ವಿಶೇಷ ಅಭಿಷೇಕ ಮತ್ತು ಪೂಜೆ:
ಬರುವ ಭಾನುವಾರ, ಅಂದರೆ ಫೆಬ್ರವರಿ 15, 2026 ರ ಮಹಾಶಿವರಾತ್ರಿಯ ಪವಿತ್ರ ದಿನದಂದು ಮುಂಜಾನೆ 7:00 ಗಂಟೆಗೆ ನಾಗನಾಥ ದೇವರಿಗೆ ವಿಶೇಷ ಪಂಚಾಮೃತ ಅಭಿಷೇಕ, ಅಷ್ಟೋತ್ತರ ಶತನಾಮಾವಳಿ ಹಾಗೂ ವಿಶೇಷ ಅಲಂಕಾರ ಸೇವೆಗಳು ನೆರವೇರಲಿವೆ. ಈ ಪವಿತ್ರ ಅಭಿಷೇಕ ಸೇವೆಯಲ್ಲಿ ಪಾಲ್ಗೊಂಡು ಪುನೀತರಾಗಲು ಇಚ್ಛಿಸುವ ಭಕ್ತಾದಿಗಳು ಕಡ್ಡಾಯವಾಗಿ ಶನಿವಾರ, ಫೆಬ್ರವರಿ 14 ರೊಳಗೆ ಮಂದಿರದ ಕಾರ್ಯಾಲಯದಲ್ಲಿ ತಮ್ಮ ಹೆಸರುಗಳನ್ನು ನೋಂದಾಯಿಸಿಕೊಳ್ಳಬೇಕೆಂದು ಮಂದಿರ ಸಮಿತಿಯು ಪ್ರಕಟಣೆಯಲ್ಲಿ ತಿಳಿಸಿದೆ.
ಭವ್ಯ ಮಹಾಪ್ರಸಾದ (ಅನ್ನಸಂತರ್ಪಣೆ):
ಕಾರ್ಯಕ್ರಮದ ಮತ್ತೊಂದು ವಿಶೇಷತೆಯೆಂದರೆ, ಫೆಬ್ರವರಿ 16, ಸೋಮವಾರದಂದು ಭಕ್ತಾದಿಗಳಿಗಾಗಿ ಬೃಹತ್ ಮಹಾಪ್ರಸಾದ ಸೇವೆಯನ್ನು ಆಯೋಜಿಸಲಾಗಿದೆ. ಅಂದು ರಾತ್ರಿ 8:30 ರಿಂದ 10:30 ರವರೆಗೆ ಅನ್ನಪೂರ್ಣೇಶ್ವರಿ ನಗರ ಹಾಗೂ ಸುತ್ತಮುತ್ತಲಿನ ಸಮಸ್ತ ಸದ್ಭಕ್ತರಿಗೆ ಅನ್ನಸಂತರ್ಪಣೆ ನಡೆಯಲಿದೆ.
ನಾಗದೇವರ ದರ್ಶನ ಪಡೆದು, ತೀರ್ಥ ಪ್ರಸಾದ ಸ್ವೀಕರಿಸಲು ಮತ್ತು ಈ ಪುಣ್ಯ ಕಾರ್ಯದಲ್ಲಿ ಭಾಗಿಯಾಗಲು ಸಾರ್ವಜನಿಕರಿಗೆ ಹಾರ್ದಿಕವಾಗಿ ಆಮಂತ್ರಿಸಲಾಗಿದೆ. ಶಿಸ್ತುಬದ್ಧವಾಗಿ ಸಾಲಿನಲ್ಲಿ ನಿಂತು ನಾಗನಾಥನ ಕೃಪೆಗೆ ಪಾತ್ರರಾಗಬೇಕೆಂದು ಈ ಮೂಲಕ ವಿನಂತಿಸಿಕೊಳ್ಳಲಾಗಿದೆ.
ಸ್ಥಳ: ಶ್ರೀ ಸ್ವಯಂಭೂ ನಾಗನಾಥ ಮಂದಿರ,3ನೇ ಕ್ರಾಸ್, ಅನ್ನಪೂರ್ಣೇಶ್ವರಿ ನಗರ,ಯಳ್ಳೂರು ರೋಡ್, ಬೆಳಗಾವಿ.ಅಧ್ಯಕ್ಷರಾದ ನಾಗೆಶ ಮಲಜಿ ಸೌ. ಆಶಾ ದೇಸಾಯಿ ಶ್ರೀ ಶೇರು ಭಾದವಣಕರ
ವರದಿ :ಮಹಂತೇಶ್ ಎಸ್. ಹುಲಿಕಟ್ಟಿ
