ಮಾನ್ವಿ: ಪಟ್ಟಣದ ಶ್ರೀ ನೀಲಕಂಠೇಶ್ವರ ಕಲ್ಯಾಣ ಮಂಟಪದ ಸಭಾಂಗಣದಲ್ಲಿ ಶ್ರೀ ಚನ್ನಬಸವೇಶ್ವರ ಪತ್ತಿನ ಸೌಹಾರ್ದ ಸಹಕಾರಿ ಸಂಘ ನಿ.17 ನೇ ವರ್ಷದ ಸಾಮಾನ್ಯ ಸಭೆಯನ್ನು ರಾಯಚೂರು ಜಿಲ್ಲಾ ಸೌಹಾರ್ದ ಸಹಕಾರಿ ಸಂಘಗಳ ಒಕ್ಕೂಟದ ಜಿಲ್ಲಾಧ್ಯಕ್ಷರಾದ ಎಂ.ದೊಡ್ಡಬಸವರಾಜಗೌಡ ಉದ್ಘಟಿಸಿ ಮಾತನಾಡಿ ಜಿಲ್ಲೇಯಲ್ಲಿ 465 ಕ್ಕೂ ಹೆಚ್ಚು ಸೌಹಾರ್ದ ಸಹಕಾರಿ ಸಂಘಗಳಿದ್ದು ಅವುಗಳಲ್ಲಿ 370 ಕ್ಕೂ ಹೆಚ್ಚು ಸೌಹಾರ್ದ ಸಹಕಾರಿ ಸಂಘಗಳು ಸಕ್ರಿಯವಾಗಿದ್ದು ಲಾಭದತ್ತ ಸಾಗುತ್ತಿವೆ.ಕೇಂದ್ರ ಸರಕಾರ ಸಹಕಾರಿ ಕ್ಷೇತ್ರದಿಂದ ದೇಶದ ಹಾಗೂ ರಾಜ್ಯದ ಅರ್ಥಿಕ ಅಭಿವೃದ್ದಿಯಲ್ಲಿ ಮಹಾತ್ವದ ಪಾತ್ರ ವಹಿಸುತ್ತಿರುವುದನ್ನು ಗುರುತಿಸಿ ಸಹಕಾರಿ ಕ್ಷೇತ್ರಕ್ಕಾಗಿ ಪ್ರತ್ಯಕ ಸಚಿವಾಲಯ ಹಾಗೂ ಸಹಕಾರಿ ವಿಶ್ವವಿದ್ಯಾಲಯವನ್ನು ಪ್ರಾರಂಭಿಸುವ ಮೂಲಕ ಸಹಕಾರಿ ಕ್ಷೇತ್ರವನ್ನು ಬಲಪಡಿಸುತ್ತಿದೆ. ಎಲ್ಲಾ ಸಹಕಾರಿ ಸಂಘಗಳು ತಮ್ಮ ಸಂಸ್ಥೆಗಳಲ್ಲಿ ಅತ್ಯಧುನಿಕ ತಂತ್ರಜ್ಞಾನವನ್ನು ಅಳವಡಿಸಿಕೊಳ್ಳುವ ಮೂಲಕ ಸದಸ್ಯರಿಗೆ ಉತ್ತಮ ಆರ್ಥಿಕ ಸೇವೆಯನ್ನು ನೀಡುವುದಕ್ಕೆ ಕ್ರಮ ಕೈಗೊಳ್ಳಬೇಕು ಸಹಕಾರಿಗಳ ಮೂಲಕ ಇಂದು ಸುಲಾಭವಾಗಿ ಜನರಿಗೆ ತಮ್ಮ ಆರ್ಥಿಕ ಅಗತ್ಯಗಳಿಗೆ ಅನುಗುಣವಾಗಿ ಸುಲಾಭವಾಗಿ ಸಾಲ ಸೌಲಭ್ಯದ ಜೋತೆಗೆ ಉಳಿತಾಯ,ಹಾಗೂ ಸುರಕ್ಷಿತ ಠೇವಣಿ ಇಡುವುದಕ್ಕೆ ಅವಕಾಶ ಕಲ್ಪಿಸಿದೆ. ಒಂದು ಸಹಕಾರಿ ಅಭಿವೃದ್ದಿ ಯಾಗಬೇಕಾದರೆ ಸಹಕಾರಿಯ ಆಡಳಿತ ಮಂಡಳಿ,ಸಿಬ್ಬಂದಿ ,ಸದಸ್ಯರು,ಠೇವಣಿದಾರರು,ಷೇರುದಾರರು, ಸಾಲಗಾರರು ಕೂಡ ಮುಖ್ಯವಾಗುತ್ತರೆ. ಜಿಲ್ಲೇಯಲ್ಲಿ ಸಹಕಾರಿ ಸಂಘಗಳ ಮೂಲಕ ಸಾವಿರಾರು ಉದ್ಯೋಗಗಳು ಸೃಷ್ಟಿಯಾಗುವುದರ ಜೊತೆಗೆ ಸಮಾಜಿಕ ಅಭಿವೃದ್ದಿಯಲ್ಲಿ ಮಹಾತ್ವದ ಕೊಡುಗೆಯನ್ನು ಸಹಕಾರಿಗಳು ಸಂಘಗಳು ನೀಡುತ್ತಿವೆ ಎಂದು ತಿಳಿಸಿದರು.
