ಬೆಳಗಾವಿ: ಕೋವಿಡ್ ಸಾಂಕ್ರಾಮಿಕದ ಹಿನ್ನೆಲೆಯಲ್ಲಿ ಸ್ಥಗಿತಗೊಂಡಿದ್ದ ಪರಕನಹಟ್ಟಿ ರೈಲು ನಿಲ್ದಾಣದ ನಿಲುಗಡೆ (Stoppage) ಇಂದಿನಿಂದ ಅಧಿಕೃತವಾಗಿ ಪುನರಾರಂಭಗೊಂಡಿದೆ. ಇದರಿಂದಾಗಿ ಈ ಭಾಗದ ಪ್ರಯಾಣಿಕರ ಹಾಗೂ ವ್ಯಾಪಾರಸ್ಥರ ಬಹುದಿನಗಳ ಬೇಡಿಕೆ ಈಡೇರಿದಂತಾಗಿದೆ.
ರೈಲು ನಿಲುಗಡೆಯ ಸಮಯ:
ಇಂದಿನಿಂದ ನಿಲ್ದಾಣದಲ್ಲಿ ಪ್ರತಿದಿನ ಈ ಕೆಳಗಿನ
ಸಮಯಕ್ಕೆ ರೈಲುಗಳು ನಿಲ್ಲಲಿವೆ:
ಮುಂಜಾನೆ: 8:15 ಗಂಟೆಗೆ
ಮಧ್ಯಾಹ್ನ: 2:00 ಗಂಟೆಗೆ
ಸಂಜೆ: 4:00 ಗಂಟೆಗೆ
ರಾತ್ರಿ: 9:30 ಗಂಟೆಗೆ
ಗಣ್ಯರ ಉಪಸ್ಥಿತಿ:
ಈ ಐತಿಹಾಸಿಕ ಕ್ಷಣಕ್ಕೆ ಸಾಕ್ಷಿಯಾದ ಸಮಾಜ ಸೇವಕರಾದ ಅಶೋಕ್ ಚೌವಗಲ್, ಬಸವರಾಜ ವಿರುಪಾಕ್ಷಿ ಹುಲಿಕಟ್ಟಿ ಹಾಗೂ ಊರಿನ ಸಮಸ್ತ ಹಿರಿಯರಾದ ಕಲ್ಲಪ್ಪ ಬಾಳಪ್ಪ ಮಗದುಮ್, ವಕೀಲರಾದ ವಿಠ್ಠಲ ಮುನ್ನೊಳ್ಳಿ, ರಾಜು ಇರಪನ್ನ ಮರೆನ್ನವರ್, ಅಡಿವೆಪ್ಪ ಇರಪಣ್ಣ ಮರೇನ್ನವರ್, ಈಶ್ವರ್ ಮುನ್ನೊಳ್ಳಿ, ಪ್ರಕಾಶ್ ಕಲ್ಲಪ್ಪ ಬುಗಡಿಕಟ್ಟಿ, ಮಲ್ಲಿಕಾರ್ಜುನ ಮಸ್ತಿಹೋಳ್ಳಿ, ಶಿವಬಸಪ್ಪ ಶಿರೂರು, ಪ್ರಕಾಶ್ ಬಾಳಪ್ಪ ಪೈರಾಶಿ, ಈರಪ್ಪ ಬಸವನ್ನೀ ಪೈರಾಶಿ, ಮಲ್ಲಪ್ಪ ಶಿರೂರು, ಶಂಕರ್ ಮಸ್ತಿಹೋಳ್ಳಿ ಹಾಗೂ ಪಂಚನ್ನವರ್ ಅವರು ಉಪಸ್ಥಿತರಿದ್ದು ಹರ್ಷ ವ್ಯಕ್ತಪಡಿಸಿದರು.
ಟಿಕೆಟ್ ಹಂಚಿಕೆ ಮತ್ತು ನಿರ್ವಹಣೆ:
ಟಿಕೆಟ್ ಹಂಚಿಕೆದಾರರಾಗಿ ಲಕ್ಷ್ಮಣ್ ಮೆಳ್ಳಿಕ್ಕೇರಿ, ವಕೀಲರಾದ ಬಸವರಾಜ ಮಸ್ತಿಹೋಳಿ, ಸದಾಶಿವ ಹುಕ್ಕೇರಿ, ದುಂಡಪ್ಪ ದೇವರಮನಿ, ಜಂಪನ್ನ ಪಾಟೀಲ್, ಕೆಂಪಣ್ಣ ಚಿತುರ್, ಮತ್ತು ಬಾಳಪ್ಪ ಇರಣಟ್ಟಿ ಅವರು ಜವಾಬ್ದಾರಿ ವಹಿಸಿಕೊಂಡಿದ್ದಾರೆ. ಇಡೀ ಕಾರ್ಯಕ್ರಮವನ್ನು ಬಸಯ್ಯ ಹಿರೇಮಠ ಅವರು ಅಚ್ಚುಕಟ್ಟಾಗಿ ನಡೆಸಿಕೊಟ್ಟರು.
ರೈಲು ನಿಲುಗಡೆ ಪುನರಾರಂಭಗೊಂಡಿರುವುದು ಸ್ಥಳೀಯರ ದೈನಂದಿನ ಪ್ರಯಾಣಕ್ಕೆ ಮತ್ತು ಆರ್ಥಿಕ ಚಟುವಟಿಕೆಗಳಿಗೆ ಹೆಚ್ಚಿನ ಅನುಕೂಲ ಮಾಡಿಕೊಟ್ಟಂತಾಗಿದೆ.
. ವರದಿ :ಮಹಾಂತೇಶ್ ಎಸ್ ಹುಲಿಕಟ್ಟಿ
