ಟೆಹ್ರಾನ್: ಇರಾನ್ ಜನರಿಗೆ ರಾಜಧಾನಿ ಟೆಹ್ರಾನ್ ತೊರೆಯುವಂತೆ ಎಚ್ಚರಿಕೆ ನೀಡಿದ ನಡುವೆಯೇ ಇಸ್ರೇಲ್ ಸೇನೆ ಇರಾನ್ ಸರ್ಕಾರಿ ಸ್ವಾಮ್ಯದ ಸುದ್ದಿವಾಹಿನಿ ಮೇಲೆ ಬಾಂಬ್ ದಾಳಿ ನಡೆಸಿದೆ. ನೇರ ಪ್ರಸಾರದಲ್ಲಿ ಸುದ್ದಿವಾಚಿಸುತ್ತಿದ್ದಾಗ ಬಾಂಬ್ ಸ್ಫೋಟ ನಡೆದಿದ್ದು, ಕ್ಷಣಮಾತ್ರದಲ್ಲಿ ಸ್ಟುಡಿಯೋವನ್ನು ಧೂಳು ಆವರಿಸಿದೆ.
ಇಸ್ಲಾಮಿಕ್ ರಿಪಬ್ಲಿಕ್ ಆಫ್ ಇರಾನ್ ನ್ಯೂಸ್ ನೆಟ್ವರ್ಕ್ನ ಸುದ್ದಿವಾಚಕಿ ಸಹರಾ ಇಮಾಮಿ ಅವರು ಸುದ್ದಿ ವಾಚಿಸುತ್ತಿದ್ದಾಗ ಕ್ಷಿಪಣಿ ದಾಳಿ ನಡೆದಿದೆ. ತಕ್ಷಣವೇ ಅವರು ತಮ್ಮ ಆಸನದಿಂದ ಗಾಬರಿಯಿಂದ ಹೊರಗೆ ಓಡುತ್ತಿರುವ ದೃಶ್ಯವೂ ಸೆರೆಯಾಗಿದೆ. ಈ ವೇಳೆ ಅಲ್ಲಿದ್ದ ಜನರು “ಅಲ್ಲಾಹು ಅಕ್ಬರ್” ಎಂಬ ಘೋಷಣೆಗಳು ಕೂಗಿದ್ದು, ರೆಕಾರ್ಡ್ ಆಗಿದೆ.
