ಗದಗದ ಅನುಷ್ಕಾ(9), ವಿಜಯ(7), ವಿಜಯಪುರದ ಮಿಹಿರ್ ಜಾನಗೌಳಿ(7) ಮೃತಪಟ್ಟ ಮಕ್ಕಳು.ಬೇಸಿಗೆ ರಜೆ ಹಿನ್ನೆಲೆಯಲ್ಲಿ ತಾಯಿಯೊಂದಿಗೆ ಅನುಷ್ಕಾ ಮತ್ತು ವಿಜಯ ಅವರು ವಿಜಯಪುರದ ಅಜ್ಜಿ ಮನೆಗೆ ಬಂದಿದ್ದರು.
ಭಾನುವಾರ ಮನೆಯಲ್ಲಿದ್ದ ಮಿಹಿರ್ ಜೊತೆ ಇಬ್ಬರು ಸಮೀಪದಲ್ಲಿ ಒಂಟೆ ಸವಾರಿ ಮಾಡಿದ್ದು, ನಂತರ ಒಂಟೆಗಳನ್ನು ಹುಡುಕಿಕೊಂಡು ಹೋಗಿದ್ದಾರೆ. ಸಮೀಪದ ಚಾಬುಕಸಾಬ್ ದರ್ಗಾ ಬಳಿ ಇರುವ ತ್ಯಾಜ್ಯ ನೀರಿನ ಸಂಸ್ಕರಣಾ ಘಟಕದಲ್ಲಿ ಕಾಲು ಜಾರಿ ಬಿದ್ದಿದ್ದಾರೆ.
ಮಕ್ಕಳು ನಾಪತ್ತೆಯಾದ ಬಗ್ಗೆ ಪೋಷಕರು ದೂರು ನೀಡಿದ ಹಿನ್ನೆಲೆಯಲ್ಲಿ ಹುಡುಕಾಟ ನಡೆಸಲಾಗಿತ್ತು. ಒಳಚರಂಡಿ ತ್ಯಾಜ್ಯ ನೀರು ಸಂಸ್ಕರಣಾ ಘಟಕದಲ್ಲಿ ಮಕ್ಕಳ ಶವ ಪತ್ತೆಯಾಗಿದೆ. ಘಟಕದಲ್ಲಿ ಸುರಕ್ಷತಾ ಕ್ರಮ ಕೈಗೊಳ್ಳದೆ ಪಾಲಿಕೆ ನಿರ್ಲಕ್ಷ ವಹಿಸಿದೆ ಎಂದು ಆರೋಪಿಸಿ ಪೋಷಕರು ಪ್ರತಿಭಟನೆ ನಡೆಸಿದ್ದಾರೆ.
