ಚಿಕ್ಕಬಳ್ಳಾಪುರ: ಕಾಂಗ್ರೆಸ್‌ ಶಾಸಕ ಪ್ರದೀಪ್ ಈಶ್ವರ್(Pradeep Eshwar) ಹಾಗೂ ಪಕ್ಷದ ಸ್ಥಳೀಯ ನಾಯಕರ ನಡುವಿನ ಮುಸುಕಿನ ಗುದ್ದಾಟ ಬೀದಿ ರಂಪಾಟವಾಗಿ ಬದಲಾಗಿ (Congress) ಬಹಳ ದಿನಗಳಾಗಿದೆ.
ಅನೇಕ ಸ್ಥಳೀಯ (Big News) ನಾಯಕರು ಶಾಸಕರಿಗೆ ಮುಂದಿನ ಚುನಾವಣೆಯಲ್ಲಿ ಸೀಟು ಕೊಡಬಾರದು ಎಂದು ಸಿಎಂ ಡಿಕೆ ಶಿವಕುಮಾರ್ ಅವರಿಗೆ ಮನವಿ ಮಾಡಿದ್ದರು.
ಅದರಲ್ಲೂ ಸ್ವಪಕ್ಷದ ನಾಯಕ ಎಂಸಿ ಸುಧಾಕರ್‌ ವಿರುದ್ದ ಕೂಡ ಪ್ರದೀಪ್ ಈಶ್ವರ್ ಪರೋಕ್ಷವಾಗಿ ವಾಗ್ದಾಳಿ ನಡೆಸಿದ್ದರು.
ಈ ಎಲ್ಲ ಗೊಂದಲಗಳ ನಡುವೆ ವೋಟಿಗಾಗಿ ಕೋಟಿ ಕೋಟಿ ಹಣ ಖರ್ಚು ಮಾಡಿದ್ದೇನೆ ಎಂದು ಹೇಳುವ ಮೂಲಕ ಹೊಸ ಬಾಂಬ್‌ ಸಿಡಿಸಿದ್ದಾರೆ.
30 ನಾಯಕರಿಗೆ ಕೋಟಿ ಕೋಟಿ ಕೊಟ್ಟಿದ್ದೀನಿ
ಸಾರ್ವಜನಿಕ ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಪ್ರದೀಪ್ ಈಶ್ವರ್, ತಮ್ಮ ಪಕ್ಷದ ನಾಯಕರ ವಿರುದ್ದವೇ ಆರೋಪಗಳ ಸುರಿಮಳೆ ಸುರಿಸಿದ್ದಾರೆ. ನಾನು ಅನೇಕ ಬಾರೀ ಹಣ ಖರ್ಚು ಮಾಡಿದ್ದೇನೆ. ಸುಮಾರು 30 ನಾಯಕರಿಗೆ ಕೋಟಿ ಕೋಟಿ ಕೊಟ್ಟಿದ್ದೀನಿ.
ನನ್ನ ಬಳಿ ಪಾರ್ಟಿಗಾಗಿ ಹಣ ಕೇಳಿದ್ರೆ ಕೊಡಬಹುದು, ವೈಯಕತಿಕ ಕಷ್ಟಕ್ಕೆ ಕೇಳಬೇಡಿ. ಸೈಡ್‌ಗೆ ಕರೆದುಕೊಂಡು ಹೋಗಿ 10 ಲಕ್ಷ ಕೇಳ್ತಾರೆ, ಒಮ್ಮೆ ಕಾಲ್‌ ರಿಸೀವ್‌ ಮಾಡಿದ್ರೆ 10 ಲಕ್ಷ ಕೊಡಬೇಕು ಎಂದು ಶಾಕಿಂಗ್‌ ಬಾಂಬ್‌ ಸಿಡಿಸಿದ್ದಾರೆ.
ಮಂಚೇನಹಳ್ಳಿ ಪ್ರಕಾಶ್‌ ಟ್ರಿಪ್‌ಗೆ ಹೋದ್ರೆ ಅವರಿಗೆ ಫ್ಲೈಟ್‌ ಟಿಕೆಟ್ ಕೊಡಬೇಕು. ಅವರು ಶಿರಡಿ ಹೋಗಲು ಬರಲು ಫ್ಲೈಟ್‌ ಟಿಕೆಟ್ ನಂದೇ. ನಾಯಕರಿಗೆ ಸಹ ನಂದೇ ಫ್ಲೈಟ್‌ ಟಿಕೆಟ್ ಎಂದು ಹೇಳಿದ್ದಾರೆ.
