟುಹಬ್ಬವನ್ನು ಆಚರಿಸಿದ ಕೆಲವೇ ವಾರಗಳ ನಂತರ 2020 ರಲ್ಲಿ ಕೋವಿಡ್ -19 ಗೆ ಒಳಗಾದರು ಆದರೆ ಸಂಪೂರ್ಣವಾಗಿ ಚೇತರಿಸಿಕೊಂಡರು.
