ಮೈಸೂರು : ಮೈಸೂರು ದಸರಾ ಮಹೋತ್ಸವದಲ್ಲಿ ಈ ಬಾರಿ ಕರಾವಳಿ ಭಾಗದ ಐತಿಹಾಸಿಕ ಕಂಬಳ ಓಟಕ್ಕೆ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅಧಿಕೃತ ಚಾಲನೆ ನೀಡಿದರು.
ಈ ವಿಶೇಷ ಕ್ಷಣದಲ್ಲಿ ಕಂಬಳದ ರೋಮಾಂಚನಕಾರಿ ದೃಶ್ಯಗಳನ್ನು ತಾವೇ ಸ್ವತಃ ತಮ್ಮ ಮೊಬೈಲ್‌ನಲ್ಲಿ ಸೆಲ್ಫಿ ವಿಡಿಯೋ ಮೂಲಕ ಸೆರೆಹಿಡಿದು ಗಮನ ಸೆಳೆದರು.
ನಂತರ ಈ ವಿಡಿಯೋವನ್ನು ತಮ್ಮ ಅಧಿಕೃತ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದು, "ಓಟದ ಭರದಲ್ಲಿ ಸಿಡಿದೇಳುವ ಮಣ್ಣಿನ ಕಂಪು, ದಿಗ್ವಿಜಯದತ್ತ ಮುನ್ನುಗ್ಗುವ ಕೋಣಗಳ ವೀರಾವೇಶ! ನಮ್ಮ ಅಪ್ಪಟ ದೇಸಿ ಸೊಗಡನ್ನು ಕಣ್ತುಂಬಿಕೊಳ್ಳುವಾಗ ಸಿಕ್ಕ ಆನಂದವೇ ಅನನ್ಯ" ಎಂದು ಬಣ್ಣಿಸಿದ್ದಾರೆ.
ಮುಖ್ಯಮಂತ್ರಿಗಳ ಈ ಸರಳತೆ ಹಾಗೂ ಕಂಬಳದ ಪ್ರೀತಿಗೆ ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿದೆ.
ಇನ್‌ಸ್ಟಾಗ್ರಾಮ್‌ನಲ್ಲಿ ಈ ವಿಡಿಯೋಗೆ ನೆಟ್ಟಿಗರು ವಿವಿಧ ರೀತಿಯಲ್ಲಿ ಕಾಮೆಂಟ್ ಮಾಡಿದ್ದು, "ಸಿಎಂ ಅವರ ವ್ಲೋಗಿಂಗ್ ಸೋ ಕ್ಯೂಟ್" ಎಂದು ಒಬ್ಬರು ಪ್ರಶಂಸಿಸಿದರೆ, ಮತ್ತೊಬ್ಬರು "ಭಾರತದಲ್ಲಿ ಬೆಸ್ಟ್ ಸಿಎಂ" ಎಂದು ಕಮೆಂಟ್ ಮಾಡುವ ಮೂಲಕ ತಮ್ಮ ಒಲವನ್ನು ವ್ಯಕ್ತಪಡಿಸಿದ್ದಾರೆ.
ಸಾಂಸ್ಕೃತಿಕ ಕ್ರೀಡೆಯನ್ನು ಹತ್ತಿರದಿಂದ ಅನುಭವಿಸಿ, ಅದನ್ನು ಸಾರ್ವಜನಿಕರೊಂದಿಗೆ ಹಂಚಿಕೊಂಡಿರುವ ಡಿಕೆಶಿ ಅವರ ಈ ವಿಡಿಯೋ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
