ತುರುವೇಕೆರೆ : ತಾಲ್ಲೂಕಿನ ಜಿಲ್ಲಾ ಪಂಚಾಯ್ತಿ ಹಾಗೂ ತಾಲ್ಲೂಕು ಪಂಚಾಯ್ತಿಯ ಕ್ಷೇತ್ರವಾರು ಮೀಸಲಾತಿ ಪಟ್ಟಿಯನ್ನು ಸರ್ಕಾರ ಬಿಡುಗಡೆಗೊಳಿಸಿದೆ. ಮೀಸಲಾತಿ ಪಟ್ಟಿಯು ಚುನಾವಣೆಯಲ್ಲಿ ಸ್ಪರ್ಧಿಸಬೇಕೆಂದಿದ್ದ ಆಕಾಂಕ್ಷಿಗಳಲ್ಲಿ ಕೆಲವರಿಗೆ ಸಿಹಿ ತಿನಿಸಿದ್ದರೆ, ಮತ್ತೂ ಕೆಲವರಿಗೆ ಬೇವಿನ ರುಚಿಯನ್ನು ಉಣಬಡಿಸಿದೆ.
ತುರುವೇಕೆರೆ ತಾಲ್ಲೂಕು ವ್ಯಾಪ್ತಿಯು 4 ಜಿಲ್ಲಾ ಪಂಚಾಯ್ತಿ ಹಾಗೂ 16 ತಾಲ್ಲೂಕು ಪಂಚಾಯ್ತಿ ಕ್ಷೇತ್ರಗಳನ್ನು ಒಳಗೊಂಡಿದೆ.
ಸರ್ಕಾರದ ಮೀಸಲಾತಿಯು ಈ ಬಾರಿ 50:50 ಅನುಪಾತದಲ್ಲಿದೆ. ಈ ಪ್ರಕಾರ ಶೇ.50 ರಷ್ಟು ಸ್ಥಾನ ಮಹಿಳೆಯರಿಗೆ, ಶೇ.50ರಷ್ಟು ಸ್ಥಾನ ಪುರುಷರಿಗೆ ಮೀಸಲಾಗಿದೆ.
ಜಿಲ್ಲಾ ಪಂಚಾಯ್ತಿ ಕ್ಷೇತ್ರಗಳಾದ ಬಾಣಸಂದ್ರ (ಅನುಸೂಚಿತ ಜಾತಿ), ದಬ್ಬೇಘಟ್ಟ (ಸಾಮಾನ್ಯ), ದಂಡಿನಶಿವರ (ಸಾಮಾನ್ಯ ಮಹಿಳೆ), ಮಾಯಸಂದ್ರ (ಹಿಂದುಳಿದ ವರ್ಗ ಅ ಮಹಿಳೆ}ಗೆ ಮೀಸಲಾಗಿದೆ. ತಾಲ್ಲೂಕು ಪಂಚಾಯ್ತಿ ಕ್ಷೇತ್ರಗಳಾದ ಅಮ್ಮಸಂದ್ರ ರೂರಲ್ (ಸಾಮಾನ್ಯ), ಸಂಪಿಗೆ (ಅನುಸೂಚಿತ ಪಂಗಡ ಮಹಿಳೆ), ದಂಡಿನಶಿವರ (ಅನುಸೂಚಿತ ಜಾತಿ), ಬಾಣಸಂದ್ರ(ಅನುಸೂಚಿತ ಜಾತಿ ಮಹಿಳೆ), ಮಲ್ಲಾಘಟ್ಟ ಅಮಾನಿಕೆರೆ (ಸಾಮಾನ್ಯ), ಮುನಿಯೂರು (ಹಿಂದುಳಿದ ವರ್ಗ ಅ), ಕೊಂಡಜ್ಜಿ (ಹಿಂದುಳಿದ ವರ್ಗ ಅ), ವಡವನಘಟ್ಟ (ಹಿಂದುಳಿದ ವರ್ಗ ಬ ಮಹಿಳೆ), ಮಾಯಸಂದ್ರ (ಹಿಂದುಳಿದ ವರ್ಗ ಅ ಮಹಿಳೆ), ಮಾವಿನಕೆರೆ (ಹಿಂದುಳಿದ ವರ್ಗ ಅ), ಗೋಣಿತುಮಕೂರು (ಸಾಮಾನ್ಯ), ಕೊಡಗೀಹಳ್ಳಿ (ಸಾಮಾನ್ಯ ಮಹಿಳೆ), ಕಣತೂರು (ಸಾಮಾನ್ಯ ಮಹಿಳೆ), ದಬ್ಬೇಘಟ್ಟ (ಸಾಮಾನ್ಯ ಮಹಿಳೆ), ಮಣಿಚೆಂಡೂರು (ಸಾಮಾನ್ಯ), ಭೈತರಹೊಸಹಳ್ಳಿ (ಸಾಮಾನ್ಯ) ಕ್ಷೇತ್ರಕ್ಕೆ ಮೀಸಲಾಗಿದೆ.
ಈ ಮೀಸಲಾತಿ ಪ್ರಕಟಣೆ ಕುರಿತಂತೆ ಆಕ್ಷೇಪಣೆ ಸಲ್ಲಿಸಲು ಸರ್ಕಾರ 10 ದಿನಗಳ ಕಾಲಾವಕಾಶ ನೀಡಿದ್ದು, ಆಕ್ಷೇಪಣೆ ಸಲ್ಲಿಸಬಹುದಾಗಿದೆ. ಸರ್ಕಾರದ ಮೀಸಲಾತಿ ಪಟ್ಟಿ ಬಗ್ಗೆ ಯಾರಾದರೂ ಆಕ್ಷೇಪಣೆ ಸಲ್ಲಿಸುವವರೇ ಕಾದುನೋಡಬೇಕಿದೆ.
ವರದಿ: ಗಿರೀಶ್ ಕೆ ಭಟ್
