ಮಹಿಳೆಯರ ಕಿವಿ ಬಲು ಚುರುಕು: ಕೇಳಿಸಿಕೊಳ್ಳುವುದರಲ್ಲಿ ನಿಸ್ಸೀಮರು

ಮಹಿಳೆಯರಿಗೆ ತುಂಬಾ ಚುರುಕಾದ ಕಿವಿಗಳಿವೆ ಎಂದು ತಮಾಷೆಯಾಗಿ ಹೇಳುವುದನ್ನು ನೀವು ಕೇಳಿರಬೇಕು. ಆದರೆ ತಮಾಷೆಗೆ ಹೇಳಿದ ಈ ಮಾತು ಈಗ ಸಂಪೂರ್ಣ ಸತ್ಯ ಎಂದು ತಿಳಿದರೆ ನಿಮಗೆ ಆಶ್ಚರ್ಯವಾಗುತ್ತದೆ ಅಲ್ಲವೇ.. ಹೌದು, ಸೈಂಟಿಫಿಕ್ ರಿಪೋರ್ಟ್ಸ್‌ನಲ್ಲಿ ಪ್ರಕಟವಾದ ಅಧ್ಯಯನವು ಪುರುಷರು ಮತ್ತು ಮಹಿಳೆಯರು ವಿಭಿನ್ನವಾಗಿ ಕೇಳಿಸಿಕೊಳ್ಳುತ್ತಾರೆ ಎಂದು ತೋರಿಸಿದೆ.

ಮಹಿಳೆಯರ ಶ್ರವಣ ಸಾಮರ್ಥ್ಯ ಪುರುಷರಿಗಿಂತ ಹೆಚ್ಚು ಸೂಕ್ಷ್ಮವಾಗಿರುತ್ತದೆ. ಈ ಅಧ್ಯಯನದಲ್ಲಿ ಕೆಲವು ಆಘಾತಕಾರಿ ಸಂಗತಿಗಳು ಬೆಳಕಿಗೆ ಬಂದಿವೆ. ವಯಸ್ಸು ಅಥವಾ ಸ್ಥಳ ಏನೇ ಇರಲಿ, ಮಹಿಳೆಯರ ಶ್ರವಣ ಸಾಮರ್ಥ್ಯವು ಎಲ್ಲಾ ಅಂಶಗಳಲ್ಲಿ ಪುರುಷರಿಗಿಂತ ಉತ್ತಮವಾಗಿದೆ ಎಂದು ಸಂಶೋಧನೆ ತೋರಿಸಿದೆ.

ಸಂಶೋಧನೆ ಹೇಳಿದ್ದೇನು?: ಅಧ್ಯಯನದ ಸಂಶೋಧನೆಗಳ ಪ್ರಕಾರ, ಮಹಿಳೆಯರ ಶ್ರವಣ ಸಾಮರ್ಥ್ಯವು ಪುರುಷರಿಗಿಂತ ಸರಾಸರಿ ಎರಡು ಡೆಸಿಬಲ್‌ಗಳಷ್ಟು ಉತ್ತಮವಾಗಿದೆ. ಈ ಅಧ್ಯಯನವನ್ನು ವಿವಿಧ ಪರಿಸರಗಳು ಮತ್ತು ವಯೋಮಾನದವರ ನಡುವೆ ನಡೆಸಲಾಗಿದ್ದು, ಇದು ನಿಜವೆಂದು ಸಾಬೀತಾಗಿದೆ.

ಈ ಅಧ್ಯಯನದಲ್ಲಿ ಐದು ದೇಶಗಳ 13 ವಿವಿಧ ಗುಂಪುಗಳ 448 ಆರೋಗ್ಯವಂತ ವಯಸ್ಕರ ಶ್ರವಣ ಸಾಮರ್ಥ್ಯವನ್ನು ಪರೀಕ್ಷಿಸಲಾಗಿದೆ. ಈ ಅಧ್ಯಯನವು ಗ್ರಾಮೀಣ, ನಗರ ಮತ್ತು ಎತ್ತರದ ಪ್ರದೇಶಗಳ ವಯಸ್ಕರನ್ನು ಒಳಗೊಂಡಿದ್ದು, ಸಂಶೋಧನೆಗೆ ಹೆಚ್ಚಿನ ವೈವಿಧ್ಯತೆಯನ್ನು ಒದಗಿಸಿದೆ.