ಸಹಕಾರಿಯ ಅಧ್ಯಕ್ಷರಾದ ವೆಂಕಟರಾಯಗೌಡ ಪಾಟೀಲ್ ಮಾತನಾಡಿ ಸಹಕಾರಿಯು ಮಾನ್ವಿ ಮತ್ತು ಸಿರವಾರ ಶಾಖೆಗಳ ಮೂಲಕ ಕಳೆದ 17 ವರ್ಷಗಳಿಂದ ಸಹಕಾರಿಯ ಸದಸ್ಯರಿಗೆ ಉತ್ತಮ ಸೇವೆಯನ್ನು ನೀಡುತ್ತ ಬಂದಿದೆ. 2025-26 ನೇ ಸಾಲಿನಲ್ಲಿ 24.85 ಕೋಟಿ ದುಡಿಯುವ ಬಂಡವಾಳದೊಂದಿಗೆ 18.91 ಕೋಟಿಸದಸ್ಯರಿಗೆ ವಿವಿಧಸಾಲಗಳನ್ನು ನೀಡಲಾಗಿದು. 128 ಕೋಟಿ ವಾರ್ಷಿಕ ವಾಹಿವಾಟು ನಡೆಸಿ 1ಕೋಟಿ 65 ಲಕ್ಷ ನಿವ್ವಳ ಲಾಭವನ್ನು ಸಹಕಾರಿಯು ಗಳಿಸಿದೆ.ಸದಸ್ಯರಿಂದ 16ಕೋಟಿ 49 ಲಕ್ಷ ಠೇವಣಿಗಳನ್ನು ಸಂಗ್ರಹಿಸಲಾಗಿದೆ ಸಹಕಾರಿಯ ಅಭಿವೃದ್ದಿಗೆ ಎಲ್ಲಾ ಸದಸ್ಯರು ಸಹಕಾರ ನೀಡುವಂತೆ ಕೋರಿದ್ದಾರು.
ಸಹಕಾರಿಯ ಉತ್ತಮ ಗ್ರಾಹಕರನ್ನು ಸನ್ಮಾನಿಸಿ ಗೌರವಿಸಲಾಯಿತು.
ಕಾರ್ಯಕ್ರಮದಲ್ಲಿ ಜಿಲ್ಲಾ ಸೌಹಾರ್ಧ ಸಹಕಾರಿ ಅಭಿವೃದ್ದಿ ಅಧಿಕಾರಿ ನಟರಾಜ, ಮುಖಂಡರಾದ ಕೆ.ಬಸವಂತಪ್ಪ, ಸಹಕಾರಿಯ ಉಪಾಧ್ಯಕ್ಷರಾದ ಅಮರೇಗೌಡ.ಜೆ, ನಿರ್ದೇಶಕರಾದ ಮಲ್ಲನಗೌಡ ಪಾಟೀಲ್ ನಕ್ಕುಂದಿ, ಶಿವರಾಜ ಪಾಟೀಲ್ ವಕೀಲರು, ನಿವೃತ್ತ ಪಿ.ಎಸ್.ಐ. ಶರಶ್ಚಂದ್ರಯಾದವ್ ,ಶೇಖರಪ್ಪ ಪಾಟೀಲ್,ಶರಣಬಸಪ್ಪ.ಕೆ, ಸಹಕಾರಿಯ ಸಿ.ಈ.ಓ. ಬಸವರಾಜ ಪಾಟೀಲ್,ವ್ಯವಸ್ಥಾಪಕರಾದ ಅಮರೇಗೌಡ.ಜಿ ಸೇರಿದಂತೆ ಸಹಕಾರಿಯ ಆಡಳಿತಮಂಡಳಿಯವರು ಸಹಕಾರಿಯ ಸದಸ್ಯರು,ಸಿಬ್ಬಂದಿಗಳು ಇದ್ದರು.
ವರದಿ : ಆಂಜನೇಯ ನಸಲಾಪುರ
