ಹಾವೇರಿ:- ಶಿಗ್ಗಾಂವಿ ಸವಣೂರ ವಿಧಾನಸಭಾ ಉಪಚುನಾವಣೆಯ ಮತಪ್ರಚಾರ ಪ್ರಯುಕ್ತ ಹೋತನಹಳ್ಳಿ ಗ್ರಾಮದಲ್ಲಿ, ನಮ್ಮ ರಾಜ್ಯದ ಜನಪ್ರಿಯ ಉಪಮುಖ್ಯಮಂತ್ರಿಗಳಾದ ಸನ್ಮಾನ್ಯ ಶ್ರೀ ಡಿ. ಕೆ. ಶಿವಕುಮಾರ್ ಅವರ ನೇತೃತ್ವದಲ್ಲಿ ಬೃಹತ್ ಪ್ರಚಾರ ಸಭೆ ನಡೆಯಿತು. ಮತದಾರ ಬಂಧುಗಳಿಂದ ತುಂಬಿತುಳುಕಿದ ಸಭೆಯಲ್ಲಿ ಸಾವಿರಾರು ಜನರು ಕಾಂಗ್ರೆಸ್ ಪರವಾದ ಘೋಷಣೆಗಳನ್ನು ಕೂಗಿದರು. ಎಲ್ಲೆಡೆ ಕಾಂಗ್ರೆಸ್ ಧ್ವಜಗಳು ಹಾರಾಡುತ್ತಾ, ಗ್ರಾಮದಲ್ಲಿ ಹಬ್ಬದ ವಾತಾವರಣ ಸೃಷ್ಟಿಯಾಗಿತ್ತು.
ಈ ಸಂದರ್ಭದಲ್ಲಿ ಸಚಿವರಾದ ಶ್ರೀಮತಿ ಲಕ್ಷ್ಮೀ ಹೆಬ್ಬಾಳ್ಕರ್, ಶ್ರೀ ಈಶ್ವರ್ ಖಂಡ್ರೆ, ಶಿವಾನಂದ ಪಾಟೀಲ್, ಶ್ರೀ ರಹೀಮ್ ಖಾನ್, ಶ್ರೀ ಭೈರತಿ ಸುರೇಶ್, ಶಾಸಕರುಗಳಾದ ಶ್ರೀ ಬಸವರಾಜ್ ಶಿವಣ್ಣನವರ್, ಶ್ರೀ ಅಶೋಕ್ ಮನಗೂಳಿ, ಶ್ರಿಮತಿ ಅಂಜಲಿ ನಿಂಬಾಳ್ಕರ್, ಕುಮಾರಿ ನಯನಾ ಮೋಟಮ್ಮ, ಮಾಜಿ ಶಾಸಕರಾದ ಶ್ರೀ ಸಯ್ಯದ್ ಅಝಮ್ ಪೀರ್ ಖಾದ್ರಿ, ಯೌತ್ ಕಾಂಗ್ರೆಸ್ ಅಧ್ಯಕ್ಷ ಶ್ರೀ ಮಹಮ್ಮದ್ ನಲಪಾಡ್, ಸೌಮ್ಯಾ ರೆಡ್ಡಿ, ಚಿತ್ರನಟ ಶ್ರೀ ಸಾಧು ಕೋಕಿಲ, ಶ್ರೀ ಸಂಜೀವ ನೀರಲಗಿ ಸಹಿತ ಹಲವು ಮುಖಂಡರು, ಪಕ್ಷದ ಕಾರ್ಯಕರ್ತರು ಹಾಗೂ ಕ್ಷೇತ್ರದ ಮತದಾರರು ಉಪಸ್ಥಿತರಿದ್ದರು. ಬೃಹತ್ ಹಾರವನ್ನು ಹಾಕಿ ಈ ಸಂದರ್ಭದಲ್ಲಿ ಉಪಮುಖ್ಯಮಂತ್ರಿಗಳನ್ನು ಸ್ವಾಗತಿಸಲಾಯಿತು. ಇದೇ ವೇಳೆ ಹೊಸದಾಗಿ ಕಾಂಗ್ರೆಸ್ ಪಕ್ಷಕ್ಕೆ ಸೇರ್ಪಡೆಯಾದ ಕಾರ್ಯಕರ್ತರನ್ನು ಶ್ರೀ ಡಿ. ಕೆ. ಶಿವಕುಮಾರ್ ಪಕ್ಷಕ್ಕೆ ಗೌರವದಿಂದ ಸ್ವಾಗತಿಸಿದರು.
ವರದಿ :-ರಮೇಶ್ ತಾಳಿಕೋಟಿ
